الأخ / ذيب بن علي مع التحية

قلت لي في أحد المشاركات أنك شايب ، وعسى الله يطول عمرك على طاعته ، ومادام إنك شايب اهل المنتدى ، فهذي والله الساعة المباركة ، نبغي نرتكي عليك يابليهان ، وحنا من جيل الهمبرغر ويغرنا الكثير من علوم البل ، ونبيك تنورنا فيما تعرف وسلامتك :
1- ماالفرق بين الآتي [ الحجر ، العطل ، الصحن]؟
2- ماذا يسمى [مني] الفحل ؟
3- هل يقال للبعير ـ يوزر او إيعبس وما الأصح منها؟
4- والباقي في الطريق الله يعينك على الصبر00000

السلام عليكم ورحمة الله وبركاته ...كان بودي انك بديت بالسلام لكن بابدابه والله خير ما يبتدا به
الاخ فارس القصاب مرحبا بك واسعد الله مسائك نصيتني بالعلم وابشر بالسعد مايتراخى من الحمل الا رخو العضود اعتنز بي ولز الجبل على الجبل يالذيب بخصوص ردي لك اني شايب فهو انعكاس لمشاركتك الاخيره في موضوعي مما يتبادر للقارئ في ردك ان هناك معرفة مسبقه بيني وبينك وانا اتشرف بمعرفتك هذا من ناحية ومن ناحية اخرى بالنسبة لاسئلتك التي تظن انها تعجيزيه فارضاء لغرورك سوف امتعك بالاجابه عنها :
الاول : مالفرق بين (الحجر والعطل والصحن)؟
لا فرق بين هذه الكلمات وكلها رديفه لمعني الصفن يعني الشكل الخارجي للديد بحجمه وشكله وهي كلمات تكاد تكون مندثرة ولا تستخدم في عرفنا فنقول صفن الناقه ولا نقول صحن الناقه

الثاني : ماذا يسمى مني الفحل ؟
نقول ماء البعير او بول البعير كتعبير مجازي بين اهل الباديه او خبث البعير او نضح البعير .

الثالث: هل يقال للبعير يوزر او ايعبس وما الاصح منها ؟
الوزر للناقه والبعير بشكل عام بمعنى البول والعبس هو رائحة الوزر وهو يشكل رائحه زكيه ومعطره عند عشاق الابل .

الرابع: والباقي في الطريق والله يعينك على الصبر !!!!!!!
اخي العزيز فارس انت فهمتني بشكل خاطئ جدا نحن هنا في المنتدا لتناقش ولنتقاسم الخبرة بقالب الاخوه والتقدير ولا يوجد عضو افضل من الاخر لم نات لابراز العضلات او المفاخر ه وارى ان النقاش تعدا محيط الافادة الى ميدان تحدي لذلك هذا الرد سيكون ردي الاخير لك والاخوه الكرام افضل مني واعلم مني وبيفيدونك على اكمل وجه ,,,,,,,,,,,,

والسلام ختام

بيض الله وجهك على هالرد

كفيت ووفيت

وانا اشوف ان اخونا فارس جابها من باب الدعابه والفائده

ووجهك مايشين يا ابو محمد وشاكر مرورك

بيض الله وجهك يا اخ ذيب وارجوا ان الاسئله تكون لزياده المعرفه للجميع وليس لزياده الخصومات واحراج المسؤول ولا به حد يعرف كل شى بالعكس كلنا نحاول زياده معرفتنا والسلام

ووجهك ابيض يا محمد واصبت كبد الحقيقه نحن هنا لنستفيد من بعض ونكسب بعض وهذا الهدف واشكرك على المرور

السلام عليكم أخوي ذيب
أنا أعتقد أنك فهمت غلط أخونا فارس والله أعلم
وهذا مفهوم من سياغ رده ومواضيعه كيف ؟؟

هو فهم ردك في موضوع آخر عليه بقولك مجازن ((ارحب يا فارس مرحبابك انا شايب من الشيبان الله يهديك صغرتني الله لا يصغرك ويرفع شانك ))

أنت يمكنك تقصد ( بالشايب ) أنك على أواخر الثلاثين مشارف الأربعين ، ولست أوائل العشرين ، هذا أنا إلي فهمته من كلامك ، أكد إن كان هذا صح

أما أخونا فارس فقد ضن أنك فعلً شايب في الخمسينات أو أكبر ، ولا أراد أن يختبرك بل أراد أن يستفيد منك ، وهذا نفهمه من غالب مواضيع وأسئلة أخونا فارس فهو يحب دائمًا أن يتعلم ويستفيد من أخوانه في المنتدى علوم البل ومصطلحاتها في التسميه ، ليفيد ويستفيد مع ومن أخوانه

وإحسان الضن أولا وأبدى ، حتى يستبين لك مغزا كلامه ثم تعذر فيه

أخوك عبدالله المطيري

مرحبا ومسهلا يا عبدالله المطيري مشاركتك محط اعتزاز و لو رجعت لنفس موضوعي ( اسئله لقديمين البداوة ) كان هذا رد الاخ فارس (قديم البداوة مع الشيبان ام انا وانت والي مثلنا فقد فاتنا الكثير ما غير نلقط ) ورديت باني شايب لان رده يتبادر للقارئ بانه يعرفني والافضل منه لو انه جابها بصيغة العموم ونقول خانة التعبير ويعود مرة اخرى باسئله هو يعرف معناها وباسلوب لا اقبله ولا يقبله أي عضو (الاخ ذيب مع التحيه ,,حنا من جيل الهمبرقر ,,, ) وكان بامكانه لو قلنا انه يبي يستفيد انه يسال على الخاص اذا بنصني بالسؤال ولا يبي حد يجاوب غيري هذا مربط الفرس وحسن الظن موجوود ولله الحمد ولا نظن الا خير ولا حصل الا كل خير ولا تعطون الموضوع اكبر من حجمه شكرا لمرورك ولك خالص الشكر والتقدير ,,,,,,,,,,,,,,,,,,,,,,,,,,,,,,,,,

بيض الله وجهك يالذيب
ماتمشي عليك الحركات هذي اللي جدير باهلها انهم يعرفون على لحاهم وبفهمون ان في هذا المنتدى الفريد ماهو اكبر من محيط تفكيرهم
مع احترامي ...................... للجميع .

بيض الله وجهك يا ذيب
جواب مقنع وكامل
وان شاء الله الاخ فارس مهوب قصده يتحدى

محمد الحنتوشي
سعود السهلي
مرحبا ومسهلا والله لا يهينكم شاكر تجاوبكم واشكركم على المرووووووووووور العطر

بسم الله الرحمن الرحيم
السلام عليكم ورحمة الله وبركاته وبعد...
يالربع الهرج أخذ منحى وصور ماطرت لي على بال ، والله ثم والله اللي رفع سبع وطمن سبع أني لا اقصد من سؤالي سوى الاستنارة بمالدى الغير وفرحت يوم قال لي الأخ / ذيب أنه [شايب] ، على أساس أنه بيكون مرجع مفيد بحكم كبر السن حسبا ماابده هو ـ ولم أضمر غيب ولاغبية ولا هدف آخر ، لا معه ولا من خلال مشاركاتي السابقة في هذا المنتدى ، والله لوني أعرف الرجال أن انصاه لي محله وأرضيه ، وعلى العموم هذه رسالة اعتذار منك ياوجه المسلمين ، ان قبلتها وسمحت فإن شاء الله انك من هلها ، اما انا فهذا وعد مني بعدم معارضة شيء من مشاركاتك من بعد اليوم شيمتن لك ، واشكر كل من دافع عني وآكد لهم ان ماقالوه عني هو الواقع ولا سواه ،،،،والسلام0

وعليكم السلام ورحمة الله وبركاته

حصل خير يا خوي فارس وحن اخوان ولو انك حولي حبيت خشمك وانس الموضوع ما صار الا كل خير طار الشرر مع الداخن ,,,,,,,,,

اخوك / ذيب

الله يحبك ، ومشكور0

بيض الله وجيهكم

والله يكثر من امثالكم