استشارة من هل الفحول

السلام عليكم ورحمة الله . ياجماعة الخير .. أنا عندي بعير فيه ذيبه وعراقيبه محفره وصحته زينه جدااا .

نبدأ في المشكله .. البعير ياربع ماهو بفي الايام بسوى يوم يهدر ونشيط وفيه حماس للابل ويوم هاجد

ولايبغى الابل ولايهدر وطايح كل اللى في راسه . ويدخل معها في شبكها ويتحيز هناك لحاله . ودي اعرف فيه

له حل لاني (والله اني في حاجته ) . وسلامتكم

السلام عليكم ورحمة الله وبركاته
طال عمرك الفحول في بعضها يهيج مبكر وبعضها تقاطيع ولكن اربطه الين اتعدا 24 /10 ميلادي الى برد الثرا
وباذن الله بيعجبك اي حول 10 اي بعد والله اعلم
وتقبل تحياتي

لاهنت ياجدعان وبيض الله وجهك. وكلامك في محله لاكن تراه العام هايج قبل ذا الوقت

ولكن هياجه بارد مررررره . طبعا ماكان بكذا بس من سنتين صار ذا وضعه .

اقطع منه اطعام علشان يضمر ويقفل اهياجه وسع بالك عليه
وتقبل مروري يا محمد

البعير توه مابعد صمل على الهياج وترا الفتره الحاليه تسمى الذبابيات والذباب يزعج البعير ولكن بعد ايام يبرد الجو ويصمل البعير بالهياج وبالنسبه للعلف خففه ولاتقطعه لان الجوع شين.

الاخ راشد والاخ على الله لايهينكم على النصيحه والله يبارك لنا ولكم ولجميع المسلمين

ويكتب لنا وياكم اللى فيه خير .

[align=center]
الآخ محمد أسعد الله أوقاتك بكل خير

بالنسبه للبعير اللي عندك أسال الله العلي القدير أن يرزقك منه .. ولاتقطع الامل واصل وانتظر عليه

بداية الشتاء وانا عندي امل في الله سبحانه انه بيضرب وبيجي له انتاج عندك .. وانت تستاهل الخير

مع التقدير ,,,,[/align]

البعير توه مابعد صمل على الهياج وترا الفتره الحاليه تسمى الذبابيات والذباب يزعج البعير ولكن بعد ايام يبرد الجو ويصمل البعير بالهياج وبالنسبه للعلف خففه ولاتقطعه لان الجوع شين.




ماقصر علي آل مرعي

ارررررحب يااليامي ومرحبا بك . والله يجزاك خير ويسمع منك

هلابك ياسعود وماقصرت انت والاخون اللى شاركو قبلك .

والله يكتب اللى فيه الخير للجميع

اذا مستعجل على هياجه شفلك فحل يهيجه واذاهاج ابعد الفحل الي ماتبيه ايضرب وهد فحلك وانا مجرب هالأمر العام بالفحل وهاج واذا تصبر على الفحل لين يبرد الجو راح يصمل اهياجه وكل شي له وقت متى ماكثرت اليسره بالبل تشوف الهياج الصامل لاكن هالوقت الهياج مايصمل لن البل ماكلها اتيسر وجه واحد اكثرها اتأخر لين يبرد الجو ويبتل الثرى