مزاد قناة االساحه للابل !

بس ماتشوووفون فيه شي يعيبه من وجهة نظري

دفع 2000 ريال ان انباعت الناقه او لا ؟؟؟

الفكره طيبه لكن اتفق مع الاخ سعود الزيادي

بان المزاد المفروض انه يبدا السعر فيه من الصفر حتى يكون سعر الناقه واضح للجميع ويكون التنظيم اكثر من حيث تواجد الجمهور

لان المتفرج زاحم الشراي ولا خلا له فرصه في التمعن في العرض كما ان بعض اللي يزيدون يتراجعون عندما يرسي عليهم المزاد

وهذا الشي شفته انا وقت الحراج

اتوقع مثله مثل اي شي في بدايته

بيكون فيه اخطاء بس مع الوقت ان شالله يتحسن

وانا اتفق ان المفروض تبدا الاسعار من الصفر وتوفير مكان مخصص للشاري

مع دفع رسوم للي يبي يدخل المزاد والي ما يشتري ترجع له فلوسه والي يشتري يكمل

واذا زاد وهون ورسى عليه المزاد تنسحب فلوسه ولا يكون فيه رسوم على البايع الا اذا باع

ياجماعه اللعبه واضحه خاصة من بداية المزاد

حتى يدريكم ان البكره المجهم اللي انباعت ب350 الف والله ماهو بسعره ولا بحوله الا زياده عن السعر
اتوقع والله اعلم انها لعبه من الشريطيه علشان يمشون المزاد

على العموم الله يكتب اللي فيه خير

والله يالربع انا عندي وجهة نظر بالنسبه لتجديد السوم او نقض السوم

في حراج ام رقيبه واحد دخل له بعير طيب ومافيه كلام لما دخل ساموه الشريطيه ب2000الفين ريال وزعل راعيه وطلعه وباعه قبل لايوصل شبكه ب150000ميه وخمسين اوميه وثمانين الف.

تجديد السعر فيه ظلم للناقه وراعيها لانه بيجيه شريطيه ويكسرون سلعته والناس ابخس يعني لو كذب واحد وزم سلعته بسوم عالي ماحد بزايد عليها وبتقعد حريمله في كبد اهلها.

وشهي شروطة يا جماعة

للي بيبيع لازم يدفع فلوس

والوقت حقة متاء في الاسبوع اي يوم


ولو بتودي حلال متى تودية في نفس اليوم ولا قبلة بيوم اويومين

فلاح فلاح

يقولون وحسب القناة

ان اللي بيدخل له ناقه عليه

1.... دفع 2000 ريال
2.... 0,5% من سعر البيع للاهل المزاد
3.... المزاد كل يوم الثلاثاء يحرجون على الابل اللي عندهم ويتم تصويره عن طريق القناة
4....يجب ان تكووون قبل ذاك اليوم بثلاث او اربع ايام على الاقل

...........................
ان شاءالله اني وصلت لك المعلووومه

يعطيك العافيه على هذا الخبر الزين

[align=center]فكره ممتازه


واتوقع لو يكون المزاد كل شهر او كل شهرين يومين او ثلاثه ايام

يصبح اكثر حماسه ويكون الحضور اكثر

ويكون الترتيب افضل والحلال اكثر

ويجونه الشرايه والبياعه من كل ديره[/align]

الفكره جيده ولكل بدايه اخطاء

رأينا المزاد ولكن هناك حلال يبدأ حراجه من اسوام قديمه

من المحتمل انها قبل سنه

والصحيح ان يبدا الحراج من الصفر

ولو يكون الموعد شهري لكان افضل

والمحرج من المفروض ان يحرج على الشي الطيب فقط

اتمنى التوفيق للجميع