استفسار عن تنظيف الناقه

استفسار عن تنظيف الناقه

اخواني الله يحفظكم

عندي استفسار عن ناقة من العام وهي مالقحت الناقه ثنوها بكرة عندي العام الاول ويوم جا العام اضربتها وقطعت منها ولا قسم لنا الله فيها لقاح

والسنه ذي ماعندي من الفحول الى جذع ولااضربتها به لان الناقه سمين ولاهوب محتالها

واروح اضربها ببعارين عند قصرااناا

الناقه لامن سقناها للفحل وشافته قامت تاكل اماتها وتردهن ولاصكينا عليهن طقت خلا منا دعمتنا ودعمت المواتر


المهم اني طرحت الناقه وجبنا لها واحد يقطعها ويدخل عليها فيها صيد بسيط ويقول الرجال ان الناقه متسكر رحمها !!

ويقول فتحت الرحم وحطينا فيها حبوب تنظيف وضربتها بابرة مضاد حيوي 40 مل الكلام ذا قبل كم يوم

واليوم الصبح يوم وديناها للفحل سوة سواتها كل يوم وقيدناها وسقناها للفحل العصر واضربها


انا لقيت مواضيع واجد لحالات مقاربه لما جا عندي وفرت مخي قلت باخليها بموضوع الحالها عشان اكون ادق في الفهم


اخواني تعليقكم على ماتقرون والحل الناقه عندي تسوا شي واجد ولانيب بايعها لو طال حيالها بس ماودي اتفرط في لقاحها الزمان ذا بعد

الموضوع الأصلي: استفسار عن تنظيف الناقه || الكاتب: سالم محمد الدوسري || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

hsjtshv uk jk/dt hgkhri

يابو محمد الي ادخل عليها وش يقول يقول متسكر رحمها مره خايط ولا يروح شي من الندوه لو بسيط

الرجال يقول انه يوم ادخل عليها لقاه قافل وفتحه ونظف ويقول الرحم نظيف والقفله هي اللي تمنع من لقاح الناقه لان ماء البعير مايدخل الرحم

إصبر عليها عشرة أيام بعد التنظيف والمضاد ثم إدخلها عالبعير المضاد يحتاج وقت ومادام نظفها وعطاها التحاميل والمضاد وفك القفله خلها شوي قبل ماتدخل عليها مره ثانيه وترى الناقه غالبا ماهي بميسر إكرمها بالبرسيم وإربط الفحل وسط البل ,أحيانا قد تحتاج إبرة اليسره إذا الناقه مايسرت
الله يفك عوق ناقتك ويمنحك منها مايسرك

جعل الله يبارك لك ان شاء الله ببكره منها تنوسك
لكن اصبر خل ابره اليسره اخر شي قدام تفدر الفحول

اخوي مشبب بن شباب لاهنت على المرور الناقه ضربناها امس وهي اللي بركت للبعير والناقه ماعليها خلاف سمين ماتشل عمرها من الشحم الى كنها تردا حالها شوي ذا الايام مادري شقومها والى البل عامه ماعليها خلاف والبعير معها جذع بينها وهاذا هو يتكرفها ويحودها والسنافيه ماهيب ضاربه له حساب

محمد ال فالح اشكر لك مرورك يالسنافي

وابرة اليسره مالي فيها نهائيا وانا قصدي اتلاحق وقت اللقاح ماودي اسوي مثل العام ماعندي خلفات الى من شهر اربعه ورايح

مادام بركت وتوالبعير ضاربها أمس ردها عالفحل بعد إسبوعين كما تعلم وإن شاء الله يفرحك بلقاحها والمعذره فهمت بالخطاء إنك طرحتها للبعير.لكن الآن ماهو سؤالك ؟؟إنت عملت بالأسباب وتبين سبب عدم اللقاح وهو الصيد والرحم مقفل وتم علاج المشكله.

ملاحظه: الشحم الزايد يقلل فرص اللقاح كان مابين عشارها بعد إسبوعين خف عليها وأنا خوك وإعزلها عالتبن الله يكرمك والماء كل 3 أيام ولماإنها خفت سقها للفحل
ولك خالص تحياتي

سؤالي عن الطريقه اللي سويتها صحيحه والى لا ؟؟

وهل قفل الرحم من السمنه مع انها من خذيتها وهي سمينه وحالها طيب ولقحت عندي وولدت وامورها زينه

صحيح ونص وبالنسبة للقفله هذي عادة تكون على وسخ مما يسبب إلتهاب وإلتصاقات
والسمنه تضعف إنتاج المبايض
تحياتي يالغالي

الله لايهينك على المرور وبارك الله فيك

شباب بن مشبب عطاك شرح وافي
وانا معاه في شوره

شوركم طيب يالربع

وانا نظفت المطيه وحطيت حبوب تنظيف وضربتها ابرة مضاد حيوي 40 مل

وملحتها وخليتها اربع ايام



وضربتها وعسى مااعاد يقفل الرحم بس