هل فيه حل للمشكله

السلام عليكم ورحمة الله

اخواني عندي بعير طبعه طيب وهادى واذا شافني او شاف الراعي يتقرب منه ونمسح عليه وعند مناداته يسمع ولكن المشكله
عندما تأمن له وتكون قريب من مقدمته فجأه يخبطك يايدينه وياساتر لو مانتبهت

هل فيه حل له

لا تدخل عنده الا ومعك عصى
وامسح له وقارد له
واذا تهبد اضربه بالعصى بحيث انه يتعود بعد فتره

وعليكم السلام ورحمة الله وبركاته

حاله عاديه جدا وفي كل البل

البعير مهوب قصده اياذئك وانما مايبيك تخليه يبي يكون جنبك وتقاردله على طول

ويجب للشخص ان ينتبه مايقارد لاي من البل ويخليها فجأه وانما اذا اراد الابتعاد يلوح بعصاه

[منذر الدوسري]

والله يا اخوي البل مالها امان مهما كانت هديه
لازم تكون حذر
ولا يقربون الأطفال منها ابداً

لآنها تبي تلعب معهم ممكن تهبدهم وتذبحهم

لا تامنه ...

الابل مالها امان
خذ الحذر منها

له القيد والهجار يريبه والرباط

ولا في حل ثاني لانك تبيه فحل وبكره تبي اتفكه قيده واتضرب منه وتربطه مره ثانيه


ولازم تقمعه من هالحين دام البعارين فادره

له القيد والهجار يريبه والرباط

ولا في حل ثاني لانك تبيه فحل وبكره تبي اتفكه قيده واتضرب منه وتربطه مره ثانيه


ولازم تقمعه من هالحين دام البعارين فادره

وفقك الله يالغالي
ولكن عذرا ارجو تفسير تقمعه يعنى كيف الطريقه بالتفصيل

وهل لو ربطته بمفرده فترة انه فادر داخل شبك والابل بعيده بيتأثر

ارجو مساعدتي بالشرح ترى مبتدئين طال عمرك

عندي بكرتين نفس الطريقه

تقاردلها عشر دقايق ومن اهي تخلص

ملت من مقاردها قامت تهبد تلعب عادي

بس خل معاك العصا ولا تعطيها ظهرك
خلك جنب الناقه من يسار دائما

مشكور يانواف ومنكم نتعلم

لكن لماذا من الجهه اليسرى بالتحديد

حفظك الله

اخ عبدالله البعير ماينتقرد له بعدين يطلع وكله

الله يستر عليك

اخ عبدالله البعير ماينتقرد له بعدين يطلع وكله

الله يستر عليك

اخوي عبدالله انك تقمعه

بمعني انه يتأدب وانه يخاف من الناس لا الناس اتخاف منه


بالعكس البعير الفادر اربطه وكد عليه ما عليه من الأبل ممكن يشين اول ايام وتالي

يتعود ولا عليه من شي دام انه فادر والبعر لازم يتعود على الرباط

واذا البعير ان خايف منه ابلمه وجوعه كم يوم لين يتأدب وخل فيه قيد وهجار وهو في رباطه

وبعد اسبوع بتشوف البعير بيتغير معك

حفظ الله الجميع
وفقكم الله فعلا منكم نستفيد اشكركم فرد فرد

السلام عليكم ورحمة الله وبركاته
اخوي عبدالله مشكلة البعير مشكله وتراه حقود فلا تضربه حيل وذعره بالعصا واهم شي تطبيعه باول ربطه
وخلك حذر الى صرت عنده ومعك العصا واتمنا لك الخير والسلامه
وتقبل مروري وتحياتي