ستفسار عن احد فحول الامير عبد العزيز بن فهد

السلام عليكم ورحمة الله وبركاته
الاخوة الاعضاء في هذا المنتدى المتميز عندي سوال وارغب الا جابه عليه بسرعة هل يو جد فحل عند الامير عبد العزيز بن فهد اسمه ابو يد حيث عرض علي قعود طيب ينسب الى هذا الفحل

ماسمعنابه
والاخوان مايقصروون انشاء الله

ماسمعنا شي يالغالي

نعم اخي
وهو بعير منتج ولافيه كلام
ولد رمان و عياله موجوده عند الامير
وعند وكلاه منهم ابو نجوم ولده عند ابن دلمخ السبيعي
والبعير اليوم ما يضرب هرش خالص

عند عبد الله بن دلمخ المحمدي السبيعي

وعند بن حرويل السبيعي


والبعير منتج من الدرجه الأولي على مستوي الجزيره

اشكر الاخوان الذين تجاوبو واعطونا هذة المعلومات القيمة وجزاهم الله كل خير

نعم اخوي عمر الحربي
ابو يد من اشهر فحول الجزيره
ابوه رمان البعير الى شراه الشيخ عبدالله الفصام من عميق بن فهد الغييثات ، وبيع مع الابل التي شراها سمو سيدي الأمير عبدالعزيز بن فهد وهو موجود الآن عنده ويتمتع بصحه وعافيه وما سمعت انه ما عاد يضرب وأخوه ابو يد الى فاز في خبيب الريم لمالكه فنجال وبيع بعد ذلك الى سمو سيدي الامير سلطان الله يرجعه لنا بالسلامه ابو الزعيم ( الحائز على المركز الاول في مزاين نوفا بالصياهد ، وابو فاهيان الحائز على الثاني انتاج في ام رقيبه والثاني في نوفا بالصياهد .
وبنات ابو يد الى شراها فنجال الشيباني من ابن قريع الدوسري حسب ما سمعت انها بمليون وثمان ميه
الفحل منتج وانتاج موجود في المزاينات
فحل ابل الاخ عبدالله بن دلمخ السبيعي اسمه العالمي ابوه ابو يد وعنده فحول ابوها ابو يد .
فحل ابل الشيخ جزاع ابن حريول السبيعي اسمه شامان ابوه ابو يد واغلب الابل بنات ابو يد وعنده فحل ثاني اسمه برزان ولد ابو يد
فحل ابل عميق ابن فهد الغييثات ولد ابو يد
فحل ابل المهيلب ولد ابو يد
وفحول كثير ابوها ابو يد
فحل على مستوى وانتاجه فاخر
شف المواضيع هذي كلها لعيال ابو يد
http://www.mzayan.com/vb/showthread.php?t=12998

http://www.mzayan.com/vb/showthread.php?t=11910

http://www.mzayan.com/vb/showthread.php?t=11937

http://www.mzayan.com/vb/showthread.php?t=11529

http://www.mzayan.com/vb/showthread.php?t=10506

بيــض الله وجيـــهكم

سلطااااااااااااان وفية وكفيت
بيض الله وجهك على المشاركه

اشكر الاخ سلطان المطيري علي هذة المعلومات القيمة وبيض الله وجهك وجزاك الله كل خير

لاهنتم على الموضوع الطيب

نعم اخي
وهو بعير منتج ولافيه كلام
ولد رمان و عياله موجوده عند الامير
وعند وكلاه منهم ابو نجوم ولده عند ابن دلمخ السبيعي
والبعير اليوم ما يضرب هرش خالص

السلام عليكم ورحمة اللة
تصحيح معلومة

ابو نجوم ملك فنجال الشيباني اخو ابو يد

وابن دلمخ عندة فحول ثنين عيال ابو يد مو عيال ابو نجوم

وعارض واحد منهم للبيع وعلية سوم سبعة ملون وخمس مية الف

وعندة ولد كحيلان ولد البارز

ومفاريد اثنين على تمام

انا كنت عنده قبل اسبوعين

وابو يد منافس قوي لفحل عبداللة الباتل وانا شايفة قبل ثلاث سنين في مزرعة الامير عبد العزيز بن فهد(الجوهرة) وانتاجة ضغط عالي