عطونا علوم مزاد هيف بن عبود

السلام عليكم ورحمة الله وبركاته


يالربع اللي عنده علوم المزاد وهل هو منقول

وكم عدد الوضح اللي نازله المزاد

وكم فتح الباب




واللي حاضر المزاد او احد اخوياه حاضر ياليت يدق عليه و يعطينا تقرير عن الاسعار

وشكراً

يفيدونك الاخوان ان شاء الله

أخوي مشعل أنا توني جاي منهم مافيه مزاد ولاحراج تجي وتشوف القعود الي يجوزلك وتسومه والقعدان واجد واكثرها وضح وشقح ماشاءالله تبارك الله
الله يبارك لهيف ويبارك لنا ولك ولكل مسلم
وان شاءالله بحاول انزل صور ومقطع فديو

ونا توي جاي بعد والله لاشرينا ولاسمنا و البعارين واجد وطيبه الله يبارك لهيف وعلمه غانم موفر كل مايلزم ولكن التنظيم معدوم

ونا جايه الصباح التنظيم مفقود والدعو ى عشوائية من ناحيه التنظيم بالنسبه للقعدان اغلبها عادىونسبه الزين
متوسطه فى قليل من القعدان الناس واجد والسوم والشرا ماجا شى

الله يعطيك العافيه ولا هنتووووو ياظافر وعايض ونايف


شاكر لكم واللي عنده صور لا يبخل علينا

الله لايهينكم الاسوام تبداء منكم

وشكراً

لقينا قعدان زينها وسط ولا هيب علي السمعه بعضها ركبي وبعضها باكستاني جاز فيها ثنين يقول الوكيل واحد يسام بمليون وست والاخر بثلاثه وخمس والغبار واجد والعرب قليله هاذي علومنا وسلامتك

لا هنت يانواااف على المعلومات

اجل ماطلع المزاد نفس ماتخيلنا قبل

على العموم شاكر لكم


واللي صور ياليت يحطها لنا

لقينا قعدان زينها وسط ولا هيب علي السمعه بعضها ركبي وبعضها باكستاني جاز فيها ثنين يقول الوكيل واحد يسام بمليون وست والاخر بثلاثه وخمس والغبار واجد والعرب قليله هاذي علومنا وسلامتك

الله لايهينك يانواف على المعلومات

الله يعطيكم العافية جميعا

الله يعطيكم العافية جميعا

نواف

جبت الزبده لاهنت

السلام عليكم ورحمة الله وبركاته .... للجميع

انا اخواني حضرت موقع البيع والقعدان اغلبها فيها سر باكستاني وبعضها واضح انه باكستاني وضوح الشمس وطبعاً القعود الي امه
باكستانيه مافيه امل تهده عشان مايدمر الابل وانصح الجميع من هد القعود الي امه باكستانيه لانه يدمر الابل .
والقعدان الي موجوده مايقارب ثمنين قعود بين مجهم واوضح واحمر واشقح والغالب فيها سر الباكستاني والغريب في هذا ان القعدان
هذي امهاته من ابل هيف المنقيه انا اشك في ذلك... وغريبه انتاج تمام بهذهه الكميه من القعدان ماتطلع منها الى اربعه وبعد
وسط ماهي الكايفه .. والاسعار المسئول عنها مره يقول سوم بكذا ومره يقول سيمت بكذا والاسوام الله واعلم منها ؟؟؟

على العموم التنظيم فاشل .. وبعدين الاسعار مبالغ فيها وفيه قعدان عند عرب ارخص منها واطيب من هذا القعدان

ونصيحتي لا احد يستعجل في الشراء واذا كان على تمام وانتم شفتو الانتاج ماهو بالحيل والله اعلم

ودمتم ..؟؟

رئي شخصي

عندما لا يتناسب حجم ونوع المنتج مع الحملة الدعائية تكون العواقب وخيمه
(قاعده تسويقيه)