ناقه عورا هل اشتريها

السلام عليكم

الموضوع مبين من عنوانه لقيت ناقه مزيونه وعجبتني

ونفس المواصفات الي اعشقها بالناقه وتمتع ناظري

ولكن عيبها الوحيد انها عورا واحده من عينيها تالفه

بس مو مبين عليها انها عوراا

هل تنصحون بها وهل هو عيب شرعي او هل بالمفلى او بالتهوبال تدعم البل ؟؟؟؟

ان كان الناقه اعجبتك وما بان عليها اشترها وتوكل على الله
وانا عندي ناقه عورا بس طيبه وما عليها هديه وكل الهداوه به

الناقه عورا ميه بالميه ولكن مو مبين عليها

لازم تدقق بالعين جيدا بعدين تعرف انها عورا

يعني لو تمشي جنبك ما تصيدها انها عورا

ان كان الناقه اعجبتك وما بان عليها اشترها وتوكل على الله

العورة ما تعتبر عيب رئيسي مثل الذيبة او قلب العصب

فتوكل على الله وخذها الله يمنحك منها

مثل ماتفضل اخوي مسعووود مايعيب الناقه وتوكل على الله واشتر

بالنسبة لي الناقة العورا اشوفها عيب
ولكن ماهو بذاك العيب الكبير

تخاف يطردها بعير ثم تطيح لها في شئ

واان بغيت رايي وانا اخوك خذها وحطها في شبك كبير
بحيث تكون مرتاحة لابعد حد



بالتوفيق..

جزاكم الله خير على هذه النصائح

وابشركم اخذتها وتحتها قعود

واليوم من نزلتها من الونش بركت قدام الفحل

وضربها والله يبارك انشاء الله

وجزاكم الله خير على التشجيع والاراء الطيبه

الله يرزقك منها
بالانتاج الطيب

العوره اذا كانت من يمين مافيه مشكله
لاكن اذا كانت من يسار يمكن ماتقدر تحلبها اذا ولدت

ولله الحمد العين اليمين

الله يبارك لك يانواف

ويمنحك منها مايسرك