وش الحل في تأخر عشار الإبل ((عاجل جدا وين أهل الخبرة))

وش الحل في تأخر عشار الإبل ((عاجل جدا وين أهل الخبرة))

السلام عليكم ورحمة الله وبركاته
مساكم الله بالخير سؤالي ( عندي تسع نوق وعندي فحل ثني توه ملقح وحدة في شهر أربع وهالنوق ضربتها عليه من قبل رمضان حوالي خمس مرات ولا عشرن قال بعض الأخوة يبسها عن حيرانها وخذت بشورهم ويبست ولم تعشر وفيها ثنتين حايلات من العام والعجيب عشرت وحدة منهم هالأسبوع وش الحل ياجماعة هل يلزمني أجيب راعي خبرة يقطع وذم ولا مو لازم؟؟ مع إن الفحل طيب وخيار ولحد الآن عشر عليه ثنتين وحدة هالأسبوع والثانية من شهر أربعة وش الحل أنا مؤمن إنه كل شي بقدرة الله سبحانه لكن من باب فعل السبب حبيت أستشير أهل الخبرة من إخواني في هذا المنتدى الطيب وسلامتكم،،،،،

الموضوع الأصلي: وش الحل في تأخر عشار الإبل ((عاجل جدا وين أهل الخبرة)) || الكاتب: محمد بن سعود || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

,a hgpg td jHov uahv hgYfg ((uh[g []h ,dk Hig hgofvm))

حياك الله يا محمد

وانشالله اني اقدر افيدك

اذا نبي نجي على الفحل الاولين يقولن الثني وني ( معني انه ضرابه مو اكيد ومو كل الابل تعشر عليه الجذع اضمن منه عشار )

والناقه لازم اتيسر وتطلب الفحل ضراب من غير يسر ما منه فايده بالنسبه للناقه
وانت في اول الموسم والوقت قدامك كثير والبرد يجيب اليسر للأبل
او عندك ابر التيسير

وانا رايي تصبر واترد البعير عليهم

واذا انتصف الوقت وما الله كتب شي
جيب الي يقطع الصيد ان كان فيهم او يدخل عليهم ويغسل الرحم لك

وانا رايي تصبر واترد البعير عليهم

عندي 3 نياق ومن شهر مضربهن مرتين ولا تلاقحهن وش السواة يا اخوان

يا محمد الموسم بأوله

حسبت الناقه يا محمد لكي تعطي العشار الاكيد من 15 الي 20 يوم من الضراب وان ما عشرت بعد هالمده رد البعير عليها
لا اترده قبل هالمده لان ممكن الناقه تكون فيها عشار واتضيع وما اتعشر الي بعد 40 يوم .


ممكن الناقه اتشاول من 8 ايام وفوق ولاكن ما تعطي الاكيد الي بعد 15 يوم .

وسبق وقلت ضراب من غير تيسير الناقه ما منه فايده ابد .

والبرد جاي بالطريق ويجيب التيسير للأبل عامه حتي الحيل اتيسر .

يا محمد الموسم بأوله

صبر زين

توضيح لبعض الاستفسارات :

1) قروا الناقه في الدفى هو من 12- 15 يوم اما في البرد فيمتد الى 20 يوم
2) والناقه من اليوم الرابع او الخامس من الضراب تروح يسرتها
3) البعير الطيب ما يطرح الا الناقه الميسر فقط
4) بالامكان اعادة الضراب اذا البعير يبي الناقه في الثلاثة ايام الاولى التي تلي اول ضربه وبعدها يمنع البعير
5) اذا انتهت الـ 15 يوم ولم تعشر الناقه فلا بد ان تنتظر لين تيسر مره ثانيه وتضربها
6) اذا تم ضراب الناقه بعد قروها بالغصب فلن تعشر الا عند تضريبها بعد اربعين يوم كما ذكر الاخ محمد بن شريه
7) التبويض لدى النياق له اوقات معلومه وليس في كل وقت ويشترط للعشار ان تكون البويضه مخصبه فعليك باكرام النياق بالعلف من برسيم ومكعب وشعير وليس رودس او خبز او تبن كم يفعل البعض
8) الضراب على الضراب من اكبر المشاكل على النياق وهو من اهم اسباب تاخر العشار فارجوا الانتباه

هذا والله اعلم
وتقبلوا تحياتي

لا هنتووووووووووووووووووو جميعا وبيض الله وجيهكم يا اخوان

يا جاماعه البعير يعرف الناقة الميسر ويشم ريحها من بعيد والناقة اذا يسرت تطلب البعير بنفسها

والبل تضرب في المفلى وهي ضيع واذا عيونها واذا هي معشر ولا معها احد

لا تعطلون ابلكم بلعجله مثل ما قال بعض الأخوان الموسم باوله

أهم شي يفك البعير مع العشاير او يربط معها

السلام عليكم ورحمة الله وبركاته
الاخ محمد ابن سعود
ابيك تنتبه لامو ر هامه جدا وخاصه في اول ضراب البعير من كل سنه
اولا البعير لا تجبره على الناقه ولاهوب من صالحه يضرب البعير وبطنه مابعد قفل مره لان هذا يسبب له عسر ينعسر البعير ولاعاد يلقح
ثانيا لا تحاول تتخير الضرايب خل البعير هو اللي يختار بمعنى فكه وسط الابل وخله يضرب على يده
ثالثا يستحسن ان تخلط النخال بالملح وتعطيه الابل لان هذا يزيد يسرتها وتلقح باذن الله
رابعا ما يتاخر لقاح الابل الا من انهن ضربن اول الضراب وهن غير مياسير
ضراب الناقه وهي غير ميسر هذا هو الشر للناقه يمكن يبطي بلقاحها ويمكن تحيل ماعاد تلقح
خامسا تاكد من سن بعيرك ولقاح ناقه في شهر اربعه مهوب دليل وخاصه ان شهر اربعه اول القيظ وطالما لقحت ثانيه فالبعير يمكن توه يلقح وذيك الناقه الاوله الله اعلم بها
لا تتعجل وحاول تحسن نفسية الابل تمشيها في مراعي ترغبها
البراد اقبل والبعير بينزوي والناقه بتيسر والله ييسر امورك وتلقح جميع ابلك
ولكم وافر تحياتي

الاخ محمد مثل ماقالو اخواننا
الموسم في أوله وفي ركاب ما تضرب الضراب المطلوب

الا في في نص الموسم وباقي وقت طويل والبعير يعرف الناقه

وداري هي ميسر والا لا وداري هي القحه والا لا

انت هده مع الابل وهو بعد مده بيضرب البل وبتلاقح انشاء الله

هذا رائيي .....

جزاكم الله خيرا والله ما قصرتم بيض الله وجوهكم