رايكم في ذراق الحوار ..

الحوار , ذراق , رايكم

رايكم في ذراق الحوار ..

السلام عليكم ورحمة الله وبركاته

مساكم الله بالخير جميع

عندي استفسار يا اخوان بخصوص حوار عمره 15 يوم ومن قبل امس بادي معه ذراق اجلكم الله لكن ذراق لونه اصفر و خفيف يعني جامد شوي ماهو سايل ومع العلم ان الحوار طبيعي جدا ماعليه اي علامات تخوف ..

هل يحتاج تدخل طبي ولا اخليه دام اموره ماشيه ؟

مع العلم ان امه كانت على الرودس فقط وخليتها على التبن اجلكم الله

الموضوع الأصلي: رايكم في ذراق الحوار .. || الكاتب: هادي العلي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

vhd;l td `vhr hgp,hv >>

ماعليه الا العافيه انشاء الله

لا تخليه يرضع الظهر وعطه ماء يشربه

اعزله من الساعه 11 وحلب امه العصر

وسلامتك

حسب تجربتي اذا جاه الذراق اكرمك الله خف عليه من الحليب بحيث تخليه يرضع مرتين في اليوم يرضع الصباح واعزله من امه لين العصر وبعد ما يرضع العصر اعزله لين الصباح اهم شي خف عليه الحليب لمدة شهرين ولا ترحمه ابرك له يجوع ولا يزود عليه الحليب
وعطه مويه بارده

خف عليه الحليب ومر البيطري عنده ضغاط للذراق عطه صبح ومسا

واحرص عليه الذراق خطروذابح عندي حوار عالجه اول باول ولاتهمله

والله يعافيه ويبارك لك فيه

صبحك الله بالخير

ماعليه الا العافيه لاكن خف اللبن شوي وعطه ماء للإحتياط و تجنب العواقب

الله يشفي حلالك و حلال المسلمين

الله يحييكم و يجزاكم خير على مروركم الطيب ومشاركاتكم الالمنصحه و الله يخشركم من دعاكم ..الحوار زاد معه الذراق شوي الله يعزكم قصرت له بالحليب خليته صبوح وغبوق وعطيته الضغاط اللي تقولون صبح و مغرب والله يشفيه وحلالكم وحلال المسلمين

يا جماعة
اللبن أبو ريال تراه مفيد للذراق بعيدا عن المحاليل الكيمائية ...

الماء البارد فالصباح وخفف عليه الحليب
اذا استمر الذراق لابد من محلول الجفاف والتدخل الطبي
ولي عوده للموضوع

الله لا يهينكم جميع .. الذراق مستمر مع الحوار لكنه خاف و يقطّر عالخفيف الله يكرمكم عطيته الضغاط من الصيدلية واليوم ثالث يوم من استعماله ولا شفت جمود في ذراق الحوار .. مع العلم اني اخليه يرضع فالصباح شي بسيط و المغرب شي بسيط لكن أحس ان الحوار بدا يضعف مدري من الجوع ولا من الذراق .. واللي عنده علاج مجرب يعلمنا الله يبارك لكم في حلالكم

عطه بنسلين سبعة سنتي مع سبعة سنتي ماء في الفم مجرب وناجح باذن الله

الزبادي افضل علاج للذراق الخفيف والمتوسط مرتان باليوم

عطه بنسلين طويل المفعول سبعة سنتي مع سبعة سنتي ماء في الفم مجرب وناجح باذن الله

سبب ذراق الحوار ان الحليب يرد فيه امه

اهم شي احلب امه مرتين يوميا وهي وعاطف نظف ديدها من الحليب

عطه عصار الذرااق وترا كل نوع له استخدامه بعضها ثلاث ضغطات وبعضها 5 ضغطات وبعضها يعطا مره باليوم وبعضها مرتين

نصيحتي اقطع منها التبن الله يكرمكم وعلفها دره فقط التبن يذبح الحيران العام واحد من الربع علف خلفاته تبن واكثر الحيران موتت من يوم تاكله يوجعا في بطونها

عطه مويه المااء زين له

نصيحتي لا ترده من الرضااعه خله يرضع ماعليه الجووو برد ومرتين في اليوم قليله عليه هذا اللي مخلي حاله يشين عليك بتنظيف ديد امه

السلام عليكم ..

مسيتو بالخير .. والله لا يهينكم عالردود ..
يالربع انا اشغلتكم في هالحوار لكن ماعلي امون عليكم ..
الحوار مستمر معه الذراق أحيان سايل مثل الما و أحيان أصفر جامد شوي وانا عطيته كل العلاجات اللي للذراق عند البيطري بصورة منتظمه ولا نفع .. الحوار وده بالرضاع وانا خاف عليه الحليب والحوار ماسك حاله والذراق صار له معه ١٢ يوم وانا من اليوم رحمته معاد عطيته ادويه .. أحس ان ذراقه طبيعي من البرد مع انه في ذرا ومجلل اللي منكم له راي ولا يعرف له علاج شعبي يعلمنا وجزاكم الله خير ..