يالربع البكرة مواخم و مورم رقبتها ونحرها الحل؟؟؟؟

مواخم وريم نحرها رقبه

يالربع البكرة مواخم و مورم رقبتها ونحرها الحل؟؟؟؟

السلام عليكم ورحمة الله وبركاته
يخوان عندي بكرة لقيه غاليه حيل ودايمن مواخم وتلحس الحديد وتشمشم القاع وتلحس المضله والحديد وتوقف على طرف الشبك وتقدم ايد وترجع ايد المهم البكرة لما تمشي ترخي راسها واجد ورقبتها وفيها تقول مستوجعه من رقبتها من تحت او نحرها وفيها مثل النفاخ في رقبتها من تحت والبكرة ماهيب وكاله ما تاكل زين واذا غيرت لها الاكل تعافه المهم جننتني وقومتها ثقيله لا قامت كنها مقيدة احترت فيها يا ليت تفيدونا جزاكم الله خير
وفيها اذا اضهرتها من شبكها تحب التمرغ ما تمشي تقعد تمرغ على طول وتتسدح

بالعلم اني عطيتها مضادات التهاب ومضادات جيوية واكياس حقت وريم وابرة هيام وابرة جرب
ولا خليت فيها شي

الموضوع الأصلي: يالربع البكرة مواخم و مورم رقبتها ونحرها الحل؟؟؟؟ || الكاتب: عبدالعزيز المحمد || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

dhgvfu hgf;vm l,hol , l,vl vrfjih ,kpvih hgpg????

الله يشفي بكرتك وترجع سالمه وتشوف انتاجها ان شاءالله

كم لها على هذا حال

وذا جت تمشي ركز في مشيها هي مشيها زين ومتوازن ولا لا

بيفيدونك الإخوان ان شاءالله

ماتشوف شر بمشئة الله
لأكن السؤال

دمنها وش شكله ؟
تجضع عل جنوبها لابركت؟

لي عوده للموضوع

يابو محمد مساك الله بالخير اول شي اغسل الناقه بالجاره غسيل كامل والورم اذا كانه في نحرها شقه شق خفيف بالموس وحاول تضغط على الورم بيدك الى حد مايخرج الدم والصديد وبعدها اخذ مقاس يدك ملح ساسا المطحون واصبغه على مكان الشق وانشاالله تحصلها اليوم الثاني بخير وعافيه واهم شي اكثر من الجاره نسئل الله ان يعافيه ويبارك لك فيها وهذا رقم جوالي 0506725146 ارجو الدعاء لي جزاك الله خير

الأخ عبدالعزيز الورم اللي في ارقبتها خراج ولا وشو
والتسدح ( التضجع ) يكون داخل شبكها ولا لا فكيتها بس
وبأنتظار الرد على استفسار الاخ محمد التميمي
ملاحظة : تصوير الحاله يخدم موضوعك

والله العالم يااخي مرض يسماعندالبدو ابوجريجير وماله علاج حسب علمي

1) غير مراح البل اوعقم المراح اذا ماتقدر تغيره

2) اعزل البكره عن البل وشبكها لحالها وابعدها لا تشمشمها البل مهم جدا جدا

3) حصن البل بابرة الهيام

اسال الله ان يشفيها ويباركلك فيهاولكن حسب وصفك لن تعيش والله على كل شئ قدير

ارحب يبو سعود الله لا يهينك على المرور البكرة مشيها متوازن
ارحب يالتميمي اشكر لك تفاعلك معي البكرة من ناحية الدمن زين لكن البكرة لها 5 ايام وهي ذارق ما وقف بطنها وريحه مهوب زين والبكرة لاا ضهرتها من شبكها قامت تتمرغ على جنوبها تقل مضايقها شي في بطنها
ارحب ي نايف ورمها مهوب صديد كنها قاسي شوي لحم يعني وكبير مقدر اشقه وبدايته كانه ضربة من الشبك ولا زالت رها شهر والله اني احترت فيها بالعلم اني دهنت بفكس وبونمر وجارة وملح وكركم ماخليت شي
ارحب ي بندر مهوب واجد التضجع لكن لا ضهرت تمرغت وتسدحت ماتبي تقوم وورمها نفاخ في الجسم كله وذراق لها 5ايام مهوب خراج اول كانها الورم منطقه وحده وتالحين زادللجسم
ارحب ي راشد وش ابوجريجر ممكن توضح لي اياه واعراضه ولاهنت
ارحب ي يزيد طيب ليه وش المرض هذا وش اسمه وهل هو معدي لاهنت

الله لايهينكم جميعا

يالربع البكرة لها خمسة ايام ورمت نفاخ في الجسم في اعلى الرقبه والنحر والرجلين والمفاصل وذراق مايوقف وريحه مهوب زين ولكنها تاكل والحمدلله ورخاوة فالمشي
وش السواه

بسم الله الرحمن الرحيم
الله يعوضك فيها هذا والعالم الله انه مرض ( ابو حلاحل) ليس له علاج

اعزلها فوراً ولاتقرب البل
اللي فيها السلاق وهذي اخر مراحل مرض الهيام والله اعلم
ولم يذكر له علاج الا بعلم الله
اجدد عل الجميع استخدام مضادات الدود بشكل دوري للوقايه من أمراض الدم

هلا ي فهد
وش بوحلاحل ابي توضيح
هلا يا محمد انا الحين احترت البكرة توها تلقي صغيره سن ولها عندي سنه وزود وسمين ودايم تنعطى ادويه دود يعني معتنا فيها ماضن انه هيام وابر الهيام كل 6شهور ماعتقد هيام
ياليت توضيح اعراض كل مرض ذكرتوه وبالذات الهيام وبوجريجر وبو حلاحل
ووش احسن شي اعطيه اياها في هالحاله
مضادات حبوب دود ولا ايش
افيدزنا جزاكم الله خير

بسم الله الرحمن الرحيم
ابوحلاحل مرض يصيب الابل تسرطن خلايا الدم

اعراضه
انتفخات في نحر الناقه اشد من انتفاخات الهيام وتسلب الجلد خاصه جلد الديد لدى المطيه ( كئن الناقه مقروصه)
هذا والله اعلم

يا اخوان وش تقصدون بكلمه الجاره ياريت توضحون لي جزاكم الله