أبي الفزعه والشور السديد من أهل المعرفه!!

[align=center]الســلام عليكم ورحمه الله وبركاته

أسعد الله جميع أوقاتكم بكل خير . . . وبعــد

يالربع عندي ناقه طالت أعماركم وديتها لبعير وأضربتها عليه
ويوم عشرت عليه رجعتها وكسرت لقاحها بعد الضراب بفتره بسيطه
من المطارده والخناق مع البل
علماً بأن معها ناقه تمت في لقاحها والحمد لله

ووديتها للبعير مره ثانيه وجلست معه شهرين
ولا رجعتها إلا بعد ما تأكدت من لقاحها على الفحل

الين طالت أعماركم هي مع البل (( تهدر وتركب فوق البل مثل ما يركب الفحل فووق الناقه ))
وتطارد البل وتخانقهم وأيضاً تهدر على العامل أو أي واحد فينا إذا جينا نسوقها بالعصا بدون ضرب

يا أخــــوان المشكله ماعندي فحل وأبي أعرف وش علم لقاحها الاخير ذا
وأيضاً وش المشكله مع هالهدره وتبريك النياق وركوبها مثل ما يركب الفحل
تكفوووون أبي الفزعــه

ولكــــم خالص شكري وتقديري
وعسى الله يبارك فيكم وفي حلالكم [/align]

الناقة كاسر لقاحها والله العالم

وانتبه لتقطيع الصيد و تنظيف الرحم
ونصيحتي لك لا تظربها إلا الصفري الجاي
لأن وقت الضراب انتهى

و أما هديرها ركوبها على البل هذا دليل إن الناقة ميسر

وسلامتك

[align=center]ِمسيك بالخير ياسعد

بنسبه لناقه على حسب ماذكرت فأنا اشوف ان الناقه حايل

والله اعلم وجعلها تلقح على بعير طيب[/align]

الناقة حايل واكيد فيها وذم

والموسم فات واشبكها خص في الليل في شبك لحالها لاتبرك على اللقحات ويتصاعدن

والا تبرك على الحيران وتذبحهن والا تكسرهن

وتقبل مروري

كلام الاخوان صحيح ولا يشق عليه غبار

كاسره الناقه عندك

وقد حصلت معي وووديتها للفحل لقيتها مجسرر

ووقت الضراب اظن انه انتهى لان الفحول فدرت في القيض

الناقه مكسر ..

وحصلت عندي اكسرت خمس خمس مرات ..
وبالاخير سوق تبارك الله ..



لاكن اصبر عليها الشتاء الجاي
والله يرزقك منها

الناقه مثل ماقالو الربع وبالنسبه لركوب البل فاحسن شي هو القيد يمنعها لاتركب فوق البل.

مساك الله بالخير اخوي سعد
العام عندي ناقه ضربتها وعشرت وبعد مرور من الوقت قامت تضرب البل مثل الفحل قلت انها كسرت وماعندي جمل وقمت اعقلها بالشبك والحمدلله ماكسرت شي عادي ان الناقه اذا فسقت تضرب البل
وسلامتك تقبل مروري