خمسه وعشرين ملحا وفحولها اثنين

اخواني اقدملكم اعلان عن ابل طيبه مجاهيم ومقاني
ياهل المقاني وفحولها اثنين
واحد ولد بعير الفصام مشعوفان
والثاني ولد بعير ابن وران السمي البقمي
والبل 23 الخلفات ثنتين وتحتهن بكار
والباقي بين لقح وبكار
والبل تنصفط ياهل النظر
لصاحبها محمد بن مقعد البقمي
والموقع بتربه
للتواصل مع صاحب الابل
0504717661

رد: خمسه وعشرين ملحا وفحولها اثنين

اخوي مقبل الله لا يهينك نزل لنا صووور للبل

رد: خمسه وعشرين ملحا وفحولها اثنين

معهن سيارات معهن شي

وش اغلا ناقة سيمت منه به

الصور الصور

ويا ليت تفاصيل عنها


واي تربه الله لا يهينك

رد: خمسه وعشرين ملحا وفحولها اثنين

اخواني جميع تفاصيل اللي تخص البل
عند صاحبها صاحب الجوال
والصور اذا توفرت ابشرو

رد: خمسه وعشرين ملحا وفحولها اثنين

بيض الله وجهك وحاول لنا بالصور

بنشدك عن ولد مشعوفان هو انتاج عنده ولا شاريه وويش سنه يامال الشحم
وهل جا عليها سوم فالمراح

رد: خمسه وعشرين ملحا وفحولها اثنين

اخوي مشعان البعير ولد مشعوفان
جايه هدو من الفصام
واول انتاجه جاله مفروده وحده وتوها مافردت
ولا جا عليه سوم فالمراح
والبل مامعها سيارات وسيمت من حايف وشايف من 10000 عشرة
الاف ولاباع والبل تستاهل
وباق العلوم عند صاحبها صاحب الجوال
وتحياتي لكم

رد: خمسه وعشرين ملحا وفحولها اثنين

اخوي ياااخذ معاااريض

رد: خمسه وعشرين ملحا وفحولها اثنين

والله مدري اخوي سلمان دق على
صاحب الحلال يعطيك خبر

رد: خمسه وعشرين ملحا وفحولها اثنين

بيض الله وجهك يامقبل علمك غانم يامال الشحم

رد: خمسه وعشرين ملحا وفحولها اثنين

الله يعافيك اخوي مشعل
وردك غانم وتحياتي لك