احتاج مساعدة هل الخبرة لا هنتوا عندي بكرة اكاد افقدها

[align=justify]عندي بكرة اكلت قطعة بلاستيك ونشبت في حلقها وخانقتها هذا ثاني يوم

دخلنا يد عليها بتوصية دكتور لكن ما قدرنا فمها صغير

اعطيناها تمر وما نفع

عطيناها زيت زيتون ما نفع

نريد من هل الخبرة الفزعة ولكم منا الدعاء بالتوفيق [/align]

يالغالي انا قد صارت معي قبل العام ودخلت سيم وعطفت راسه ولما وصل لمعدتها وبعدها ادرته بيدي كذا مره الين ثقل وعلق الكيس فيه وبحبته وكنت قبلها معطيها زيت زيتون وبعد ماطلع الكيس قعدت فتره وحلقها اتوقع فيه جروح وصرت اعطيها حليب اغره غر في بطنها واطبخلها شعير واشخله وعطيها الما حقه مدت 10 او 11 يوم وبريت ولله الحمد

السلام عليكم اخوي هادي هل الكيس ينشاف ولا بعيد

يالغالي انا قد صارت معي قبل العام ودخلت سيم وعطفت راسه ولما وصل لمعدتها وبعدها ادرته بيدي كذا مره الين ثقل وعلق الكيس فيه وبحبته وكنت قبلها معطيها زيت زيتون وبعد ماطلع الكيس قعدت فتره وحلقها اتوقع فيه جروح وصرت اعطيها حليب اغره غر في بطنها واطبخلها شعير واشخله وعطيها الما حقه مدت 10 او 11 يوم وبريت ولله الحمد

الله يشفيها


وطبق كلام الاخوان

بيض الله وجيه الجميع

الي فيها ما هو بكيس غير قطعة الزنك البلاستيكية المقواة قضمتها صغيرها والظاهر بقي في بلعومها منها قطعة صغيرة وهي الي مبلشتها

القطعة ما تنشاف بس الوكاد انها بحنجرتها

الله يعينك ويشفيها

صارت عند واحد من جيراني ورحت للبيطري واعطاني زيت بروفين

[طراد العتيبي]

عليك بالبيطري , ماراح يطلعها الا هو

عليك بالسفن اب حجم العائله الكبير

غره فيها والغازات راح تدفع البلى اللي فيها وراح تطرشه

وراح يطلع من فمها إذا الله كاتبلها الشفا

والله يفك عوقك وعوقها

السلام عليكم ورحمة الله وبركاته
اخوي مالك الا 2 اما البيطري وهو الافضل والا جفلو البكرا وهي معقله الين تخرج من فمها ودبرها اجلكم الله
والله يفك عوقها
وتقبل تحياتي

السلام عليكم
اسمع اخوي هات الجركل حق البرادات اللي له فم الازرق وعبه ماء وامسك فم البكره وارفع راسها فوق ثم احقنه دفعه وحده
انا صارت معي

جبلها دكتور بيطري
والله يشفيها

بيض الله وجيه الجميع والبيطري جبناه وقال زيت زيتون تحقن به وسويناه ما نفع قال غيره تمر ولا نفع وقال البيطري ندخل في فمها يد ولا دخلت لكن اليوم صارت تاكل البرسيم والشعير وترضع القليل من أمها بس باقي الخنقة والحشرجة في بلعومها جاركم الله

زيت زيتون مع هيل وعويدي مطحون

بيض الله وجهك يا مرزوق