يامن يعرف هالوسم جزاه الله خير

السلام عليكم ورحمة الله وبركاته

مساكم الله بالخير

فيه وسم ونشدت عنه ناس واجد ما عرفوه وقالو انه من الوسوم الجدد (وهناك من قال انه للروسان من عتيبه )

فقلت مالي اللا اخواني اعضاء منتدى مزاين الشهير هم اللي بيجيبون العلم

ولا خلا ولا عدم وارجو ذكر صاحب الوسم وهل هو صاحب إنتاج واللا لا وبعيره وشنهو وش ساسه؟

إذا توفرت المعلومات او اسم صاحب الوسم على الاقل

الوسم عباره عن حرف K على الفخذ الايمن

نسمعك ولانلفهك والله الوسم هذا ماعرفه.

والله اول مره اخوي اشوف ذا الوسم

هذا وسم مبارك الكيرعاني

وبعيره ولد هياف

الله يفرج ظالتك

يا مرحبا يالربع

علي آل مرعي

وخالد السقياني

وفهد الشريف

بيض الله وجيهكم ولاهنتو

يا مرحبا يا سلطان

ابرك الساعات اللي شفنا ردودك ياغالي

بس مالك لوا طال عمرك بحثنا وتأكدنا

من الصور واليوتيوب انه ما عليها هالوسم وخصوصا الفحل هياف

لان صورته كانت واضحه جدا ولا عليه هالوسم او هالشاهد

واتمنى ياخوي سلطان ترد علي الرد الشافي

ولاهنت طال عمرك

السلام عليكم


يا اخوان حتى السوادنه قاموا ياسمون

تحياتي لكم

اكيد انه من الوسوم الجدد لان الاولييييييييين ما يعرفون انقليزي

هههههههههههههههههههههه

و الله اني ضحكت عليك يا حمد اليامي

اجل الشيبان ماهم براعين رطينه

و انا اضم صوتي للاخوان لانه ما هو بمعقول الشيبان ياسمون بحروف انقليزية

عبدالعزيز الفضلي

حمد اليامي

محمد بن فواز

انا سئلت سؤال واضح , ماسألت السوادنه ياسمون واللا لا

ولا سألت هو جديد واللاقديم او شيبانا يعرفون انجليزي واللا هندي

فيا اخوني الاعضاء الاعزاء من عنده جواب جديد ومفيد على سؤالي

يتكرم بالإجابه وطالت عماركم

يا وينكم ياللي تجيبون العلوم ؟؟؟؟؟؟؟؟؟

الاخ فيصل

اعتقد ان الاخ سلطان اجابك وقال الوسم الظاهر في الصوره يعود لمبارك الكيرعاني واضاف في اجابته ان قعوده ولد هياف ولم يقل ان هياف عليه نفس الوسم ارجوا العوده لمشاركته لتتضح لك الاجابه

وشكرا

اخي العزيز والقدير عبدالرحمن عبدالعزيز

انا اتصلت بنفسي على الكيرعاني ونشدته عن هالوسم واجابي بالنفي

وان الوسم ليس له ولا يمت له بصله ولذلك رديت ولاحبيت اني اذكر هالكلام اللي اجبرتني على ذكره

وانا منتبه لكلامه حرف حرف وادري الرجل شيقصد ولو انك منتبه لكلامي لوجد اشادتي بالاخ سلطان المطيري

اللي يستاهل المدح واني ذكرت انه يجيب العلم وما كل مجتهد مصيب

وبيض الله وجهك يا مستشارنا العزيز

الله يدلك على اللي تدوره
وان شاء الله تعرفه قريب