للبيع وضح طيبه بمعنى الكلمه

السلام عليكم ورحمة الله وبركاته
صباح / مساء الخير اليوم جايب لكم وضح طيبه جدا اكثرها شبب وفيها لقاح واجد ومعها خمس ركاب وفيها ناقه مسيومه ب 300000 ميه وفيها عجوم تسام على ميه وعلى ثمانين للي يبي الربح ويبي الناموس لايفرطها نصيحه اذكروها ترى الرجال بياع كلها بعصاها ومامعها شي من السيارات
تلفون 009745811176 والبل سيمت خارج المنتدى بقيمه طيبه افتحو سومها وبارك الله في من عطاها حقها وترى مثل ماقلت لكم ترى البل طيبه طيبه
ومكان البل شرق الحساء في هجرة تماني
ملاحظه / تفريد مافيها ابداً تفريد

الله يجزاك خير ما شفنا شي نسومه ، حتى عددها ما ذكرته

الله يعطيك العافيه ولاهنت على كل حال
اذكر العدد وحط لو كم صوره للابل

البل عددها 80
معها خمس ركاب طيبه جدا
وفيها 25 لقحه ولاد الصفري الجاي
وفيها عشر خلفات 6 بكار و4 قعدان
والحيران على بعير سلطان محمد الكبير اللي مسيوم العام بثمان ملايين والحيران طيبه جدا
والباقي عجوم ترفعها الجذعه وتطمنها المفروده .
ووحده من الخلفات سيمت مع بنتها بثلاث ميه وفيها مفروده سيمت ب 100000 والبل طيبه من جهة المراح وكلها من مراح وواحد والصور ماعندي صور يوم الخميس بصورها ان بقت لين يوم الخميس ابشرو بالصور

البل سيمت البارح ب 10000الاف من الاخ تركي احد عنده زود

وين القنايه وين مدورين الربح

اخوي بخيت الجوال على طول مقفل

الابل موجوده ولا بيعت

البل موجوده يامشاري وواصله 12.500

اخوي اذا قدرت صور اطيب الابل وصور لنا عرضها فيديو على الرحول من الجنب لاغلب الابل وشكرا

رد: للبيع وضح طيبه بمعنى الكلمه

الله لايهينك الابل موجودهـ ولا راحت

يألبريدي ويأليت تنزل لنا كم صورهـ

رد: للبيع وضح طيبه بمعنى الكلمه

اخوي الله لا يهينك حاول انك تصور البل فيديو وتنزلها عشان نعرف انسوم كذا ما راح تستفيد وحنا نتمنالك الخير

رد: للبيع وضح طيبه بمعنى الكلمه



وصل سوم الإبل 23.500 ريال

رد: للبيع وضح طيبه بمعنى الكلمه

البل تم بيعها الله يبارك للي شراها

رد: للبيع وضح طيبه بمعنى الكلمه

تم البيع

ينقل للارشيف

ــــــــــــــــــــــــ