البكره معشر وتعبث في الابل !!!!!!

البكره معشر وتعبث في الابل !!!!!!

السلام عليكم
البكره رباع واول عشارها جذعه وخذت لها تقريبا شهر وعقب كسرت عشارها وعاما ثنيه ولا الله قسم لها عشار وذا الزمان الله قسم لها العشار ولها تقريباً شهر من عشارها لكن الغريب انها تعبث في الابل وتلعب مع البكار واذا شافت البعير ولا انسان شالت

من لديه علم مما اعلمه الله يخبرنا جزاه الله خير

ملاحظه : البكره معشر وكاد بعد ان قطعنا منها الحميّره
و الله تعالى اعلم

الموضوع الأصلي: البكره معشر وتعبث في الابل !!!!!! || الكاتب: وطبان بن فهد || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

hgf;vi luav ,jufe td hghfg !!!!!!

قيد إياديها
منها تريح البل منها وتسلم بكرتك من التفييخ إن شاء الله
وهذا حال العشار في بعض البل
تحياتي

عادي جدا الناقه أذا عشرت بعد حيال هذي طريقتها حتى وهي لقحه بتضرب البل
وتبي تلعب
لكن أصبر عليها شهرين ون ماهدت قيدها
والله يرزقك منها بما يسرك

الاخوة الافاضل

مشبب بن حماد

ساجر بن عدوان

جزاكم الله خير

حط في حياها ملح وتركد باذن الله

شلونك ياوطبان
ياليت تتابع عشارها بشكل أسبوعي
وانا اتمنى ان تأكدك في محله من عشارها
على العموم المتابعه مطلوبة منك
وعطنا علومها الايام الجايه

معي بكره لقيـه وعمرها عمر ثنيـه واضربها القعـود وعشرت
وبعد عشرت أذت البل وتهادر وتطرد الحشوان .. مثل بكرتك .
والله ماسويت بها اي شي .. والحمد لله لها شهرين وعشارها على مايرام وامورها طيبه .
نقول ان شاء الله ماعليها خلاف .
وان شاء الله يفيدونك الاخوان

المشاركة الأصلية كتبت بواسطة محمد الوهبي التميمي

شلونك ياوطبان
ياليت تتابع عشارها بشكل أسبوعي
وانا اتمنى ان تأكدك في محله من عشارها
على العموم المتابعه مطلوبة منك
وعطنا علومها الايام الجايه

زان لونك يامحمد

أبشرك أن البكرة ولله الحمد ثابت عشارها بفضل من الله
والبكرة ذرعتلها واركدت وفكيته من شهر
وازيدك عقب كتابتي للموضوع فكيت مع الابل جذع بقيد وهجار ولا وعيت الا هي باركةٍ عليه محيّصةٍ عليه واجيها واطردها منه وألا ترفع راسها وذنبها للسما كأنها ماعملت حاجة 


وهذه علومها

وسلامتكم

يابو فهد عندي ماعندك ..

عندي بكرة لقية أضربها الجمل في الشتا الماضي
وعشرت الحمد لله ,,
وعقبها أذت البل تطاردهن وتهدر واذا شافت البعير بارك ركبت فوقه
وشككتني انها حاااايل وفكيت البعير علاها وأضربها ...
ولاحظت عقب ضراب البعير باسبوع أن ديسها نزل وكبر
يعني انها مازالت لقحة وتسوي هالسوااااااااه

ظني ان البكرة مهيب معشر
بحسب اقوالك الي بينت لي هذا
ولكن الله يكتب لها العشار واللقاح وتشوف منها مايسرك
وفقنا الله وياك

سلام البكره باذن الله معشرهذا فسق

السلام عليكم

يالربع اللي ماعنده خبرة لا يشارك في الردود بشي ما يعرفه اللي يقول اضربها واللي يقول حط في رحمها ملح واللي يقول ماهيب لقحه


اللقاح ذكر ولا يخفى راعي البل لقاح الناقة إذا عرضت على البعير شالت شوال لقاح ورفعت راسها وفجت الوزر وإذا كرفها البعير تركها هذي هي اللقحه

وبالنسبة لكونها عبثه هذا أمر طبيعي بعض البل هذي عادها وإذا استفحل فيها اللقاح هدأت وواجد من البل حتى الكبار الثنايا والاربعا تعبث في اول اللقاح لا تعارضها اتركها وهي بتهون هذي خواتها عندي تركب فوق القعدان وهي معاشير الأمر عادي

والله يبارك لك فيها وفي ماعشرت به ..

اشكر الجميع واقولكم جزاكم الله خير

وابشركم البكره هالحين لقحه واركدت وعسى الله يمنحنا منها

والله يوفقنا واياكم