شروط المزاد الذي ترعاه / قناة الساحه

روسوم الدخول 2000 الفين ريال ويشمل العلف لمدة اسبوع والعرض على القناه

رسوم مقدارها خمسه في الميه عند البيع في الحراج

الموضوع للنقاش

هل ترى ان الرسوم مرتفعه ونسبة السعي ايضا

وهل ترى ان مثل هذى المزاد يخدم اهل البل

ام يخدم الشريطيه والتجار فقط

هل تتوقع ضهور برامج منافسه عما قريب

الله لا يهينك أخوي فهيد على الموضوع الي يستاهل المناقشه
أول شي عن الرسوم
رسوم التحريج2000 عندي انها غاليه
على انهم يعلفونهاالتعليف اسبوع 500 ريال تكفي اسبوع واكثر
اذا كانت ناقه وحده او 3
والقناه تعرضها اسبوع كامل مرتين في اليوم
تاخذ 800 ريال
وعلى ان المطيه اذا انباعت ياخذ عليها 5% على حسب البيعه


وانا أظن بعدين راح يظهر منافس للمزاد ولكن ماراح يكون أقوى من المزاد الحالي
ومن الاسباب ان المزاد الحالي في مكان اسراتيجي وهو الجنادريه والذي المكان الذي يحضره الكثير من التجار والشريطيه
وانتظر أقوال الاخوا ن


وتــــقـــبـــل مروري

السلام عليكم ورحمة الله وبركاته
بيض الله وجهك ياسمي على هذى الموظوع
بالنسبه لللمزاد الي في سوق الجنادريه حظرته ومتابعه من الاول
الرسوم غاليه والسوق ميت مافيه حركه وقوه في البيع والشراء والمعروض اكثره اقيااامه مباالغه فيهاا مثل البكرره المجهم الي حرجو علاهاا
في اول مزاد للابل في قنات السااحه ماتسواالهااا 10000 الاف وبايعينهااا ب حوول 350000 الف مدرى الي شراهاا اماا انه ماله فالبل
ولاعمى مايشوف ,وكل الناس الي يعرفون البل وهل نظر ونا وعوذ بالله من كلمت انا منهم اقالو نفس الشي الاقيام في غيرر محلهااا والله يا 350000 الف لونه ماتعجل لياخذ اطيب منهاا ,,, والمثل يقول مايمدح السووق الامن ربح فيه....
وارجو تقبل وجهة نظري بصدرر رحب وشكررا

السلام عليكم ورحمة الله وبركاته
اخوي هذا سؤال ال 2000 كم ناقه تعلف فالشهر مو بالاسبوع
واذا توخذ نسبه عالبيع مافيها شي واللي انا اعرف عندنا فالكويت اقل من 5% واذا كان القصد عشان البث
فلا تعليق والله ولي التوفيق وهذي وجهت نظري مو صحيح هالمبالغ وشكرا
تقبلو تحياتي

حياك الله يا فهيد
الرسوم اكيد غاليه الناقه اسبوع ما تكلفهم 500ريال وتعرض مرتين في القناه (قليل)
والسعي 5% عالي طبعا
اما ظهور المنافسين اكيد بيظهر منافسين وانا سمعت ان قناة الاماكن تسعى الى ذلك فقد ذكر انهم شروا ثلاثة احواش
للتنظيم مكان للعرض على شكل مدرج ( والله اعلم)
وتشكر على الموضوع يا فهيد

حياك الله يا فهيد

الرسوم اكيد غاليه الناقه اسبوع ما تكلفهم 500ريال

و رسوم التحريج2000 عندي انها غاليه

وانا أظن بعدين راح يظهر منافس للمزاد ولكن ماراح يكون أقوى من المزاد الحالي

[فيصل عبدالله العتيبي]

السلام عليكم الحراج لايقنع المشاهد ويشكك في مصداقية بعض الاسعار لكن مع الوقت لايصح الا الصحيح

فيه نوع من ألاستغلال
كيف 2000 ريال طيب بعض الابل تدخل المزاد ولاتنباع وهذا يجبر راع المطيه على دفع 2000 ريال مع أنه جاي يدور مبلغ يعني بعضهم مباع إلآ من حاجه .........
المفروض يكون الرسوم في حالت عدم بيع المطيه أقل من 2000 ريال

بعيدن فيه ناس عقولها محجره ( يدخلون بعض من الابل المزاد وهي ماتسوا المبلغ اللي دفعه للمزاد )

اشوف ان المبلغ مبالغ فيه للغايه

ولا اعتقد ان البايع بيجي للمزاد

وبالنسبه للشاري ماراح يجي لنهم يفتحون اقيام البل على اسعار عاليه

وبعض البل يفتحون السوم عليها باعلى من قيمتها

والله يوفق الجميع

اشوف ان المبلغ مبالغ فيه للغايه

ولا اعتقد ان البايع بيجي للمزاد

من المؤكد ان المزاد يقدم
خدمة كبيره لاهل الابل
ولكن الرسوم عالية جدا

السلام عليكم الحراج لايقنع المشاهد ويشكك في مصداقية بعض الاسعار لكن مع الوقت لايصح الا الصحيح

تسلم اخوي فيصل
والاخ بندر
والاخ نواف

كلام صحيح ما يصح الا الصحيح


الله يكتب كل خير لاهل البل والبل

اشوف ان المبلغ مبالغ فيه للغايه
والمستفيد الشريطية اولا واخيرا

[فيصل عبدالله العتيبي]

هل لشيخ سوق الابل بالجنادريه دور في هذا المزاد امام الجهات الرسميه واذا حصل اي قضيه هل تلحق المسؤليه قناة الساحه

صباح الخير مساءالخير للجميع
بالنسبه للرسوم عاليه جدا
يعتبر مشروع ناجح من حيث الدخل المادي مثال الأسبوع الماضي كنت بسوق الجنادريه تقريبا محلين تحت الأنشاء برعاية قنوات منافسه للساحه سألت شخص عن فكرة العرض قال كلن سوى محل ونفس الفكره رسوم وعرض مدة أسبوع الفكره التنظيم جيد
الكل شاهد العرض والأسعار مبالغ فيها( ومضارها اكثر من نفعها )