لا هنتوا . . أبي الشور الزين والعلم الغانم !!

[align=center]الســـلام عليكم ورحمة الله وبركاته

أسعد الله جميع أوقاتكم بكل خير جميعـاً

يالغالين . . أنا عندي قعودي لقي هالشتاء اللي احنا فيه ان شاء الله

وأنا لا أخفيكم ان ودي أعوده وأدربه على الضراب
وأنا طرحت هذا الموضوع آخذ رأيكم ويهمني والله

هل أخلي القعود على فطره وعلى طبيعته لين يهدّ حاله ؟؟
أو هل الأفضل إني أعوّده على الضراب وأسوق له ضرايب يتعلم عليها ؟؟

وإذا كان الجـواب بإني أعــوده على الضراب . . كيف الطريقه الأفضل
وأحسنهــا وأفضلهـا والمــده . . وبمعدل كم ناقه في الموسم كبدايه ؟؟؟


ولكم خالص الشكر والتحيـــه . . . لا خلا ولا عـدم [/align]

وعليكم السلام ورحمه الله وبركاته

مرحبا ياسعد والله يبارك لك في القعود واماته

اما بالنسبه للقعود اللقي ماقد هدوه البدو حتى وان ظرب هو بنفسه مايلقح

لكن اذا ودك تعلمه شف له ناقه هديه قد استالدت من قبل وحطها بحوش بشرط انها ميسر

وحاول انك تعقلها له وتخليه يتعلم عليها وتحاول اكن تمسحه مره ولا مرتين حتى يتعلم على الانسحال على الناقه بنفسه

في اعتقادي انه ما يبي تعليم

سبحان الله بهايم وفهايم


تلقاه حوار تحت امه واذا شبع تلقاه فوقها

بس نصيحه لا تهده وهو لقي خله يجذع واذا كان ثني فأحسن واحسن

الا اذا كنت مستعجل ،،،

الله يعينك ويربحك ويرزقك

[align=center]

وتحاول انك تمسحه مره ولا مرتين حتى يتعلم على الانسحال على الناقه بنفسه

الله لا يهينك ويبيض وجهك
على مرورك وتعليقك

لا خـلا ولا عـدم ياأخوي يا زاهر

بس لاهنت وضح لي معنى كلامك اللي انا مقتبسه من نصك الأصلي لا هنت[/align]

هــلا بك أخوي عبدالعزيز ويا مرحبا بك مليووون

ونصيحه طيبه من رجـال كفوووو
ولا هنت وبيض الله وجهك يالغالي

تحياتي وشكري وتقديري لك

ولا قصور براي الأخوان

لاكن وش الفايده من هدتة ومن تدريبة

القعود يجي جذع وفكه وان دل الطريق خلص

ان فكيتة هالحين يبي يلعب الأبل ويبي يضمر ويشين حالة

ولا في فايده من تدريبة هي مره ولا مرتين يضرب فيها وخلاص يتعلم

ولا يستحمل التعليم التكليف هذا الموضوع بسيط

لاتعلمه لين يقدي جذع ونعلمته بيزعجك خله لين اجذع

[align=center]

ولا قصور براي الأخوان

لاكن وش الفايده من هدتة ومن تدريبة

القعود يجي جذع وفكه وان دل الطريق خلص

ان فكيتة هالحين يبي يلعب الأبل ويبي يضمر ويشين حالة

ولا في فايده من تدريبة هي مره ولا مرتين يضرب فيها وخلاص يتعلم

ولا يستحمل التعليم التكليف هذا الموضوع بسيط

هلا بك أخوي محمد

ماقصرت وبيض الله وجهك
وشورك وهدايه الله

بس طيب وش الحل فيه هالشتاء ؟؟
هل أخليه بقياده طووول الشتاء ؟؟

وإلا يجلس مهدود مع اماته بلا قياد ؟؟

تحياتي وشكري وتقديري لك ولمرورك الكريم[/align]

[align=center]

لاتعلمه لين يقدي جذع ونعلمته بيزعجك خله لين اجذع

شورك وهدايه الله ياالغالي

واسمح لي أوجه لك الاسئله اللي قبل شوي لأخوي محمد
أرجو الاجابه والافاده

ولك خالص شكري وتقديري يالغالي[/align]

ان خليته برباط افضل من إنك تفكه مع الأبل

لان الفحول الكبار تشوف القعود فحل وتبي اتطرده ولا اتعضه واتعيبة

واحتمال انه يطرد الأبل بعد خله برباطه افضل لك وله انت على شان يتعلم على الرباط ويطيح راسه

وله على شان يشيل حال ويزين للسنه الجايه

مع ابن شريه.

[align=center]

ان خليته برباط افضل من إنك تفكه مع الأبل

لان الفحول الكبار تشوف القعود فحل وتبي اتطرده ولا اتعضه واتعيبة

واحتمال انه يطرد الأبل بعد خله برباطه افضل لك وله انت على شان يتعلم على الرباط ويطيح راسه

وله على شان يشيل حال ويزين للسنه الجايه

كل الشكر والتقدير لك أخوي محمد
وشورك طيب وأنت رجال ما يجي منك الا الطيب

كل الشكر والتقدير لك
لا خلا ولا عـدم[/align]

[align=center]

مع ابن شريه.

يا أخوي . .
أبيض وجه أنت وابن شريه[/align]