مسراح الفحل مع البل؟مطلوب مشاركتكم

مسراح الفحل مع البل؟مطلوب مشاركتكم

السلام عليكم ورحمة الله وبركاته
التعامل مع الفحل قد يختلف من شخص لآخر حسب المكان وتوفر الرعي وحسب طبع الفحل وكما لايخفاكم أن المشي بحد ذاته مرغوب للإبل أرى بعض الناس فحولهم ماتطلع من الشبك أبد!!!! وأنا أعتقد بأن ذلك غير صحي أبدا للفحل .والبعض الآخر مايفكه من الشبك إلا وقت الهداد فقط وبقية السنه يكون مشبوك ويمكن يكووون العذر أحيانا وجود أكثر من فحل والخوف لاتتذابح الفحووول..وقد يكون البعض يبي الفحل يفدر لكنهم حتى بعد مايفدر الفحل ويصير كأنه لقحه ماعاد يسرحوووونه أبد
راح أبداء بطريقتي مع الفحول وقد تكوووون خاطئة لكن من تجاربكم نستفيد...عندي فحلين كلهم شريتهم من مده ماهي ببعيده
1 الهرش وطبعه شين مع البكار والمفاريد ولاقدرت أسرحه مع البل لشين طبعه لكن أفكه يتمشى حول الشبك كل عصر غالبا بعيد من البل ولاحظت عليه إنه بداء يفدر وهذا ماعلي منه بأخليه في شبكه على طوووول ولا جاء نصيبه بعته

2 فحل ثني وهذا مع البل 24 ساعه وأربطه معاها في الليل وأكله مع البل على طول ولاحظت من يوم خليته مع البل إن خاطره زييين وطبعه بعد ولايؤذي اللقاح ولا المفاريد وناوي بعد ماينتهي وقت الهداد أخليه مع البل في النهار وفي الليل أحطه في شبكه جنب البل عشان أكرمه بالعشاء شعير وشوي وافي وبرسيم وعشان يفدر وهكذا إلى وقت الهداد الثاني
نبي مشاركتم عن طريقتكم مع الفحوووول في وقت الهداد وفي الأوقات اللي تلي وقت الهداد لما يكووون البعير فادر والهدف الفائده للجميع ولتبادل الخبرات
تحياتي للجميع

الموضوع الأصلي: مسراح الفحل مع البل؟مطلوب مشاركتكم || الكاتب: مشبب بن حماد القحطاني || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

lsvhp hgtpg lu hgfg?l'g,f lahv;j;l

ارحب يا بو نايف

ما فيه كلام بأن مشي البعير غير عن الرباط او الشبك ومنها عوامل كثيره وهي نفسية البعير يكون هادي

مع اماته واذا كان مربوط يطرد هذي ويعض هذي وهذا كله من الحكر

واذا كان مع البل راعي او عينه عليها ففك البعير افضل

واذا فدر البعير ماعاد عليه لو تخليه وسطها الا اذا انت خايف بعض الركاب يضرب وهو فادر وبطين

شكرا

هلاو غلا يابووووو نااايف ..

حكر البعير وربطه د اخل الشبك أغلب الأياااااااام تضر ولا تسر
سواءاً البعير أو صاحبه ,,
فالفحل الربوط أغلب أيامه داخل الشبك وعزله عن أمهاته تغير من سلوكيات الفحل .
فقد شاهدت أكثر من فحل مربوط ، عندما يفكه صاحبه من الشبك يعوث في البل ويصب جام غضبه ولا يميز
على أول ناقه تواجهه وطارحها طارحها سواء لقحه أو معشر أو حائل أو حتى حوار
وهذه من سلبيات الرباط في الشبك أغلب أيام السنه ..

ومن سلبيات ربط البعير في الشبك أيضاً جعل البعير يحدم فيكثر عضه لنفسه .

فالمفروض فك البعير مع أمهاتها من بدري يتمشى ويطلق خاطره ويستانس .
واذا كان فيه خوف على مرواحه مع البل فالمفروض كل عصريه يفك من الشبك يتونس ويتمشى .

عندي فحلين
واحد اذا فكيته مع البل يند منها ويتعرض للاذواد الثانيه وما احب افكه لجل هالطبع
والثاني ماشاء الله تبارك الرحمن /يسرك لا فكيته والراعي يحبه لانه راعي ثاني ما يخلي يطلع من البل شي ولا تضوي الا مع المغرب ولايدخل عليها ابل ثانيه ولا يطلع منها بس يراقبها من اطرافها ولا يخليها تعدى مفلاها وحتى الخلفات يسرحها مع الجنبه واللقحات
اذا المسأله لها علاقه بطبع الفحل
تقبل تحياتي

المشاركة الأصلية كتبت بواسطة جابر ابوشهاب المري

ارحب يا بو نايف

ما فيه كلام بأن مشي البعير غير عن الرباط او الشبك ومنها عوامل كثيره وهي نفسية البعير يكون هادي

مع اماته واذا كان مربوط يطرد هذي ويعض هذي وهذا كله من الحكر

واذا كان مع البل راعي او عينه عليها ففك البعير افضل

واذا فدر البعير ماعاد عليه لو تخليه وسطها الا اذا انت خايف بعض الركاب يضرب وهو فادر وبطين

شكرا

مرحب يسلم يابومحمد
بيض الله وجهك عالمشاركه النيرة
تحياتي لك يالغالي

المشاركة الأصلية كتبت بواسطة طلال الروقي

هلاو غلا يابووووو نااايف ..

حكر البعير وربطه د اخل الشبك أغلب الأياااااااام تضر ولا تسر
سواءاً البعير أو صاحبه ,,
فالفحل الربوط أغلب أيامه داخل الشبك وعزله عن أمهاته تغير من سلوكيات الفحل .
فقد شاهدت أكثر من فحل مربوط ، عندما يفكه صاحبه من الشبك يعوث في البل ويصب جام غضبه ولا يميز
على أول ناقه تواجهه وطارحها طارحها سواء لقحه أو معشر أو حائل أو حتى حوار
وهذه من سلبيات الرباط في الشبك أغلب أيام السنه ..

ومن سلبيات ربط البعير في الشبك أيضاً جعل البعير يحدم فيكثر عضه لنفسه .

فالمفروض فك البعير مع أمهاتها من بدري يتمشى ويطلق خاطره ويستانس .
واذا كان فيه خوف على مرواحه مع البل فالمفروض كل عصريه يفك من الشبك يتونس ويتمشى .

مرحبا ألف بالأخ الغالي طلال
شرفتنا بمشاركتك العطره
تحياتي لك يالغالي

المشاركة الأصلية كتبت بواسطة حاتم العماري

عندي فحلين
واحد اذا فكيته مع البل يند منها ويتعرض للاذواد الثانيه وما احب افكه لجل هالطبع
والثاني ماشاء الله تبارك الرحمن /يسرك لا فكيته والراعي يحبه لانه راعي ثاني ما يخلي يطلع من البل شي ولا تضوي الا مع المغرب ولايدخل عليها ابل ثانيه ولا يطلع منها بس يراقبها من اطرافها ولا يخليها تعدى مفلاها وحتى الخلفات يسرحها مع الجنبه واللقحات
اذا المسأله لها علاقه بطبع الفحل
تقبل تحياتي

ارحب ارحب ياحاتم
شرفتنا بمشاركتك المميزة
تحياتي لك يالغالي