شاركنا برأيك ولاتهون,,,موضوع مهم

السلام عليكم ورحمة الله وبركاته

أخواني الاعزاء

لدي تسائلات في الناقه الحائل وكيفية لقاحها....

ايهما اسهل لقاح الناقه الحايل اللي قد استالدت ولا لقاح الناقه الحايل ((الجلب)) اللي مابعد استالدت؟؟؟

وهناك من يقول ان الناقه اذا تعدت سن سديس وهي مابعد استالدت يكون نسبة لقاحها ضعيف جداً .....فما رأيك في صحة هذا الكلام؟؟؟
وكل شي بيده الله سبحانه وتعالى

بما أني تطرقت لهذه القضيه
أود أن اسئلكم سؤال وأسمحوالي لي ان أجاوب على سؤالي بما لدي من معرفه بسيطه وذلك من باب الإستزاده والفائده للجميع..

ماهي الطرق المناسبه للقاح الناقه مستعصية اللقاح؟؟؟
بالطبع هناك عدة طرق ومن أبرزها
عملية التضيير أو عسف الناقه
عملية التضيير:وهي عملية تضيير الناقه على حوار لتدر لبن و القصد من هذه العمليه هو أن يلهجها ((يرضعها)) ضيرها ليل نهار حتى يحول الشحم اللي رادم في ظهرها وبطنها ويستدق حالها وبهذا تكون جاهزه للاضراب...
عسف الناقه: تخطم الناقه وتكون مع السوداني كأنها رحول ويمشيها ويمنعها من الطعام حتى تضعف ويغيب حالها وبذلك تكون مهيئه للاضراب


ولكن ارى بان هذه الطرق التي ذكرت انفاً طرق تعسفيه وفيها ضرر للحلال
وعلى قولة المثل ((كل حلاله عنده غالي))
وخصوصاً اذا كانت الناقه غاليه جدا عند راعيها بيحنها من ذا السوايا

فمن خلال هذا الموضوع أخواني الاعزاء نريد من الجميع وبالأخص ممن لديهم الخبره في هذا المجال أن يساهموا ويشاركونا بطرح مالديهم من معلومات وحلول إيجابيه لهذه المشكله التي يعاني منها معظم ملاك الإبل

هذا مالدي..
ولاتحرمونا ارئكم
أخوكم/ سفر بن حمد

[align=center]وعليكم السلام ورحمه الله وبركاته

السهل يا طويل العمر لقاح الناقه اللي قد استالدت سوى انها فاااااطر و الا عادها سن

اما من الحايل اللي قدهي فاطر ولابعد استالدت فموضوعها وانا اخوك حض نصيب

بعض العرب تلقح عنده من اول ضراب والبعض وما تلقح عنده

وللمعلوميه شرينا سبع فطر قد ذيولها بيييييض ولا بعد استالد منها شي

شريناها من مزاين الظفره ولقحت عندنا قبل ما ينتهي المزاين والبل ذلحين ماسكه لقاحها

اما من الطرق اللي ذكرتها والله انه ما يسويها الا واحد مجرم ولا هوب راعي حلال

هذا من واقع تجربه
اخوك حسين الوايلي[/align]

الاخوان كفو وفو
ولا زياده على كلامهم

مرحبا بك يابوصالح

لاهنت على المرور الطيب

أخوك

حياك الله ياسفر
وصراحة انت اثرت موضوع مهم يعاني منه كل بدوي تقريبا خصوصا عقب الاعلاف
اما بالنسبه لتضيير يعتقد البدو ان فائدته هو انقاص شحم الناقه فقط ولاكن النقطه العلميه اللي تخفى على الكثير
ان عندما يرضع الحاشي الناقه الحايل فانه يقوم بوزن هرمونات الناقه وخصوصا هرمون الحليب اللذي اذا زاد عن حده
فانه يتسبب في حيال الناقه وتقوم ايضا رضاعة الحاشي بتهيئة رحم الناقه وارجاعه لوضعه الطبيعي
وذلك يزيد من فرصة لقاح الحايل

اما بالنسبه للقاح فانا اعتقد ان الناقه اللي قد استالدت وحالت صعب انها تلقح مثل ماقال اخوي ابوراشد
ونشكر اخوي سفر على اثارة هذا الموضوع المهم وانا من اشد المتابعين لهذا الموضوع لاهميته وكثر ما عانينا منه


عسى ان ينفع الله بكم في دينكم ودنياكم وعاقبت امركم انشاء الله
أخـــــوكم
محمـــــــــــد الفــــــــــــــــــاضل

مرحبا بك يامحمد
والله يحييك

ويعطيك العافيه على الفائده العلميه التي اضفتها فالتضيير ولكن بعض الاخوان ذكر بأن التضيير محرم شرعاً لما فيه ضرر للناقه والله اعلم

والله لايهينك ويجزاكــ خير

تقبل جل إحترامي

أخوك

[align=center]وعليكم السلام ورحمه الله وبركاته

السهل يا طويل العمر لقاح الناقه اللي قد استالدت سوى انها فاااااطر و الا عادها سن

اما من الحايل اللي قدهي فاطر ولابعد استالدت فموضوعها وانا اخوك حض نصيب

بعض العرب تلقح عنده من اول ضراب والبعض وما تلقح عنده

وللمعلوميه شرينا سبع فطر قد ذيولها بيييييض ولا بعد استالد منها شي

شريناها من مزاين الظفره ولقحت عندنا قبل ما ينتهي المزاين والبل ذلحين ماسكه لقاحها

اما من الطرق اللي ذكرتها والله انه ما يسويها الا واحد مجرم ولا هوب راعي حلال

هذا من واقع تجربه
اخوك حسين الوايلي[/align]

ارحب ياحسين ارحب

حسين ابي اسئلك عن

الفطر الحيل قدام تلقح متطببين فيها...يعني داسين عليها مثلاً

ياليت إن كانكم مسوين بالحيل شي يفيدنا تذكره لنا ولاتهون..

والله لايهينك على كل حال

وأسعدتنا وشرفتنا بمرورك الكريم

أخوك

عز الله انه موضوع طيب

عز الله انه موضوع طيب

والأطيب مرورك يالغالي

مرحبا ومسهلا بك ياوافي

شرفت

السلام عليكم

بيض الله وجهك أخوي سفر على طرح هذا الموضوع المهم

و بيض الله وجه كل من شارك وفادنا بتجربته

الشتاء ماهب اللي زل اللي قبلة أخذة ناقة من رجال شرواكم و وديته للجامعة

البيطرية ، الناقة كد ولدت لكن بعدها حالت أسنين ، جسها الدكتور وقال أن الحياء ملتحم في بعضه

لكن الحمد لله بتيسير من الله أستطاع فتحه على العلم انه فيه خطوره يمكن تنزف و تموت

و عشرت الناقة و لله الحمد و المنه

فلتحام الحياء و انقلابه من أسباب عدم العشار


ولاهنتوا

رد: شاركنا برأيك ولاتهون,,,موضوع مهم

كل شي يجعل له الله سبب

رد: شاركنا برأيك ولاتهون,,,موضوع مهم

بالنسبه للتجربه .. هيه خير برهان ..

عندي ناقه حايل ولا قد استالدت .. وللاسف ..لين الحين احاول فيها .. وحتى اني مليت من كثر ما اسمع كلام عن بيعها .. وعفتها .. والحين انتظر لها هالموسم والله كريم

عندي ناقه غاليه بعد صار لها ثلاث سنين ما لقحت وهذي الرابعه .. البكار ياللي اخر مره ولدت قعود عندهن صرنا نمرحن وجاهزات .. وهيه لين ساعتك حايل .. ويوم يكشف عليها الشاطر يقول قسمه ونصيب .. والحين اخر امل فيها السنه

وعندي ناقه شريتها السنه .. وصار لها حايل سنتين وهذي الثلاثه .. لقحت بعد ما دخل عليها واحد من السودانيين .. ولله الحمد والمنه .. بس للاسف .. ما كملت شهر ونص ولا مكسره .. والحين منوخها والامل بالله قوي فيهن كلهن

والله يوفق الجميع وشكرا اخوي على هالموضوع الطيب لانه بصراحه شخلت النت شخل ادور على موضوع نفس موضوعك يفيدني ويفيد غيري .. وكل ما اثرت هالموضوع اشوف ما فيه مشاركات الا من رحم ربي ..