أقرب فحل طيب في منطقة صلبوخ

السلام عليكم

أخواني أنتم خابرين قرب موعد الضراب و أبي أنشدكم عن أقرب فحل طيب وساسة طيب في منطقة الرياض وبالأخص في منطقة صلبوخ اللي على طريق القصيم تقريباً من بعد كبري بنبان الى كبري معبر جمال اللي بعد التفتيش.

وشكراً للجميع

وعليكم السلام ورحمة الله وبركاته

اررررررررحب يابو ناصر

موعد الضراب توه باقي عليه وقت

عندك فحول الامير عبدالعزيز بن فهد في العاذريه

بس مرهم قبل وشف هم سامحين بالضراب والالا مع ان الامير مايمنع لاكن البلا في اللي يشتغلون عنده

لاهنت يابو سعود

أنا خابر إنه توه ولكن نبي نزهب النية بدري ويصير عن الواحد وقت يعاين وينشد وعى طاري عبدالعزيز بن فهد وش ذوده من أي الألوان

وشكراص لمرورك

الامير الله يحفظه

عنده ذيدان من جميع الالوان من مغاتير بجميع الوانها

ومجاهيم

وعنده الفحول الطيبه لجميع الالوان كذالك

[align=center]حياك الله يابو ناصر والجميع


فيه بعير عند واحد شيباني لكن عليه سرا[/align]

الله يرزقك البعير الطيب الي عند رجال طيب مثل ابن المنخس المري

يا هلا بالجميع

أخوي فهد والله انك كفو ورجالً تحب الخير وترحيبك ومهلاك يدل على ذلك لكن بعير الشيباني اللي ذكرت حول منطقة بنبان وصلبوخ والا بعيد

وأنا سمعت ان فيه واحد قحطاني من أهل المذنب عنده فحل على بعير فصام بس ما تأكدت

[align=center]ان كان طلبك اوضح فيه بعيرطيب ونتاجه طيب في مزرعه في ببان القديمه اذكرنا بصالح دعاك[/align]

لا والله ياخوي صالح طلبي أجهم والله يوفقك ويرزقك على المشاركة

الله يمسيك بالخير يابو ناصر فيه بعير عند شيباني حول ملهم منتج وطيب جدااااا جدااااا

هلا والله اخوي عبيد

ياليت تعطيني الوصف

حدد وضح والا مجاهيم؟

حدد وضح والا مجاهيم؟

شكراً على مرورك والابل مجاهيم

[align=center]

يا هلا بالجميع

أخوي فهد والله انك كفو ورجالً تحب الخير وترحيبك ومهلاك يدل على ذلك لكن بعير الشيباني اللي ذكرت حول منطقة بنبان وصلبوخ والا بعيد

وأنا سمعت ان فيه واحد قحطاني من أهل المذنب عنده فحل على بعير فصام بس ما تأكدت

يابو ناصر البعير اللي ذكرت لك في ملهم ومعروف وهو بعير صالح بن خشمان وبناته طيبات

كذلك فيه بعير في نفس المنطقة شكله زين وجبر لكن ماشفت إنتاجه ومشكلته إن طبعه شين يقولون ياكل البشر وهو محبوس وسط شبك قوي وأزين مافيه ماعنده سرا

والله يكتب اللي فيه الخير[/align]

يامال العافية والسلامة أخوي فهد وما قصرت