اساله عن اسعار الابل ومواسم بيعها

السلام عليكم

حتى تعم الفايده افيدونا مما رزقكم الله من خبره


مجموعة اساله وكلن يدلو بدلوه وعسى بالامر خير للجميع


متى تكون اسعار الابل مشجعه للشراء ؟ في اي موسم؟


كم سعر الناقه العاديه بين وبين كم ؟

واي من الابل يفضل الان وضح او او او ؟

اي سوق يتوفر فيه المتن والسعر الافضل ؟الرياض او او ؟


وشكرااا لتعاونكم

اخوى موسم الشراء بالقيض وموسم البيع بالشتاء للبل العادية والمقاني
اما ابل المزاين طول السنة موسمها
والاسعار يقول راعي المثل( كل شارب ولة مقص)
والالوان كل شخص وهوايتة
اما السوق الجنادرية يعتبر رقم (1) بالمملكة والخليج

مع الاخ فيصل واللي يبي يتصيد يسوي مثل السودانيين يطلع لتجمعات البدو في القيض وراح يلقى ناس يبيعون باسعار مناسبه للحاجه طبعآ الله يكفينا وياكم الحاجه وكل مسلم.

وعليكم السلام ورحمة الله وبركاته

اتفق مع اخواني اللي سبقوني

والله يرزقنا وياك بالرزق الحلال المبارك

اخوك

حمد الحريّص

وعليكم السلام ورحمة الله وبركاته

اتفق مع اخواني اللي سبقوني

بس لى اضافه (المجهم) الزينه مرغوبه اكثر

وسوق الاحساء يعتبر سوق من الدرجه الاولى

للي يبى يتشوف له على ناقه بــ المواصفات الى يبى وايضا بــ السعرالى يبى

السلام عليكم

جزاكم الله خير

المجهم اضن سوقها في الاحساء والجنوب ماشاءالله غاليه

عندي سوال اخوي فيصل او الجميع

لما بروح اماكن تجمعات البدو بالقيض ,, اللي اعرف لي جيت مكان واحد يبي يرفع السعر عليك

او ان اجيب لي سوداني هو يشتريلي يكون افضل؟

وبارك الله فيكم ع المشاركه

ج1 اتفق مع الاخوان ومثل ماتفضلو القيض ينزل فيه سعرر الحلااال والسبب
الناس تقل رغبتهم للحليب في الصيف عشان الحر ونت خابر القايله ماينقعد فيهاا,, عكس الشتاء تترتفع اسعاار الخلفات المنايح فيهاا عشان الدفااء والفله والي انت خابر......
وهذا بالنسبه للخلفات اذا كننك تبي اباعر بداوه يعني عايديه واسعاررها,,ج2 ,, من7000 الى 15000 او20000 اذا طااالت وشمممخت

اماا المزااين مالها موسم يخوك يحددهاا السووق والبيع والمشترى انفيه حرركه ارتفعت الاسعاار ومافيه حركه جابت راس المال ولا نزلت اقيمهاا
واسعارهااا من 30000 ونت طالع الى 1000000ويمكن اكثرر

ج3,, اما بلنسبه للون هاذي على هووىالرجاال ورغبته وناخوك ومالها دخل في الافضليه في ناس تهو المجاهيم وناس تهو الوضح وناس تهوى الحمر الخ............
ج4,, وبلنسبه للسوق عندك الجنادريه افضل سوق في الخليج بتلقاا الي يسررك فيه الثنتين اباعر المزاين واباعر البداوه ولم دراهمك طب وتخيرر,,
واي خدمه حناا نعينك