أفضل بعير سوداني في قطر والشرقيه

يامرحبا يالرمزاني

انا سمعت ابوه عماني خلص واسمه محنان وامه سودانيه ماخذه الوايت فالرياض معناتها المعلومات ماهي دقيقه ياليت أحد يفيدنا أكثر

الاخ محمد الرمزاني ذاك اللي انت تقصد هو حبيب شمر اللي امه من سلايل شقران وابوه سوداني والبعير منتج وما عليه كلام.

بسم الله
الله يبارك لأهلها

البعير الطيب السفير بعير الشيخ تميم جاي هدوا من السودان وماعليه زحمه والله الرازق

مرحبا يابندر البعير اللي تقصده بعير خالد بن عبدالله ال نشيره ال زبدان المري وهو موجود في عزبته والبعير يعرض على قناة الصحراء في مزاين فحول الهجن والبعير مشري من السودان والبعير اسمه سراج ويقولون انه اخ للبحيري وابو سراج اللي عند اهل الامارات واذا اضربلك البعير فانت ابرك من اضرب والبعير مايعرف شي من انتاجه واول البل اللي عليه تولد في اخر الشتاء والله يرزق وانا من الناس اللي ضربوا به واضربت عمانيه عندي زينة شكل به لان العمانيه افضل تهجين لها السوداني وعندك الباز في قطر بعد من افضل الركاب المنتجه

ماشاء الله تبارك الرحمن

لاهنت علي العرض الطيب

جابر ال حذقين البعير اللي اقصده واضح كلامي عنه والظاهر ان كلامك موجهه ل نواف المري والمعذره.

يا مرحبا يا نواف


الركاب واجد في قطر

اذا بغيت سوداني عندك رياض سوداني عند ولي العهد

وعندك بعير توه جاي اسمه السفير ( ويقولون والعهده على الراوي ) انه مهدى من البشير وهو سابق في السودان

وتوه جاي ومفتوح للشعب

وانا لي شبك هناك والرعيان موجودين حملها وازهلها

ولكن للعلم صار لي 20 يوم ماقدرت اضرب شي من مطاياي والسبب ان الركاب تعيف


واذا كانت سابق وهي عمانيه خلص ،، دور لها عماني خلص علشان السلاله



واذا بغيت ترسلها ارسل رقمك وانا حاضر

بيض الله وجهك ياعبدالمحسن المري

لكن رياض مهجن وهذي لتصحيح معلومتك

والناقه في تماني وأدور سوداني منتج اذا عندك خبر ياليت تفيدني ولاهنت على المرور الكريم

عبدالمحسن

صوغان الخناجر الظاهر عند الخيارين

عبدالله العنزي

شكرا لمرورك الحاتمي


تحياتي

فيه بعير سوداني شكل ومقاطع ماعليه كلام ومن كم يوم وهو في عزبة صاحبه والبعير جاي من السودان ومن مربط طيب والوسم موجود عليه وهو وسم المحاوين

البعير موجود جنوبي الغويبه عند عين البارده

بالتوفيق

وصلت المعلومه ولقيت بعير اقرب من موقعه والله يبارك

بندر حبيب شمر هو البعير اللي عارضه البريدي في الرد رقم 2 والحين عند القمرا

محمد سروري لاهنت على المرور

بيض الله وجهك يامحسن المري ولاهنت على المعلومات القيمه

جابر الحذقين مشكور وبيض الله وجهك والله لايهينك