تعالو يا شريطيه (موضوع السعي) واتمنى مشاركة الجميع

السلام عليكم ورحمة الله وبركاته

في بعض الاخوان يعرض اباعر لزملاهم من خارج المنتدى او لجيرانهم

البعض خدمه مجانيه والبعض يشترط السعي

لكن اللي ما يشرط وبعد البيع يضع السعي اللي هو يراه هل هو على حق؟

اخواني الاعزاء السؤال هذا بعد موقف انا شهدت عليه شخصيا

لانه تم الاختلاف على قيمة السعي

فهل لي ان اعرف منكم يا اهل السوق كم اسعار السعي؟

على 5000 =؟؟

وعلى 10000 =؟؟

وعلى 20000 =؟؟

وعلى 50000 =؟؟

وعلى 100000 =؟؟

وإذا الشخص يبغى يعرض لشخص اخر مقابل السعي

ليه يضع رقم تليفون صاحب السلعه؟

ليه ما يضع رقم تليفونه هو علشان يعرف السعر كم وصل ويتمم البيعه على شرطه هو؟

اسئله اتمنى القى إجابتها الشافيه عندكم

وعلى كل شخص ان يحكم ضميره قبل الإجابه

والله ولي التوفيق

اخوي وش هو السعي؟؟؟؟
يمكن قصدك السعر؟؟؟؟

السلام عليكم

مرحبا ومسهلا

والله يا أخى الشعى له شروط بس كان الشخص الى يبا يسعا لك فى ناقتك وانت عندك خبر ان ناقتك تجيب

الميه وهو يبا يبيعه لك ميتين وانت تعلم انه مزور فيها هذا حرام ويشررط عليك ان سألوك ناقتك كم بعتها تقول

ميتين وانت مخذ ميه مايجوز

اخوي وش هو السعي؟؟؟؟
يمكن قصدك السعر؟؟؟؟

يا مرحبا يا عبيد

السعي هو نسبه ياخذها الشريطي اللي عارض الناقه او البعير وتكون هالنسبه على حسب قمية

السلعه يعني إذا عرضلك الشريطي وباعلك بعشره ياخذ سعر معين وإذا باعلك بميه ياخذ اكثر طبعا

وهي عباره عن اتعابه ويسمونها عن بعض الناس الدلاله

السلام عليكم

مرحبا ومسهلا

والله يا أخى الشعى له شروط بس كان الشخص الى يبا يسعا لك فى ناقتك وانت عندك خبر ان ناقتك تجيب

الميه وهو يبا يبيعه لك ميتين وانت تعلم انه مزور فيها هذا حرام ويشررط عليك ان سألوك ناقتك كم بعتها تقول

ميتين وانت مخذ ميه مايجوز

يا مرحبا يا مساعد

والله اني معك انه حرام بس انا سألت عن الاتعاب على هالاسعار بحكم خبرة الناس اللي باعو واشترو

بس إذا جيت تعرض سلعه ماتعرف راعيها كيف تثق فيه وتنشر رقم تليفونه وانت ما تعرفه

يمكن يبيعها بقيمه ويقولك ما جابتلي شي او يستلم فلوسه كامله ويقولك الرياجيل ما دفعولي اللا العربون

وانا بأنتضر عليهم شهر او شهرين ويضيع حقك

انا رأيي في هذا الموضوع إنه أهم شي إن الساعي أولا يشترط على البائع نسبة معينة يتفقان عليها قبل العرض كأن يكون خمسة بالمائة أو عشرة بالمائة أو أقل أو أكثر بحسب الإتفاق بينكما.
هذي مسألة والمسألة الثانية واللي أهم أن تتحرى الصدق في كلامك ولا تتدخل شي في ذمتك ترى الدنيا تبي والآخرة تبي وانا أخوك والمال فتنة وقد تضعف نفوس بعض الناس في مثل هذه الأشياء لكن تذكر دائما قول الله تعالى(ومن يتق الله يجعل له مخرجا ويرزقه من حيث لا يحتسب) وانا ياخوي فيصل ماقد بحياتي شفت إنسان إغتنى من الكذب والغش وكيف يهنأ والناس خلفه تدعي عليه الله يعافينا وإياكم,,,,,,,,,,
معليش أنا كثرة فيها الكلام وقصدي فيها نصيحة عامة لكل من يقرأ هذا الموضوع

انا رأيي في هذا الموضوع إنه أهم شي إن الساعي أولا يشترط على البائع نسبة معينة يتفقان عليها قبل العرض كأن يكون خمسة بالمائة أو عشرة بالمائة أو أقل أو أكثر بحسب الإتفاق بينكما.
هذي مسألة والمسألة الثانية واللي أهم أن تتحرى الصدق في كلامك ولا تتدخل شي في ذمتك ترى الدنيا تبي والآخرة تبي وانا أخوك والمال فتنة وقد تضعف نفوس بعض الناس في مثل هذه الأشياء لكن تذكر دائما قول الله تعالى(ومن يتق الله يجعل له مخرجا ويرزقه من حيث لا يحتسب) وانا ياخوي فيصل ماقد بحياتي شفت إنسان إغتنى من الكذب والغش وكيف يهنأ والناس خلفه تدعي عليه الله يعافينا وإياكم,,,,,,,,,,
معليش أنا كثرة فيها الكلام وقصدي فيها نصيحة عامة لكل من يقرأ هذا الموضوع

يا مرحبا ياخوي ياناصر

الله يبيض وجهك على الرد وعلى النصيحه اللي وجهتها للقراء وما قصرت

لكن انا لاحظت انك ذكرت وعلى سبيل المثال ان النسبه تكون 5% او 10%

وبصراحه هناك ما يدعو للغرابه

هل يوجد سعي يصل إلى خمسه او عشره بالميه؟

يعني إذا قلنا سعر الناقه 20000 عشرين الف ريال يصبح السعي إذا كانت النسبه عشره بالميه 10%

2000 الفين ريال للشريطي يعني يطلعلي من ناقتي 18000 ثمانية عشر الف فقط ؟؟؟؟؟؟؟؟؟؟

هل من المعقول يكون هالشي؟

عندنا بالكويت مستحيل يكون هالشي والسعي مبلغ رمزي جدا

انا بعتلي قعود بألف دينار 1000 د ك ودفعت السعي للشريطي 20 دينار

يعني النسبه 2% وهذا شرع السوق عامه والمتعارف عليه

فكيف يكون السعي عندكم بهالشكل؟ 5% و 10%؟؟؟؟؟؟؟؟؟؟؟؟؟؟؟؟؟

هذا بصراحه شيء غريب جدا

والله انا شايف اللي في السوق ويحرج ويتعب و يتعنى بالشريطيه للسلعه ياخذ سعي
بشرط مايتعدى سعيه 2 % وكل ماحرص على رفع السلعه طبعا بالحلال يزيد سعيه
اما اذا ذكر عضو له سلعه لشخص اخر عن طريق المنتدى واعطا الزوار رقم جوال صاحب السلعه
وتمت البيعه لاحد الزوار ياتي يطالب بسعي وكل اللي سواه انه نشر خبر السلعه في منتدى لاتعب ولاخسر
فانا شايف ان ماله حق في السعي .
واذا تقولون ان له حق !!!!
اذا اي واحد يقول له خبر في اي مجلس فلان عنده السلعه الفلانيه ويطلع لها زبون من اهل المجلس راح يروح يطالب بسعي
وكلن ونظرته ويمكن اكون مخطي في نظرتي
وشكــــــــــــــــــــــــــــــــــــــــــــــر ا

انا اقول ياخوي فيصل نسبة السعي تزود أو تنقص بحسب الإتفاق أولا بين البائع والساعي فإذا اتفقا على نسبة معينة ثم تم بيع السلعة عن طريق الساعي فالسعي حق خالص له بحسب الإتفاق,,
أما إذا لم يكن بينهما اتفاق سابق ثم بيعت السلعة ففي هذه الحالة يعطيه السعي المتعارف عليه بين الناس اثنين ونصف بالمائة,,,,,,,
والله أعلم

مع الاخ محمد الفاضل

مع الاخ محمد الفاضل

مرحبا يافيصل ومرحبا بجميع الاخوان

اما من صوب السعي فالسعي له انواع

منها سعي الحراج ( الدلال ) فهذا شي رمزي ومتدارج بين الاسواق مثل 2% او 3 %

اما سعي التصريف فله عدة انواع ايضا

منها يا اقول لك الناقه بشتريها منك بملغ 50.000 واللي فوقه لي ... الخ له مشاريع اخرى

ومنها من يقول ناقتك وصل سومها كذا انا بجيب لها الزباين بشرط ان اللي فوق هذا المبلغ بالنص بيني وبينك .. الخ

اما تدري السلعه الغاليه القصد التي ليست في حراج مكرفون فهذي معروف عنها او متدارجه بين الناس من 10 % الى 20% على حسب تصريف السلعه اذا باعها بغلا او اقل من ذلك .. وهكذا



وكلهااااااااااااااااااااا ترررررررررررجع علىىىىىىىى حسسسسسسسسسب الشررررررررررررررط

الاتفاق قبل البيع يريح الطرفين

سعي التصريف غير سعي الحراج,,, سعي الحراج معروف وكل اللي يشوفون السلعة خمسين او مائة رجال والبيع مايأخذ أكثر من نصف ساعة.
أما السعي اللي عن طريق العرض في النت يطلع على السلعة آلآف الرجال وهذا فرق وفيها اتصال بالجوال وأخذ وقت والرجال قدام النت يتابع السلعة وأسوامها ويمكن يتعنا ويودي الرجاجيل للسلعة وفي الغالب تكون بعيدة في البر وأحيانا خارج المدينة وهذا لاشك فيه تعب.....
عموما كما قال أخي سالم الإتفاق قبل البيع يريح الطرفين ولا يحسد الساعي
وانت يالبائع زين نيتك وتزين لك كما قيل رب ارزقني وارزق مني

مرحبا يافيصل ومرحبا بجميع الاخوان

اما من صوب السعي فالسعي له انواع

منها سعي الحراج ( الدلال ) فهذا شي رمزي ومتدارج بين الاسواق مثل 2% او 3 %

اما سعي التصريف فله عدة انواع ايضا

منها يا اقول لك الناقه بشتريها منك بملغ 50.000 واللي فوقه لي ... الخ له مشاريع اخرى

ومنها من يقول ناقتك وصل سومها كذا انا بجيب لها الزباين بشرط ان اللي فوق هذا المبلغ بالنص بيني وبينك .. الخ

اما تدري السلعه الغاليه القصد التي ليست في حراج مكرفون فهذي معروف عنها او متدارجه بين الناس من 10 % الى 20% على حسب تصريف السلعه اذا باعها بغلا او اقل من ذلك .. وهكذا



وكلهااااااااااااااااااااا ترررررررررررجع علىىىىىىىى حسسسسسسسسسب الشررررررررررررررط

يا مرحبا بكل من شاركنا برايه وبوجهة نظره

ولا هنتو اجمعين

واخص بالشكر لاخوي ناصر الموسى اللي اعطى الموضوع اهتمام واضح

لكن عندي سؤال لك يا اخي العزيز فهد بن صلبوخ

هل انت متأكد من هالنسبه اللي ذكرتها؟ 10% او 20%؟

هل تعلم المقصود بهذي النسبه جيدا؟

هل تعلم ان معنى كلامك انك إذا جلبت ناقتك للسوق وجابتلك 100000مية الف وبعت

انك تاخذ 80000ثمانين الف ريال وللشريطي 20000عشرين الف ريال؟

فهل انت متأكد من هذه النسبه؟

إذاً وين ربحك إذا انت شاري الناقه 90000 بتسعين الف ريال وبعتها100000 بميه الف ريال؟

بكل تأكيد راح تكون خسران 10000 عشر الاف ريال؟

فهل انت متأكد اخي العزيز؟

يا مرحبا بكل من شاركنا برايه وبوجهة نظره

ولا هنتو اجمعين

واخص بالشكر لاخوي ناصر الموسى اللي اعطى الموضوع اهتمام واضح

لكن عندي سؤال لك يا اخي العزيز فهد بن صلبوخ

هل انت متأكد من هالنسبه اللي ذكرتها؟ 10% او 20%؟

هل تعلم المقصود بهذي النسبه جيدا؟

هل تعلم ان معنى كلامك انك إذا جلبت ناقتك للسوق وجابتلك 100000مية الف وبعت

انك تاخذ 80000ثمانين الف ريال وللشريطي 20000عشرين الف ريال؟

فهل انت متأكد من هذه النسبه؟

إذاً وين ربحك إذا انت شاري الناقه 90000 بتسعين الف ريال وبعتها100000 بميه الف ريال؟

بكل تأكيد راح تكون خسران 10000 عشر الاف ريال؟

فهل انت متأكد اخي العزيز؟

مرحبابك اخي فيصل

وانا متاكد من الكلام اللي قلته وانا ممارس سوق الابل والى الان وانا فيه وهذا شي روتيني عندنا

وانت الظاهر انك مافهمت كلامي يوم اقول على التصريف ..!

وانا يوم اقول 10 او 20 % ماهوب من صوب مشتراها بــ 90 والبيع بـ 100 اكيد هذا خسران ##

انا كلامي واضح فالربح مثلاً شريتها بــ 90 وهو صرفها لي اقل مايمكن بــ 200 الف

الرجال اذا هو 10% ياخذ 20 الف وانا اطلع بــ 180 الف يعني فايدتي دبل هذا اللي انا اكلمك عنه

اما عن كلامك هذي خساره والخساره ما للشريطي فيها سهم لانه يا يربح منك او مايخسرك

وبعدين هو ماياخذها ويبيعها لك بخساره اكيد انك معلمه بمشتراها وهو يصرفها في ذيك اللحظه ,..!

والبيع طبعا يكون عندك انت كسبتك بعها ما كسبت تقعد لين تجيب فايدتها ..!