اللي عنده سوال عن زيان الابل ما عدا المجاهيم

تحيه

الاخ العزيز نايف المشعلي

سبق ان ابديت رايي في البعير ولا حصل تغيير في شكل البعير لحد الان

وترا الصور تظلم بعض الاحيان

تحياتي
المزحمي

الأخ عبدالله ...
تحية طيبة ،،، وبعد
رايك بالأطمش والذي سبق وأن أخذت رايك به . هل يشجع على الاحتفاظ به ؟ علماً بأن سنه الآن مفرود . ( سنة وستة أشهر بالضبط )

تحيه

الاخ خالد الخالدي

السلام عليكم ورحمة الله وبركاته

نسأل الله ان يبارك لنا ولكم

القعود مبروك عذارييبه, اللون والطمشه والقعود له مردفه واذنه رديه وعرقوبه اركز

اما الاحتفاظ بالقعود على حسب ابلك اذا ابلك مزايين وغاليه شف قعود غيره

اما اذا ابلك وسط هده وترجا الله سبحانه

والقعود ماهوب ردي وشكله تغير واجد جرمه زين ان كان مفرود , وجهه ماهوب ردي

ورقبته زينه وجنبه طيب

تقبل تحياتي

المزحمي

الأخ عبدالله ،،،
تحية طيبة .... وبعد
شكراً لك . وأسأل الله لنا ولك التوفيق .
دمت ساااااااااااااااااااالماً .

تحيه

الاخ خالد الخالدي

لا شكر على واجب ونسأل الله ان ينفعنا واياك

تحياتي
عبدالله بن مطلق المزحمي

السلام عليكم ورحمة الله وبركاته

هذي اول مشاركه لي وابغي رايكم في القعوووود

والي له نظر يسوووم


خشبان

تحيه

الاخ احمد عبدالله

السلام عليكم ورحمة الله وبركاته

اسف لا استطيع مساعدتك لو انه اوضح ابشر بسعدك

ارسل الصوره لابن صلبوخ وتلقى الراي السديد


تحياتي
المزحمي

اخونا الغالي ابو مطلق هذي حواره شعلا على ساقان لابو عادل المطيري



وهذا العفر صاحبنا ولد رمان كود انه زان في نظرك يالغالي

تحيه

الاخ الغالي سعود القحطاني

السلام عليكم ورحمة الله وبركاته

الله لا يهينك على طلب الراي

القعود والبكره مبروكات ولكن عذارييبها واجد

اما البكره حسب معرفتي انها ما هي شعلا البكره صفرا لان ذيلها فيه سواد وكذلك شعفتها

عذارييبها راسها عادي ورقبتها تعانقها وكذلك موقع سنامها

اما القعود ما صار فيه تغيير مثل مواصفاته القديمه واللي وضح اكثر ان القعود جرمه صغير مره

ومن رايي انك تدور قعود غيره

هذا رايي فأن اصبت فمن الله سبحانه وتعالى واذا اخطئت فمن نفسي والشيطان


تحياتي
عبدالله بن مطلق المزحمي

بارك الله فيك اخوى المزحمي عندي سؤال عن الفحل اللى فى توقيعك هل هو لك

تحيه

الاخ العزيز عبدالله العازمي

السلام عليكم ورحمة اللله وبركاته

أما بالنسبه للبعير اللي صورته في التوقيع هذا (الزعيم ) فاز في مزايين خبيب الريم سنة 1424 -2003م
اخذ المركز الثاني

وهو الان فحل أبل فنجال الشيباني اشتراه فنجال بعد مزايين خبيب الريم

اما ساس البعير ابوه بعير فنجال اللي اخذ المركز الاول
في مزايين خبيب الريم اللي صار
1421 -2000 م


ولك تحياتي

المزحمي

[حسين المطيري]

مشكور يالمزحمى ولا قصرت والله يبارلك لك ولنا وللمسلمين فى حلالهم

تحيه

الاخ حسين المطيري

السلام عليكم ورحمة الله وبركاته

الله لا يهينك والعفو ونسأل الله ان ينفعنا واياك

وتحياتي
المزحمي

السلام عليكم ورحمة الله وبركاتة
الأخ/ عبدالله المزحمي
الإخوة ألعضاء


ياليت لو تعطوني رايكم الصريح في البكرة وأمها اللي في توقيعي وتوضحون لي المحاسن والمساوء

ودمتم مغليكم

[سعد البقمي]

السلام عليكم ورحمة الله وبركاته

اخواني اعضاء ومشرفيين هذا المنتدى هذي اول مشاركه لي معكم ويسعدني ويشرفني لانضمام لكم

اخي عبدالله انا من المتابعيين لك قبل تسجيلي في هذا المنتدى وتعجبني صراحتك وعدم المجامله في كل من طلب مشورتك بارك الله فيك

الرجاء عطائي مشورتك في البعير الي في توقيعي السن لقي من سلالة بعير مبلش جده بعير مبلش

اخوك تراه عليمي في مزايين الابل ورئيك يهمني هل يصلح فحل وش عيوبه وش الزيين فيه الله يعطيك العافيه انت والاخوان الاعضاء والمشرفيين