فرصةالذهب ياراع الشعل

السلام عليكم ورحمة الله
يقول الشاعر الكبير دسمان السبيعي في وصف الشعل:
من شعلة الشمس تطري لي بطاينهـا شمس الضحى شاركتها لون وإشعاعي
اعراضـن خدودهـا ربـي مزينهـا سندا مقاديمهـا والـروس شلاعـي
إن طبت السوق يـا مكثـر زباينهـا وإن طبت البر تشعف كـل مولاعـي
وان جاء نهار المراء تسبق قراينها تاخذ وراء الباع باع وشبر وذراعي
صح لسانه وعزالله إنه صدق يامحلا الشعل.... في زين لونها وخف نفسها وسرع ممشاها وولفها وطبعها أنا اشهد إنه من عاشرها ماعاد جنب عنها ولا بغا غيرها ولا ملا عينه مثلها....

يارواد المنتدى هنا ذود شعل عددها 39 متن خلفاتها ست والباقي معاشير والقحات وابكار ولا فيها الفاطر ولا معها شي لاحديد ولا فحول ولكن معها الزين كله ذود مزاين شاركت بمزاين ام رقيبة سنتين وحصلت على المركز الثاني بفئة الخمسين والمركز الخامس بفئة المائة سيم منها اربع على 125000 وسيم منها 10 على 85000 وسيم منها عشرين على 55000 وفيها اربع ابكار زينها فوق الوصف اشتر وزاين ياراع المزاين وفالك الناموس...
موقع البل في الصمان وهذي كل معلوماتها اللي عندي ولا عندي لها صور وهذا جوالي 0504465216 ورجاء لايتصل إلا اللي يبي يشتري وصامل ويبي يشوفها لأن البل كفو وغوالي وزينها متعدي وصفها والبل سيمت على 38500 الف

السلام عليكم

البل اللي معروضه حول الرفيعه يا ناصر والله يعطيك العافيه ويبيض وجهك

وفمان الله

متى شاركت في المزاين وهل هذي المنقيه اللي شاركت ولا السمل من المنقيه للتوضيح فقط

لا ماهيب سمل طال عمرك هي كانت ذودين شعل وصفر الرجال مسك الصفر مع فحلها وفك الشعل اللي مامعها فحل هذا علمي والله أعلم والبل كفو على كلام اللي شافوها طيبة بالحيل وانا ماشفتها

اخوي ناصر مجرد للتحري في الدقه والمصداقيه في العرض اطرح هذا التساؤل العدد 39 وتقول انها هي المنقيه ولاهي سمل وشاركت في الخمسين والميه في ام رقيبه مع العلم ان فصلها او بقائها مع الصفر لا ينقص عددها ولا يزيده لا ختلاف اللون ارجو التحري من اصحابها والمصداقيه في العرض يا ناصر واتمنى ان تكون مداخلتي لطيفه على قلبك اذ كيف تكون شاركت بهذا العدد وهي اقل من النصاب المسموح

إن لم أكن واهم فهي شعل عزلها عبدالله السلطان مؤخرا من منقيته

عموما نريد صور البل