البل ام وشوم

البل ام وشوم شفت في اكثر من مراح ابل مجاهيم سوادهن يروع كنهن جناح غراب وفيهن مثل الوشوم تقول مقلمات بصهاب وشقار هل هذي البل فيهن تهجين مجاهيم سودانيه او لهن اسم اخر لانها ليست موجوده في السابق ماشفناها الا قبل كم سنه ؟؟؟؟

هذا يا اخ محمد على مااعتقد انها مشكله في الجلديه
وانا توقعت ذالك لان فيه واحد من الربع عنده بكره ويومها مفروده
مافيها شي وجاها عقب ماحققت مثل الوشوم تقريبا مثل نقط الفهد بس لونها على اصهب
وهي مافيها اي عرق تهجين

كل عام وانتم بخير
عندي حقه فيها اللي ذكرت ومحيرني

مرحبا يامحمد ولاعتقد انها مشكلة جلدية والصفة المشتركة السواد الفاحط .ولاهنت اخوي حاتم على المرور .

صدق لم يكن موجود في السابق بس قمنا نشوفه تالي

كل شي تغير


لاهنت يابو عدوه

ولاانت يابو محمد وفي انتظار مشاركة هل البل من يحل اللغز؟؟؟؟؟

مرحبا يامحمد ابوعدوه

هذي طال عمرك بنات باكستاني والشوم اللي فيها شوم بصهاب وبعضها شومها واجد ومعيبها

وتقبل مروري

الاخوان ماقصرو لاكن احب افيدكم اذا كان المطيه قد جاها قرع وهي صغيره مواقع القرع
يختلف لونها عن باقي المطيه وتقعد فيها مدى الحياه في جميع الوان البل
اما السواد الغامق مع وجود شوم صهاب فاحط او بياض هاذي
غالبن تكون باكستانيه او مهجنه

اعتقد يحلقها ســر باكستانيه

أنـا مـع الأخـوه اللـي قالـوا فيهـا أصـل باكستـآنــي ,,,

كـان عندنـا بعيـرً منتـج مجهــم غرابــي وشرينـا باكستانيّـات أوّل ماجـات وجالهـا رغبـه ..

وضربنـاهـا بعيرنـا وجالهـا بكــارً أغلبهـن يميل للزرقـه والبعض مجآهيــم غرابيّات لكـن مشكلتهـن جت في وجيهـهـا

لـون صهـآبيـه في خدودهــا تقـول مطـآرق وأذآنيهــا ماهيب حـداد ..

وبعنـاهـا وعزّلنـا منهـا ....


واللـه أعلـم يـ أخي محمـد ...

العلـم عنـدكـ ...

اشكر الجميع على المشاركة ولاهنتوا ونسمع رائ باقي الاخوان ؟؟؟

عندي بنات باكستاني فيها وشوم