اللي عنده سوال عن زيان الابل ما عدا المجاهيم

الأخ عبدالله ،،،
تحية طيبة ..... وبعد
هذه صور للقعود وأحدها إعادة للصورة السابقة .
أما أبوه وأمه فالحقيقة إنها بعيدة جداً عن مكان وجودي الآن ، ولايوجد لها صور لدي .
أما أبوه برمان على قول راعيه ، وهذا سبب سؤالي السابق عن مايتميز به إنتاج رمان .
وأبوه من إبل محمد بن سعود الكبير ( رحمه الله ) جايه وهو مفرود.

تحيه

الاخ عبدالله العازمي

شكرا على المساعده

اخوك
عبدالله بن مطلق المزحمي

تحيه

الاخ سليمان
نسأل الله أن يبارك لنا ولكم

البعير مبروك

ولكن فيه عذاريب كثيره وصدقت البعير هذا بناته مشايات وعجلات مافيه شكك

وأنا من وجهة نظري أخي سليمان

أنك تدور لك فحل غيره لأن وقتنا ماهو مثل وقت أجدادنا مبطي يبون الناقه اللي ديدها مركن وحليبها واجد
ولا يهمهم شكل الناقه

أما في وقتنا هذا تغير فكر الناس وقاموا يركزون على الزين

حتي أنه قال لي أحد المشاركين في مزايين أم رقيبه أنه ما يدور الزين
كان أقوله كيف فيه أحد ما يبغى الزين قال نعم أنا ابغى شي فوق الزين


البعير فيه عذاريب واجد

وتحياتي
عبدالله بن مطلق المزحمي

تحيه

ألاخ خالد الخالدي

شكرا على وضع الصور

أما ساس رمان معروف

الوضاح الزين
الرقاب الطوال
الخشوم الطوال
الخد غير عريض
الوبره معرشه

أما العذاريب
السنام المتقدم
الجرم تصاغره ولاهو كلها
ولاتجي طوال

القعود وسط وترا الصوره وانا تظلم بعض المرات

رايي أصبر عليه سنه ولا فيه مانع |أنك تدور قعود افضل لأن الناس الحين اللي عنده
4فحول واللي عنده 10فحول
وضروي انك تكون شايف أمه ,ابوه وأخواته وهل أخواته مثله ومنان جاته الطمشه


لأن الفحل ياخوك كايد وأنا ودي بالشي اللي يصلح لأنا وقعنا في أخطاء كثيره
ولا ودنا ان الناس تاقع في مثل ما وقعنا فيه

وثانيا فيه بعير يصلح عند ناس ولا يصلح عند ناس اخرى
مثل واحد اباعره تسام على 200الف وعلى 300الف لابد أن البعير
يسوى ملايين
أما اللي اباعره تسوى 10الاف ريال ولا 15الف ريال
لو يشتري بعير مائة الف ريال يسده

ولك جزيل الشكر على طلب رايي

تحياتي

عبدالله المزحمي

الأخ عبدالله ،،،
تحية طيبة .... وأشكرك لتكرمك بالرد ، وانتظر مني رسالة .
دمت سااااااااااااالماً .

عبدالله بن مطلق المزحمي

الله لا يهينك علي الموضوع

تحيه

الاخ هلال الشيباني

الله لا شينك

تحياتي
عبدالله بن مطلق المزحمي

الاخ عبدالله

السلام عليكم ورحمة الله وبركاته وبعد

لقد ارسلت لكم رسالة على الخاص فارجوا استلامها وبانتظار الرد منكم مشكورا" .

وتقبلوا تحياتي

تحيه

الاخ عبدالرحمن عبدالعزيز
وعليكم السلام ورحمة الله وبركاته

الرساله وصلت ورديت عليها

وتقبل تحياتي
المزحمي

اخوي عبدالله ولا يهون الاخوان ابغى رايك في الحوار العفر عمره أقل من أربعة أشهر 6/12/1427هـ أبوه الفحل رمان لأبو عادل المطيري
البكرة الشعلا دون الاربعة اشهر على الفحل ساقان لابو عادل المطيري


صورة للحوار مع امه وترى امه عليها وسم السدارى

[img][/img]
البكرة الشعلا
[img][/img]

ومشكور مقدما زرايتك بيضا

تحيه

ألاخ سعود بن منصور القحطاني

السلام عليكم ورحمة الله وبركاته


حسب ما يظهر من الصوره الحوار خده غير عريض خشمه غير طويل وماله سبال
أذنه واقفه وكبيره ورقبته تقاصرها وتعانقها وجنبه قصير

والظاهر أنك أرسلت صورته لي يوم كان عمره شهر

ونسأل الله أن يبارك لنا ولك يابو منصور

تحياتي

المزحمي

تحيه

ألاخ سعود

أما البكره صورتها غير واضحه

أرسل صورتها مره ثانيه وابشر بالخير


تحياتي
عبدالله بن مطلق المزحمي

الاخ / عبدالله مطلق المزحمي
تحيه طيبه وبعد وينك ماسمعنى راييك فيما كتب في موضوع (( ملاحظه للاعضاء والمشرفين )) عسى المانع خير ,, وين ردك على الرسلة التي ارسلتها لك على الخاص ,,

تحيه

ألاخ نمر العتيبي

أسمحلي على التأخير

بسبب ظروف خارجه عن الاراده

أما بخصوص الرساله الخاصه أن شاء الله تشوفه في رسايلك الخاصه

ولك تحياتي

المزحمي

مساكم الله بالخير
الله يعطيكم العافيه على هذا الموضوع الطيب وحبيت اسال عن كيفية ادراج الصور
الله لايهينكم