اللي عنده سوال عن زيان الابل ما عدا المجاهيم

18 / 02 / 2006, 57 : 09 PM

اخوي عبداللله وش رايك في الحوار ولادته 6/12 وابوه رمان
[

20 / 02 / 2006, 31 : 06 AM

تحيه

ألاخ سعود القحطاني

نسأل الله أن يبارك لنا ولك

حسب ما يظهر من الصوره الحوار خده غير عريض خشمه غير طويل
أذنه واقفه وكبيره ورقبته تقاصرها وتعانقها وجنبه قصير
أما ذيله غير واضح أما لونه زين ووبرته زينه والحوار متسند

واذا تبغا ترسل صورة ابوه وامه عشان نحكم علاه أكثر على كيفك

فاذا أصبت فمن الله واذا أخطئت فمن نفسي والشيطان

وشكرا على ثقتك

تحياتي
عبدالله المزحمي

20 / 02 / 2006, 48 : 02 PM

أخوي عبدالله

شكرا لك لمساعدت بعض الأخوان

لكن حنا نعرف للبل
الناقه المجهم الزينه اللي اذنها مرتكزه فووووق
والمغتر اللي اذنها راجعت (ن) ورى

وانت حطيت عذروب بالبكره المجهم وهو اذنها مرتكز لا والله هذا الزين

وشاكر لك ولا تزعل مني

تحياتي لك

20 / 02 / 2006, 51 : 02 PM

البكره شفتها اذنها راجعه ورى ماهيب واقفه

20 / 02 / 2006, 17 : 09 PM

تحيه

ألاخ علي العتيبي

شكرا على تعليقك

وانا ياخوك ما علقت على البكره المجهم وارجع لردي وشفه زين

أما الزعل ويش اللي يزعلني وما حصل الا خير

ولكن ارجع للرد وتأكد زين

تحياتي
المزحمي

**حسن الشبيب** · 23 / 02 / 2006, 28 : 08 AM

[align=center]
اللة يصبحكم بلخير

هذي اول مشاركة لي وابغى رايكم في هالمبروك واخص الاخ المزحمي من غير قصور فيكم يالربع

وانا احاول انزل صورة ثانية اذا قدرت واعذروني تراني عليمي

[img][/img[/align]

27 / 02 / 2006, 17 : 08 AM

تحيه

السلام علبكم ورحمة الله

ألاخ حسن الشبيب

في البدايه اشكرك على طلب رأيي ونسأل الله ان يبارك لنا ولك

أذا بغيت تفحل بعير في اشياء مهمة لازم تنتبه لها ضروريه جدا جدا
لان الفحل هو العمود الفقري حق الابل
الفحل حدا ثنتين أما يعمر الابل او يدمرها
عشان كذا لا يضرب ناقتك بعير ألا متأكد من انتاجه وشايفه زين
او بعير ساسه طيب وتكون عارفن ابوه وامه واخواته لان يااخي
الناقه لقاحه سنه غير الحيوانات الاخرى يضرب الفحل
وتلقح سنه وترضع سنه سنتين وانت تتعب
لذلك أشتر الفحل الطيب أو فيه طريقه ثانيه انك تنزل حول
أهل البعارين الطيبه وتضرب عندهم وترجا الله

أما بعيرك
فيه عذاريب واجد وانا وجهة نظري أنك ما تضربه أباعرك
لأن هذا البعير ما فيه شي يجذب

وجه البعير عادي جدا
البعير له قبعه
واذنه رديه
ماله سبال
الرقبه قصيره وعنقا
مطلع رقبته رديه
البعير ما هو متسند (متساوي)
جنبه قصير
جرمه صغير
كذلك اللون

هذا رايي وأذا اصبت من الله واذا أخطئت فمن نفسي والشيطان

تحياتي
المزحمي

07 / 03 / 2006, 12 : 10 PM

الأخ عبدالله ،،
تحية طيبة ،، وأشكرك لجهودك الطيبة ...
بحكم خبرتك هل ل (( الطمشة )) تأثير على جدع الفحل .
يعني : هل يفحل القعود الأطمش ؟ لاسيما إذا كانت خواته سالمه (( ماهو أصل )).

09 / 03 / 2006, 43 : 06 AM

تحيه

ألاخ خالد الخالدي

السلام عليكم ورحمة الله وبركاته

حاول قدر المستطاع ان تفحل بعير سالم من العذاريب قدر المستطاع
وأذا ما قدرت أنزل حول أهل البعارين الطيبه وترجا الله

أما أذا بغيت رأي في أنك تضرب أباعرك بعير اطمش
رأيي لا تضربه أباعرك خوفا من انتاجه لا يجي مثله

وبعض البدو يقولون ( البعير ساس نفسه ) وكلامهم صحيح

واجتهد أنك تشري بعير طيب سالم العذاريب

أو اشتر قعود من أهل البل الطيبه يكون سعره مناسب وترجا الله

ونسأل الله أن يوفقنا وأياك لما يحبه ويرضاه

تحياتي
المزحمي

10 / 03 / 2006, 35 : 07 PM

الأخ عبدالله المزحمي ،،،
تحية طيبة .... وبعد
هذه صورة للقعود الذي أثار سؤالي السابق لك . وش رايك ندور غيره وإلا نصبر ونترجى الله ؟ علماً أن سن القعود سنة تماماً ((مفرود )) .
ومشكور على الرد مسبقاً . والمجال مفتوح لجميع الأخوان للمشاركة بالرأي .
ودمتم سالمين ،،

الملفات المرفقة

10 / 03 / 2006, 18 : 09 PM

تحيه

ألاخ خالد الخالدي

الله يبارك لك في قعودك ويرزقك من بناته

ولكن صورته غير واضحه

قم بتصوير القعود صوره كامله وكذلك صور ابوه وامه واخواته

واذكر ساس ابوه

حتى نقدر نعطيك الراي مضبوط

وتحياتي لك
عبدالله بن مطلق المزحمي

13 / 03 / 2006, 13 : 11 AM

السلام عليكم
أخي العزيز عبدالله
بغيت رايك في هالفحل اللي بالموضوع
اللي فالرابط هذا
http://www.mzayan.com/vb/showthread.php?t=1228

مع العلم ان له انتاج كااايد وعجل بالحيل وخبرك البدوي يحب الناقه العجله بالسير

14 / 03 / 2006, 19 : 06 AM

تحيه

الاخ سليمان

نسأل الله ان يبارك لنا ولراعيه

الصور لم تظهر وحاولت كذا مره

وتراني عليمي في الكمبوتر

حاول ترسلها مره اخري

تحياتي
عبدالله بن مطلق المزحمي

14 / 03 / 2006, 14 : 12 PM

هذى صورة الفحل حق سليمان يا المزحمي

14 / 03 / 2006, 17 : 11 PM

هذي الصور مره ثانيه يابو مطلق