اللي عنده سوال عن زيان الابل ما عدا المجاهيم

السلام عليكم ورحمه الله وبركاته ..

صبحكم الله بالخير ..

والشهر مبارك ..

لا هنت يا ابو مطلق ابشوف رايك بالناقه ..











ولا يهونون الباقين ..

اخوكم عبدالعزيز المطلق ..

تحيه

الاخ عبدالعزيز المطلق

السلام عليكم ورحمة الله وبركاته

ومبروك عليك باقي الشهر ونسال الله ان يتقبل منا ومنكم

اما الناقه مبروكه وخلق الله سبحانه كله زين

عذاريبها اولا وجه الناقه عادي وتعانق رقبتها وسنامها متقدم

ووبرتها رديه

ونسال الله ان يبارك لنا ولك ولجميع المسلمين

المزحمي

[align=center]فهد سعود العتيبي

هذه صور الحمر اللي انت طلبت نيابة ً عن أخوي ابو مطلق



وهي لابن غيام الجبلي المطيري الفائزة بالاول بأم رقيبة

والمواصفات مثل ماقال ابو مطلق ومثل ماتشوف

وأعذرنا يابو مطلق على المداخله

ولكم كل التحية [/align]
[align=center]أخوكم [/align]

تحيه

الاخ محمد المطيري

الله لايهينك وتسلم يمينك



المزحمي

الأخ ابو مطلق لاهنت وش رأيك في الناقة اللي في التوقيع .

وتنصحني أنتج منها و أدور على فحل أشعل مزيون (مع العلم بأن سنها ناب )

تحيه

الاخ حسين العصيمي

نسأل الله ان يبارك لنا ولك

أما بالنسبه للناقه فهي ناقه عاديه وعذاريبها واجد وما فيها شي يميزها وفوق ذلك الناقه فاطر

حاول تبيعها وشف لك ناقه غيرها


المزحمي

وفيت وكفيت يأبو مطلق والله يبارك لنا و لك .

أخوك حسين لعصيمي

الأخ ابو مطلق لا هنت كثرت عليك و لكن كلك بركة وما لنا عنك غناة

ودي أسألك عن هذا الفحل معروضي علي -----هل أشتريه------وتشوف بارك الله فيك ينفع ينتج زين مع نياق شعل طيبة

بالحيل

تحيه

الاخ حسين العصيمي

السلام عليكم ورحمة الله وبركاته

يا مرحبا بك في كل ساعه وانا حاضر وانا ما حطيت هاالموضوع الا حتي
افيد واستفيد وكذلك انفع اخواني اهل الابل

اخي حسين ام البعير اللي انت ارسلت صورته بعير عادي وفيه عذارريب
كثيره وانت تقول تبغا تهده في شعل مزايين

واذا تبغا رايي ابتعد عنه وشفلك بعير ثاني وعذارييب البعير كثيره
يعني لا عقله ولا شتره ولا رقبه ولا وجهه

اما من مميزاته السنده

وتقبل تحياتي
المزحمي

سلمت والله يابو مطلق والله يجزاك كل خير ومشكور على سرعة الرد

تحيه

الاخ حسين العصيمي

لا شكر على واجب وحياك الله في كل ساعه

الاخ المزحمي بارك الله فيك اريد رايك في هذا البعير

تحيه

الاخ عدنان الكثيري

السلام عليكم ورحمة الله وبركاته

رايي في البعير ما ينطبق عليه مواصفات الجمال المطلوبه في البعارين

واذا تبغا تراسلني على الايميل انا حاضر

وتقبل تحياتي

عبدالله المزحمي

اخي ابومطلق اسمحلي انا كثرت عليك بدي بعد رايك في هذا الجعود.
الله يعافيك وكثر امثالك

تحيه

الاخ عدنان الكثيري

الساعه المباركه ياالكثيري

اما مواصفات الابل المطلوبه لا تنطبق على القعود

ويمكن في بلدك يعشقون العمانيات ولها مواصفات

مطلوبه عندكم اما في الجزيزه في وقتنا الحالي

فيه مواصفات تختلف عن مواصفات هذا القعود

ويمكن يفيدك اخونا عيد المنصوري


المزحمي