استفسار عن وسم!!

السلام عليكم ورحمة الله وبركاته


عندي استفسار عن وسم فيه رجال شريت منه ناقه وودي اعرف الوسم منهو له للاطلاع وزود معرفه

الوسم على الفخذ اليسار مطارق بالعرض
على هاذا الشكل =

وشكرا

وعليكم السلام

ان شاءالله يفيدونك الشباب

ولك تحيتي

مشكور على المرور

وعليكم السلام

اعتقد انه وسم النفعه من عتيبه

السلام عليكم ورحمة الله وبركاته
اما قولك يا اخوي خالد الشيباني انه للنفعه فاتوقع ان النفعه يحطون المطارق من يمين الا اذا كان فيه بعضهم يحطون المطاارق من يسار فيجوز لكن اذا فيه من النفعه من يحط المطارق من يسار فهم قله 0
اما الوسم اتوقع والله اعلم انه لحرب بس غاب عني من الحروب اللي يحطون هذا الوسم لكني اذكر انه لحرب
والله الموفق

الوسم للنفعه

يالربع الوسم على الرجل من يسار

مطارق
= <======= نفس كذا جايه بالعرض

والناقه انا شاريها من واحد من اهل الشمال والله العالم انه شمري

فهل هالوسم لعتيبه والى حرب والى شمر ؟؟؟؟

السلام عليكم ورحمة الله وبركاتة
الجملال من حرب تاسم المطرقين= على الفخذ الايمن
والنفعة من عتيبة تاسم المطرقين = على الفخذ الايمن
اما الي على اليسار مدري والله

السلام عليكم ورحمة الله وبركاته
اخوي سالم اتضح ان النفعه كلهم والحروب يحطون المطارق من يمين والوسم اللي عندك من يسار
اذن الوسم مهوب لعتيبه ولا لحرب
والله الموفق

بالخير ياعبدالرحمن هاذا اللي اتضحك انه لاهو لحرب ولا لعتيبه

والسؤال هنا الوسم ذا من هو له ؟؟؟؟؟؟؟؟؟

يفيدونا الاخوان

السلام عليكم ورحمة الله وبركاته
الاخ سالم اتضح لي اخيرا انه لفخذ من النفعه يقال لهم المحايا
اذن الوسم اللي على ناقتك للمحايا النفعه
والله الموفق

بيض الله وجهك ياعبدالرحمن بس هل هم ياسمون من اليسار !!!

اخوي سالم الوسم لفخذ من الجبلان مطير

الوسم لحرب يخوي

السلام عليكم ورحمة الله وبركاته
اخوي سالم نعم المحايا من النفعه يحطون المطارق من يسار والوسم اللي على ناقتك للمحايا النفعه
والله الموفق