سؤال لاهل االابل

المعذره يالربع على كثر الاسئله



لاكني طامع(ن) في عرفكم وابي استفيد منكم طول الله عماركم



الناقه اللقحه تجر على السنه شهر ولا شهرين؟

[منذر الدوسري]

السلام عليكم

على حسب علمي انه مهو لازم تجر شهراو شهرين يمكن سنه بالتمام او بأيام قليله

تجر= تنقل يعني تزيد على 12 شهر من لقاحها
نعم اخوي نادر تجر الناقة فوووق السنة هذا الاكيد
بس تختلف من ناقة الى اخر بس البكر ماتطول يعني اسبوع او اكثر بقليل او اقل والله اعلم وانا اكثر ناقة جرت عندي شهرين وفية على شهر سبحان خالقها

وتقبل تحيتي

انا داري طول الله عمرك


ان اللقحه مهوب لازم تجر



انا اسئل عن اقصي حد للقحه اذا جرت هل هو شهر ولاشهرين

فيصل العاطفي


بيض الله وجهك على المعلومه الوافيه


ودام ان ناقتك جرت لشهرين اجل لقيت الجواب


لاني احسب ان الناقه لاجرت ماتعدا الشهر


ولاهنت

ووجهك ابيض اخوي نادر ونتمنا من الاخوان افادتنا جزاهم اللى خير كل واحد حسب تجربتة

مرحبا يانادر

والناقه تنقل حسب قول الشيبان الى شهرين في حالات قليله

وانا اتوقع ان في ذلك خطا في الحسبه او ان الناقه ما لقحت من الضراب اللي راعيها حاسب عليه وهي اضربها البعير مره ثانيه ولا درى عنه وحسب لها من التاريخ الاول

والتاريخ الهجري والميلادي فيها فرق حوالي 11 يوم تقريبا وهذا كفيل بان يزود الفرق في الحسبه ولكن اللي يحسب بالتاريخ الميلادي اتوقع انه

مايطول اكثر من 10 ايام والله اعلم لان اكثر الناس يتنوقون اليوم ولا يضرب البعير الناقه الا راعيها عنده خبر ومسجل التاريخ

انا نقلت ناقه عندي 8 ايام من تاريخ اضرابها ولو حسبناها بالهجري كان 19 يوم

والله اعلم

السلام عليكم

فترت اللقاح هي 13 شهر ميلادي بالتمام والكمال عند الابل .

يعني الي يحسب احسن له يحسب بالميلادي وان شاء الله ما تخالف معه الا اسبوع او سبوعين زياده او نقص حسب الناقه وصحتها وعمرها

[align=center]السلام عليكم ورحمة الله وبركاته
الناقة تجر في البرد اما في القيظ ماتجر الا يوم او يومين[/align]

سألت أحد الشيبان واعطاني اجابه اقتنعت بها
يقول النياق وقت الدهر والضعف ماتجر الا ايام او تلد على وقتها / وهذا من رحمة الله بها
اما الناقه السمين الوسيع في ايام الرخا فهي تجر الى 40 يوم أو اكثر
تقبل تحياتي

السلام عليكم ورحمة الله
اخوي كل كلام الاخوان باذن لله عدل وتختلف الحسبه عربي وميلادي بس ابي اضيف 13 شهر او اقل باسبوع
واذا كانت بكر والقحه في قعود تاخر وتقبل تحياتي

البل تنقل في البرد خاصه في المربعانيه شهر واربعين يوم اما في الحر العاده ماتنقل واجد.

مرحبا يانادر

والناقه تنقل حسب قول الشيبان الى شهرين في حالات قليله

وانا اتوقع ان في ذلك خطا في الحسبه او ان الناقه ما لقحت من الضراب اللي راعيها حاسب عليه وهي اضربها البعير مره ثانيه ولا درى عنه وحسب لها من التاريخ الاول

والتاريخ الهجري والميلادي فيها فرق حوالي 11 يوم تقريبا وهذا كفيل بان يزود الفرق في الحسبه ولكن اللي يحسب بالتاريخ الميلادي اتوقع انه

مايطول اكثر من 10 ايام والله اعلم لان اكثر الناس يتنوقون اليوم ولا يضرب البعير الناقه الا راعيها عنده خبر ومسجل التاريخ

انا نقلت ناقه عندي 8 ايام من تاريخ اضرابها ولو حسبناها بالهجري كان 19 يوم

والله اعلم

السلام عليكم جميعاً

وشكراً لصاحب الموضوع وللأخوان على الادلاء برأيهم ...

وأحب أن اضيف وتعليق على كلام أخي راشد بأن لدي ناقه مضربها انا ومتأكد ( لأن البعير مايفك رباطه الا عن طريقي ) بتاريخ 14 / 3 ميلادي ، وولدت بتاريخ 14 / 5 ميلادي أصبح بأن الناقه نقلت شهرين وليس لها علاقه لا في برد ولا حر مثل ماذكر احد الاخوان ولدي ناقتين انجبن في 12 شهر ميلادي بالتمام والكمال وذلك رداً على احد الاخوان بأن الحسبه 13 ميلادي .

وهذا ما لدي وسلامتكم .

كفيتو ووفيتوا




الله لايهينكم




وبيض الله وجيهكم