طلب المشورة بأسرع وقت الله لا يهينكم

طلب المشورة بأسرع وقت الله لا يهينكم

السلام عليكم ورحمة الله وبركاته.

يا إخوان اطلبكم المشورة و"ما خاب من استشار".

أعرف ان ضايعة الإبل لا يجوز أخذها كما نهى الرسول صلى الله عليه وسلم عن ذلك.
ولكن اليوم كلمني الراعي وقال انه لقى ناقة والظاهر انها ضايعة واليوم شافها ولدت.

فهل اقوله يشيلها ويخليها في الشبك ويكلم اللي حوله من الرعاة أو يتركها.

وخاصة ان اللي تحتها توه انولد والخوف عليه من الكلاب أو اي شي ثاني.

ولا ابي من راعيها اذا جاها اي شي مقابل علفها ورعايتها.

والسلام عليكم

الموضوع الأصلي: طلب المشورة بأسرع وقت الله لا يهينكم || الكاتب: حسين الأسدي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

'gf hgla,vm fHsvu ,rj hggi gh didk;l

واذا شورتوا علي اني اشيلها .
اخاف من راعيها يسوي عليها مشاكل ويتهمني بأني سارقها.

وش رأيكم يالوجيه الطيبة.

المشاركة الأصلية كتبت بواسطة حسين العقبي

واذا شورتوا علي اني اشيلها .
اخاف من راعيها يسوي عليها مشاكل ويتهمني بأني سارقها.


وش رأيكم يالوجيه الطيبة.

انا اقول خلها ياحسين في فالها ولاتقربها الا اذا ما حولها شجر تا كل منه وتبي تعطيها علف بسيط ولاماْ ولايمنع تحط عينك عليها لاجا راعيها تذكرها له ومثل ما قال ابن جدلان ودنا با الطيب لو في الدهر جحاد طيب ** كل ماتخلص مع الناس كنك تغشها

والله وانا أخوووووووك استخير رب العالمين ..

أن بغيت العلم الغانم والأجر حطها مع ذودك وأكرمها وشهد عليها وأذكرها
وان بغيت تبعدها عن عزبتك محد بملحق ملامه

المشاركة الأصلية كتبت بواسطة محمد ابن حبيب

انا اقول خلها ياحسين في فالها ولاتقربها الا اذا ما حولها شجر تا كل منه وتبي تعطيها علف بسيط ولاما ولايمنع تحط عينك عليها لاجا راعيها تذكرها له ومثل ما قال ابن جدلان ودنا با الطيب لو في الزمن جحاد طيب كل ماتخلص مع الناس كنك تغشها[/CENTER]

جزاك الله خير .
مشورة طيبة من وجه طيب.

وزي ما وضحت الناس في زماننا هذا تجحد الطيب.

المشاركة الأصلية كتبت بواسطة طلال الروقي

والله وانا أخوووووووك استخير رب العالمين ..

أن بغيت العلم الغانم والأجر حطها مع ذودك وأكرمها وشهد عليها وأذكرها
وان بغيت تبعدها عن عزبتك محد بملحق ملامه

بارك الله فيك.

ما هي قريبه من عزبتي ولقاها الراعي ويقول لها يومين.

قلت للراعي لا جاك واحد يسأل عنها وريه مكانها.

وانا بغيت الأجر من الله لما نويت اشيلها مع ابلي ولا ابي منه ريال.

بس وانا اخوك الناس نياتها تغيرت واحسان الظن صار قليل الا من رحم الله.

وزي ما قلت ابستخير ان شاءالله وعسى الله يحلها ويلقاها راعيها.

أتفق مع كلام أخوي طلال وعسى الله يدلك

كل راعي ابل يعرف ان الناقه المقرب تترك امهاتها

والرجال سج منها ما شبكها وتلقاه يدورها الحين وعارف وش سبب ضياعها

حطها مع ابلك انا اخوك وعلم هل العزب اللي حولكم

وانت كسبان الاجر من الله

وراعيها لابده واحد من اثنين: اما لحية غانمه بيقدر الطيب والا جحاد طيب رد ناقته عليه وحط اصبعك في عينه

لاتخاف عليها ولدها بتفتكه واذا مشى يمكن تجيك ويمكن تروح لراعيها
ان جتك ضمها وشود عليها وان ماجتك لاتجيبها وان كان تبي الاجر
علفها بمكانها لين ولدها يمشي

العلم الغانم والاجر يجزاك عليه الله سبحانه وتعالي مادور من احد يشكرك عليه كل واحد يعرف ذلك خلها مع حلالك واطرح خبرها عند الاي يجيك وبيض الله وجهك

مشكور يا لإخوان وبيض الله وجيهكم.