عطنا رايك ياراعي النظره

السلام عليكم جميعا وهذا قعود ملكي وابي راي اهل النظر الي لهم في الوضح وهذا توه حوار عمره 3 ونص

ابو الحوار : العوني

امه : من ابل بن حثلين




رايكم جميعا يهمني وبيض الله وجيهكم


هذا المقطع الفيدو


http://www.youtube.com/watch?v=iJFG9Q4OpEA

وين اهل النظره اهل المغاتير وضحن غلاهن داخل القلب وعروقه ماهي للبيع لو نعطى ملايين

مبروك انشالله
والتصوير غير جيد
لاهنت

بارك الله فيك يا بن صنيدح وشاكرلك مرورك

انت تبغى رأينا القعود عادي جداً

يامرحبا بحمدان طول الله عمرك هذا رايك وهذا يشرفني بس ماكنك ظلمته الله يطولنا عمرك توه حوار

من استشارك دخل ذمتك

والحق مادام انك سألت بنقوله

وكل واحد له نظر

قعودك قصب

ماينفع تفحله

والله يوفقك

مرحبا ياتركي

القعود عادي وهو توه يمكن ليامنه كبر يتغير

وهذا رأيي ياتركي واعذرني


ولك الاحترام

يامرحبا بك ياتركي

ماكل قعود ابوه مسمي وامه عين عاشور يفحل ... الا في حاله أنك تصبر عليه عشان اصله من الاب وما على ومن الام وما علت ... ولكن بالنهايه حظك نصيبك وانت ابخص في نفسك وحلالك ، يعني ممكن تفحله على اصله وليس على شكله و ممكن يفلح وممكن يطلح .

ولكن الراي من حيث القعود بغض النظر عن اصله فهو مافيه زود عن غيره يعني ما نستنكره في حوش قصاب .

هذا من حيث الراي الذي طلبته من اخوانك ولا يزعلك الراي .... و الراي في النهايه لك ونسئل الله ان يرزقنا وأياكم من فضله .

مثل ما قالوا لك الربع القعود قصب

والراي رايك

جعله وامهاته مبروكات انشالله

بالنسبه للقعود توه صغير ولا بعد بان يبيلك تصبر عليه

ومن خلال نضرتي له اشوف انه بيزين وان شالله تنزل صورته لنا بعد فتره وهو كفو

عادي القعود مخلف العهود كثير فرطو بمفاريد لن شكلها عادي يوم كبرت تغيرت كثير

ودام القعود مثبت ساسه ياتركي ماعليك من كلام الناس وامسكه والله يباركلك فيه انشالله

وملامح الراس اشوفها بطلوع انشالله

بارك الله لك فيما اعطاااااااااك

بيض الله وجهك يابندر مثل ماقلت اهل المفاريد فرطو فيها وانا اعرف قعود كان حوار والناس تذمه والحين كايف والناس تضرب عنده وبيض الله وجهك انا ماسك بالقعود مع احترامي لراي الاخوان الي قالو قصابه وهذا رايهم والله يطول اعمارهم بالنسبه لحوار انشاء الله اذا الله عطانى عمر نشوفه حج وانشاء الله ينال على اعجابكم ومشكورين على المرور كلكم وماقصرتو وانا مازعل من الرياجيل الي يعطونا الحق وبيض الله وجيهكم اخوكم ومحبكم تركي المطيري

ياخوان الاخ تركي جزاه الله وياكم خير طلب رائيكم ومن طلب الراي دخل الذمه ولكن الاحظ بعض الردود ماهي على المامول منكم صحيح انكم قلتو رائيكم ولكن قولة قصاب وحوش قصاب ماهي جيده الافضل منها عــــــــــــــادي او ماشابه
وتقبلو تحياتي

لاتنصدم ياخوي تركي ترى الاخوان منصحين لك وبعض المجاملات تضر ماتنفع خاصة في تفحيل القعدان لانك تصبر سنين عناية وعلف وغيره وغيره .وانا اقول لك لاتتعب على ذا القعود والله ثم والله اني منصح لك وتقبل تحياتي .