%%%مظلومه%%%

السلام عليكم ورحمة الله
يالربع عندي بكره مجهم سنها حقه البل عندي ماتخليها تاكل ويعضنها في اي وقت
شي غير طبيعي حتى اذا قردت وحككت لها يجنها يعضنها يمكن يغارن منها هههه مع اني معطي كل وحده من البل حقها
ما ادري وش بلاهن معها لا يخلنها تاكل ولا شي ويطردنها مظلومه هالبكره حتى حالها متغير وهزلة من ذا الحال
وش الدبره ياجماعة الخير
>>موضوع محير<<

هههههههههههه

الغيره وما تفعل

هههههههههه

يمكن يكون فيها الظواى

يخلي الابل تجفل من الثانيه

هو في الاساس مرض معدي بين الابل

وارجو اني افدتك في شي

هلا بك ..

هل البكره جديده على البل .. يعني توك شاريها ..؟؟ والا من نما بعيرك ..؟؟

اذا هي جديده عليهن شي طبيعي .. فتره ويوالفن بعض .. بس خلها معهن في المسراح .. والله الموفق

أنا مع أخوي عبد اللطيف اذا كانت جديده خلها لين توالف البل واذا هي انتاج عندك والحال ابطى كذا
اعزلها وعلفها الحالها اذا البل ماتخليها اتعشى ويفيدونك الاخوان أهل الخبره

اخوي هذا حال البل وانا متاكد انها جديده عليهن من كلامك بس خلا تسرح معاهن وعطها علف لحاله غير الوجبه
الرئيسيه عشان تشبع
وتقبل تحياتي

حياكم الله جميعا وبارك الله فيكم على الردود
لكن البكره لها سنه على ذا الحال وفيه اربع من البل جت بعدها للمراح ومتسلطات عليها بعد والله غريبه نبي لها حل
البكره يرحم حالها
حاولت مع البل اضرب الي تسوي لها شي لكن مثل امس هالحزه مفيه فايده وش الحل؟؟؟؟؟؟؟

هلا بك من جديد ..

اذا الحال هذي .. مالك الا تخليها تسرح مع البل .. واذا جى وقت المعشى اعزلها لحالها وعلفها .. ثم ارجع فكها معهن .. والله يوفق الجميع .

اخوي يمكن تكون بكرتك لونها مختلف عن البل
اوتكون اصغر البل ولالها سناين معها تكون مستهدفه ودايم تصير
حتا لوكانت غير الحالتين من رايي تغيبها عن البل فتره
الين تنساها وتردها

حياكم الله جميعا

؟؟؟؟؟؟؟؟؟

بيع البكره

حياكم الله جميعا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

????????????????????

دعواها بسيطة

لاجاء وقت العلف اعزل بكرتك لحالها وعلفها

وليا خلصت من علفها طلعها مع الابل

وسلامتك

،
مثِل ماقَالوا الإخوان
أعزلها بعلفها لحالها ولاشبعت طلعها مع البل

وكذا تريحها وترتاح
.