من يفيدنا عن أبل الطرب

رد على الموضوع

[align=center]ماذا قال الدويش عن المجاهيم ؟

سئل الشاعر خلف بن هذال في مجلة المختلف العدد 155 عن سبب إختياره للمجاهيم ؟
فقال : أنا أحب المجاهيم لأنها هي الإبل ، ولإن الدويش قال عندما مر على مجموعة من البدو وهم يسقون إبلهم على إحدى العدود ، فجلس على الطية يتفرج على الإبل وهي ورادة .
فوردت الوضح ، فقال : جاك الطرب .
فوردت الصفر أو الشعل ، فقال : جاك العجب .
فوردت المجاهيم ، فقال : جاتك العرب ، لأن فيها القرى والذرى وهي أم العرب .



تحياتي للجميع ...[/align]

حبايبنا

اسعد الله صباحكم بكل خير


اما انا شفت مقطع بلوتوث

ويمكن الكثير شا فوه


عن ابل مجاهيم مطوعينها اهل

والله ما قد شفت مثلها في حياتي

الحقيقه انهم تعبانين معها بالحيل

ومدري عن ثمة الي طوعها جعل ربي ما يعاقبه

تحياتي لكم

اناااا مع ابل العرب وهي المجاهيم

ومخلين ابل الطرب لاهل الطرب المغاتير

الله لا يهينكم جميعاً

على مروركم وتعليقكم المفيد

تحيااااااااتي للجميع ,,,

المعروف ان الطرب هي العجله في الشديد والمرواح

واعجل الأبل هي الصفر والشعل ... اما الوضح فيها المشي لاكن ماهي مثل الشعل والصفر

والمجاهيم لكبر جرمها وحجمها فيصعب عليها المشي بعجله

وفي الطبع يطلق طرب

وبالمغاتير بصوره عامه اسهل في الطبع من المجهم . لان المجهم تكون عاصيه

والدليل .. في التضيير والعساف المجهم راسها يابس ما تطيع بسهوله مثل باقي الأبل

أبل الطرب
المغاتير لولفها وعجلتها
والمجاهيم هي أبل العرب

أما عن الممشى ولا طالت الشده المجاهيم ماينظلم حضها تعدى المغتر

وأنا شخصيآ أعرف راعي مجاهيم دوسري في وقت الربيع وعنده مناسبة غدا ذاك اليوم
ومجتمعين عنده أهل مغاتير من صفر وشعل وعفر صوب نجد
وتماروا بينهم بالهجيج من اللي بتروح ابله على الثاني
ووصلت تحدي بينهم فقام راعي المجاهيم معزبهم وعلق مفتاح الوايت السقس
في عمود البيت وقال ياهل المغاتير اللي منكم ابله بتروح على ابلي ياخذ السقس
والله مافيهم واحد تزهل بأبله ذاك اليوم
وهاذي ترجع على راعي البل اللي يطبعها على الهجيج دايم
وهل المجاهيم طبعهم يحبون الركاده ولاهم بواجد اللي يحبون الهجيج فيهم

المعروف ان الطرب هي العجله في الشديد والمرواح

واعجل الأبل هي الصفر والشعل ... اما الوضح فيها المشي لاكن ماهي مثل الشعل والصفر

والمجاهيم لكبر جرمها وحجمها فيصعب عليها المشي بعجله

وفي الطبع يطلق طرب

وبالمغاتير بصوره عامه اسهل في الطبع من المجهم . لان المجهم تكون عاصيه

والدليل .. في التضيير والعساف المجهم راسها يابس ما تطيع بسهوله مثل باقي الأبل

[align=center]لاهنت على المعلومات المفيدة
تحياااااااتي لك[/align]