اللقيه . . هل نهدّ الفحل عليها . . وإلا نخليها لين تجذع ؟؟

[align=center]السلام عليكم ورحمه الله وبركاته

أسعد الله جميع أوقاتكم بكل خير
أحبتي أعضاء منتدانا الكرام

عندي سؤال واستفسار على عكس موضوعي الأول

عندي بكرتين لقايا هالشتاء . . وأبي أوديهن للفحل

وبصراحه مالي الا الله ثم انتوا استفيد منكم
فأنتم أهل الخبره وأهل العلوم الغانمه ومنكم نستفيد

السؤال هنا :
هل أسوقهن للفحل . . ؟؟
ولو سقتهن للفحل عليهن ضرر أو مشكله من ناحيه إن سنها صغير ويمكن تتضرر ؟؟

ولكم خالص شكري وتقديري[/align]

هلا بك ..

أنا من رايي تصبر عليهن .. خل البكار يتمسمسن وتاخذ جرمها كامل ..

وعموما .. تراها عند الولاد تبي تتعبك .. ومشاكلها واجد .

واذا أنت عجل .. وجرومهن كبيره .. توكل على الله ،،، والله يوفق الجميع .

وعليكم السلام

اذا كانت القيه طول امهاتها ضربها ولا عليك

لا والله خلها لين تجذع

وانا حصلت معي مع بكره لقية طرحها البعير وضربها ولقحت

ويوم جه ولادها تعسرت فيه لان رحمها صغير وماتت هي وياه

الي خلها لين تجذع اضمن لك ولها

اللقيه الراهيه اضربها ولكن بشرط انك ماتعسرها اي توديها لبعير غشيم ويضربها غصب وهي مهي ميسر وهذا يعسرها ولاعاد تلقح اما ان كان جرمها صغير خلّها تكبر وسلامتك.

[align=center]بسم الله الرحمن الرحيم
بخصوصا ضراب اللقية مافيها شي وانشاء الله تلد متعافيه اكثر الناس الي تقتني الابل يسقون اللقيه علي الفحل
بس الحقه يخافوان يظرها ِالفحل [/align]

اخوي خلها لين تجذع
تقبل مروري

اخوي خلها لين تجذع
تقبل مروري

انا معا اخوي عبيد

السلام عليكم ورحمة الله وبركاته
اخوي كلام الاخون ونصايحم صحيحه وكلامهم عدل والعرب من اول يضربون اللقايه ولاكن فالوقت
الحالي الاوضاع تغيرت حيث يتعبون على الشكل والجرم اكثر من زيادة الحلال وانا انصحك ان تصبر
الى ان تجذع وهذا الافضل وتقبل تحياتي

افضل شي تضربها جذعة وتولد ثنية


واللقية الشتوية اذا عمرها زين يضربونها اخر الموسم

ويكون عمرها تقريبا 3 ونصف

والله يبارك لك بحلالك

انا من رائي تخليها لين تجذع لان اذا اضربتها وهي لقيه تكسر ولاتطول تبقا على طولها
وتعسر بالولاد

اخوي سعد مع التحية انت والأخوان
قبل العام عندنا ثنتين لقوات و الجرم اقل من وسط
ولقحن وولدن من احسن مايكون
يعني الابل تختلف في سن الضراب والولادة
وان كان تبي راي فالافضل تضرب جذعه
والراي لكم ... وتقبلوا مروري ...

بيض الله وجيهكم
وكل الشكر والتقدير لأي واحد شارك بالرد والنصيحه

لا هنتوا وبيض الله وجيهكم
لا خـلا ولا عـــدم