سؤال لاهل الخبرة

صبحكم الله بالخير

عندنا ناقة ضربناها العام الماضي ببعير احد جيرانا وفي اليوم التالي ضربها بعير اخر وبعد مدة عشرت الناقة

صراحة البعير الاول كايف اما الثاني سكين القصاب اولى به

سالت احد ملاك الابل وقال انها لقحت على الثاني لانه (نسف) ضراب البعير الاول

وناس اخرين قالوا على الاول
واخرين قالوا مالك الا الصبر وش وداك له

سؤالي لاهل الخبرة والمعرفة تظنون انها عشرت على الاول الكايف ولا على معلاق القصاب(الثاني)

ههههههههههههههههههههههههههه
هههههههههههههههههههههه
هههههههههههههههههه

أسلوب رائع في بث الشكوى اخي مدعث

تسلم عليه

وأسأل الله في الثلث الأخير من الليل

أن يرزقك منها ما تُسر به عينك

السلام عليكم ورحمه الله وبركاته 0000000000ماللك الاتصبر الين اتشوف الحوار واتشبهه علا الاول او الثاني وانتمنا انه يكون علا الاول والله ولي التوفيق

مرحبا يا مدعث

اما ذلحين فلا عاد لك الا الصبر وش وداك له على ما قالو الربع

لكن العشار بيكون للحيوان المنوي الذي استطاع تلقيح البويضه وهذا قد يكون من الاول وقد يكون من الثاني ولا يمكن لاحد ان يجزم او يرجح ان

العشار تم على الاول او الثاني لان هذا شىء تم داخل الرحم لا يعلمه الا الله

واللي بنقول جعل ربي يرزقك منها الانتاج الطيب

السلام عليكم

مرحبا يامدعث والظاهر انك ادعثتنت في الناقه

مالك الا الولاد واذا شفت الحوار بتدري وشي عليه هو على الكايف ولا القصاب

وانشاء الله انها على الكايف

هلا ومرحبا يامدعث

علمها عند الله الله اللي يعطي والله اللي يمنع

لكن انا ياواحد صارت لي مع ناقة ضربتها من بعير كايف مثل الساعه 3 العصر وعقب العشاء ضربها بعير ماهو مثل ماتقول لكن عارفن انتاجه ولا ابيها تلقح عليه


يوم ولدت الناقه الياها على البعير الثاني هذا اللي صار معي ولاهو لازم يصير معك

مالك الا تطلب الله واانا اخوك

شكرا للاخوة الاعزاء

ياخوي انا صارت عندي .....


كان عندي ناقه حمراء واضربتها بعير اوضح العصر ومن البكره الصباح ضربها قعود اصفر ....ويوم ولدت جابت بكره
عفراء مزيونه .....اعتقد على انها تلقح على اول حيوان منوي يلقح البويضه.....

والله يرزقك بلي في بالك....

[align=center]أخي مدعث

أبشرك أنها على الأول بإذن الله تعالى

لأن سمعت من أحد شيبان العونه وهم أهل أبل معروفين

إن اللقاح إذا تعاقب الضراب على الناقه يصير للبعير الأول

والعلم عند الله

لكن أخي مدعث حتى يكون موضوعك مفيد للجميع

عليك أن تخبرنا بعد ولادة الناقة على من طلع حوارها[/align]

ماتقدر تحدد على الاول او الثاني

مالك الا الصبر والله اعلم

ابو فهااااااااااد ابشر بالخير ان شاالله انا اضربت ناقتي سوداء ببعير اسود وبعد يومين اضربها بعير اصفر صفاره فاحط ويوم ولدت جابت قعود غرابي اسود على الاول والله يرزقك لان البويضه جاهزه للتلقيح وحصلت ماء البعير الاول وضمت عليه ولا يعوقها البعير الثاني وتقبل مروري

أبشر يامدعث تبي تجيبلك إحوار إنشاء الله


واللي بالقدر يطلعا الملاس

مثل الاخوان

اهم شي تعلمنا وش النتيجه كبست حاشي ولا زين

اخي الكريم

هذي امور غيبيه لا يعلمها البشر ، ولكن نستدل ونتفائل ببعض المعطيات فان كانت البويضه وقت ضراب الاول جاهزه فهي من الاول وان كانت لا فهي من الثاني
وما ادراك قد تكون على الثاني وياتيك الرزق من حيث لا تحتسب
نسئل الله لنا ولك الخير من حيث لا نحتسب

وتقبلوا تحياتي

الله يعينك بين نارين
أتمنى أن يرزقك الله الطيبة
المشكلة اذا لقحت من الاثنين ههههههههههههههههههه