بخصوص الجمل سويعيان

السلام عليكم ورحمة اللة وبركاتة
عندي اسئلة ياليت احد يجاوبني عليها
1ــــ ساس الجمل من الاول الى الاخر
2ــــ من صاحب الجمل
3ــــ اين موقع الجمل
4ــــ هل هو سيم من قبل
5ــــ هل له انتاج قعدان يضربن
6ـــــ هل هو على قيد الحياه
7ـــــ هل ينتج مثل لونه مجهم او ينتج مجهم و وضحا .............. او شعلا لان اللي بجنه مدري من انتاجه
وارجوا الرد على عجل من الجمر

السلام عليكم ورحمة الله وبركاته
1-صاحبه محمد بن علي العمره
2-اكبر انتاجه ايلقي اسهيل
3-مكانه حول الجافوره
4-لا زال على قيد الحياه
5- انتاجه مثله في اللون و الشكل واطيب منه
بالنسبه لسوم البعير ما يحضرني الان
لكن اجيبلك الخبر

اتمنى ان الله يرزق راعيه ويرزقك منه انشاء الله

وبيض الله وجهك على العرض الطيب

مرحبا ياعبدالمجيد

السلام عليكم ورحمة اللة وبركاتة
عندي اسئلة ياليت احد يجاوبني عليها

1ــــ ساس الجمل من الاول الى الاخر
ساس البعير مري :
امه من ابل راعيه محمد بن عمره وهي ساس الفحل ولا يفحلون الا منها وابل ابن عمره معروفه بالكبر من عصور الاجداد ابل كنها ركاب

وابيه طايفان بعير عبدالله ابن مرعي وابله معروفه من امات البعير واطيب وطايفان ابيه الفحل المشهور مشيحان اللي اشتراه الامير سلطان ابن عبدالعزيز ب 950 الف وهو اول بعير شري بهذا المبلغ

وكان اغلا بعير قدامه مشري ب 500 الف

2ــــ من صاحب الجمل
محمد ابن عمره المري

3ــــ اين موقع الجمل
شرقي مصنع الغاز بحرض

4ــــ هل هو سيم من قبل
البعير عليه سوم مليون

5ــــ هل له انتاج قعدان يضربن
نعم عليه ثنيان

6ـــــ هل هو على قيد الحياه
نعم وهو من اكبر الركاب اللي عرفوها البدو

7ـــــ هل ينتج مثل لونه مجهم او ينتج مجهم و وضحا .............. او شعلا لان اللي بجنه مدري من انتاجه

اكثر انتاجه اسود ويمتاز بكبر الحيران وبعض البل تتعب عند الولاده من كبر الحيران
ويجيب حيران طيبه

وعند راعيه لقيه عليها 700 الف وكنها حايل الله يستر عليها


وسلامتك وعفاك

الله يبارك فيه لأهله

ويحفظه من العيون ..

تم النقل للقسم المناسب

الله يبارك فيه لأهله

ويحفظه من العيون

ولا هانو الاخوان كفو و وفو

عطوك العلم أهله الله لايهينهم
الفحل مجهم كيف ينتج وضحى وشعلا