عطني سؤال اعطيك جواب..

عالي الله يطول عمرك والله ان كلماتك كلها اول مره اسمع بها الظاهر ان المسميات عندكم ياهل الجبل غيره بنسبة تسعين في الميه عن المسميات عندنا ,,,,,,,

لاهنت يا ابو مطلق على الاجابه وسؤال عندك

عالي الله يطول عمرك والله ان كلماتك كلها اول مره اسمع بها الظاهر ان المسميات عندكم ياهل الجبل غيره بنسبة تسعين في الميه عن المسميات عندنا ,,,,,,,

ويطويل لي عمرك ياقهيدان
اول مره تسمع بالكلمات ذي مع انها فصيحة
أعطيك امثلة الجمل لاطلعت أنيابه كلها حنا نقول عليه ثلب وهي فصيحة
والجمل لا بدى الناب في محله نقول عليه بازغ والجمل لاشق نابه نقول عليه بازل وهي فصيحة
والناقة اللي مايفارقها الجمل نقول عليها مرب وهي فصيحة
والناقة الى اجهضت نقول عليها طفت وهي فصيحة
والناقة لا القحت في عامين نقول عليها كاشف وهي فصيحة
وضرة الحليب فصيحة وكذلك شق القعود وشق الحالب نقول عليه فلق القعود وفلق الحالب قال تعالى (( فأوحينا إلى موسى ان اضرب بعصاك البحر فانفلق فكان كل فرق كالطود العظيم ))
ومرض الصيد بتشديد الصاد وكسرها وفتح الياء هو عرق بين العينين والمطية المريضة بذا المرض ترفع راسها وتزبد ولا تقدر على لي جرانها وله كية معروفة وهذا المرض بهذي اللفظة فصيحة ولو تقول لواحد من رعيان
البل اللي بالجنوب عن الصيد المعروف في نجد والخليج ما يعرفه ويقول انك غلطان
من ناحية الالوان عندنا الكحلا اللي هي على لون الكحل والظميا اللي أفتح منها بدرجة وهي فصيحة وكذلك الغثرا اللي يقارب لونها لون الغبرة وهي فصيحة
وكذلك الدحنة وهي عريضة الجنب وهي فصيحة والردحة وهي تامة الخلق وعظيمها وكذلك العدفة أم الأكل القليل والزاهية اللي تاكل الحل أكثر من الحمض وهي فصيحة
فالكلمات لا مشاحة عليها انها من الفصيح لكن تختلف من إقليم عن إقليم وبعض الكلمات تتوافق سواء في الجبال وفي نجد
مشكور ياخوي قهيدان الدوسري تحياتي وأشواقي لك

أسئلتي ذي لقهيدان الصخابرة

ويش هو الصريف
ويش هي الثملة
ويش هو المهل
ويش هي المقطورة
ويش هي المسربلة
ويش هي المكبلة
ويش هي الدوارس
ويش هي الحصاء
ويش هو المحض
ويش هو العلوق
ويش هو العلق
ويش هو المراس
ويش هو الحلس
ويش هو الدبر
كم للجمل من ناب
كم عدد ولدات الناقة في عمرها كله
الجمل إللي مايهدر ويش يقال عليه

وترى بالجعبة ذخاير لكن مابي أطول عليك

عشان تعرف ثقافة محبك واعرف ثقافتك جعلك ومن خلفوك بالجنة

كم عدد ولدات الناقة في عمرها كله

ولدات الناقة تختلف من ناقة

لكن انا يا مكلمك شفتلي ناقة حمرا عمرها 40 سنه ورابطين اجفونها بخيط علشان تشوف(ابن عباد على غفله)

وجابت 13 بكره وقعود وهي ولاد عند راعيها وكانت مجسر

اما الجمل اللي ما يهدر يسمى اطرم او ابلم

وهذا حسب خبرتي اما الاسئله اللي فوق صفر من شمال

تقبل مروري

السلام عليكم ورحمة الله وبركاته

اخي الغالي عالي مرحبا بك ومسهلا

اخي الغالي انت ومن كان يعرق فيك مافيكم قصور ومعرفتك وبخصك بالابل مانيب الي اقيمه بس انا اعد الي اشوفه ويوافقني اكثر الاعضاء ولست اول واحد يسئل عن الكلمات الي تذكرها ياعالي واما قولتك اللغه العربيه الفصحه فحنا ياربعك ماعندنا ممارسه للغه العربيه الفصحه لان اكثر سكان المملكه تغلبهم العاميه حتى عندكم في الطائف والباحه والنماص وعسير والمناطق الاخري الا ماقل من اهل العلم والدكاتره وانتوا مشهورين في مجال العلم كامثال الشيخ عائض حفظه الله وغيره

عشان كذا اقول حنا نتعامل بالعاميه والبدو وش عرفهم بالفصحى الله يجزاك خير والدعوى في الابل وماتعلق بالابل ولاظن ان الشباب بيتجاوبون باللغه الفصحى و انا اخوك واما الكلمات الي انزلتها ماعرفها احتريك تعلمني بها طال عمرك لاني عليمي ههههههههه

الصريف هو الضريس

والثملة خرقة القطران لتطلى بها البل

والعلوق رعي البل من رووس الشجر

والعلق بكسر العين : مثل الدغلوب وأصغر يكون في الوادي ولا اتوت البل منه تتعلق في فمها ويقال عليها _ ابها اعلق بفتح العين

والمهل أو إستخراج القطران

والبل المقطورة اللي في صف ومربوطة بحبل القطر ___ مهيب موجودة الحين ___

والمسربلة كان قصدي فيها المستسربة وهي البل تمشي في صف واحد

والمكبلة عقل اليدين نسميه تكبيل لان الناقة ماتعتب

الدوارس البل إللي بدا الطلا منها يروح

المراس وجع بالكبد

المحض الحليب لا راحت رغوته

الحلس من لوازم الشداد ويكون تحته

الدبر جرح في ظهر المطية بسبب الحمل وعلاجه الملح والهواء والإعفاء من الحمل


الحصاء الجراداء

والجمل له أربع أنياب

والناقة الغالب تلد بعمرها كله 12 بطن ونادر ماتزيد عنه

الجمل اللي مايهدر يقال عليه أعجم

ومشكور ياقهيدان وماعليك زود وشيبان نجد ورعيانها هم أفصح عربان الجزيرة وكل العرب وهذا مني ومن غيري

ومشكور ياعبدالعزيز العصيمي على التفاعل وبيض الله وجهك ولا هنت

السلام عليكم ورحمة الله وبركاته

اخي الغالي عالي مرحبا بك ومسهلا

اخي الغالي انت ومن كان يعرق فيك مافيكم قصور ومعرفتك وبخصك بالابل مانيب الي اقيمه بس انا اعد الي اشوفه ويوافقني اكثر الاعضاء ولست اول واحد يسئل عن الكلمات الي تذكرها ياعالي واما قولتك اللغه العربيه الفصحه فحنا ياربعك ماعندنا ممارسه للغه العربيه الفصحه لان اكثر سكان المملكه تغلبهم العاميه حتى عندكم في الطائف والباحه والنماص وعسير والمناطق الاخري الا ماقل من اهل العلم والدكاتره وانتوا مشهورين في مجال العلم كامثال الشيخ عائض حفظه الله وغيره

عشان كذا اقول حنا نتعامل بالعاميه والبدو وش عرفهم بالفصحى الله يجزاك خير والدعوى في الابل وماتعلق بالابل ولاظن ان الشباب بيتجاوبون باللغه الفصحى و انا اخوك واما الكلمات الي انزلتها ماعرفها احتريك تعلمني بها طال عمرك لاني عليمي ههههههههه

أخوي قهيدان بيض الله وجهك ووجهي أبيض

ماعليك زود ياولد زايد الأزدي وأحب أقول إن لغة العرب وخاصة أهل الحلال في نجد وخاصة الشيبان يتكلمون بالألفاظ العامية وهذا صحيح بابعد عمري وأنا والله العظيم أجزم 100% إنها فصيحة 1000,000%1000,000

وان كل كلامهم يطربني وخاصة لا قالوا أبك أبك شدينا للمخايل شدينا

تحياتي لك يالصخيبري عزيتك وأحترم شرواك

مشاءالله معلومات طيبه قدمتوها لنا الله يعطيكم العافيه

السلام عليكم
ياجمــــــــــاعه البعير اللي ينتفخ مدمنه وشفيه
قالو لي انه بعج - وناس تقول انه بديه وتظهر في بناته وانا اول مره
اسمع ان البعير يبدي وان مصدقت على ماقالو السوالف بلاش
وابي المشوره يالربع0000000 افزعولي ولاتقصرون

مامعنى الناقة الشكر بتشديد لشين وفتح الكاف ومامعنى البعير المساقم

1- الشكر هي : الطويلة الدقيقة0
2- المساقم هي : من تعيف الزاد0
السؤال : مامعنى كلمة [اتعطن]0

ماهي علامات ان الناقة درة للحليب؟

مامعنى العنقفة

بالربع كيف حالكم عندي بعير الحمت المدمن تظهر وقالو لي انه
بعج ولازم تخيط المدمن علشان مايظهر مره ثانيه
وانا والله مدري ويش اسوي وحبيت استشير اخواني فالمنتدى
واللي عنده حل ( لايخليني ) والاجر من الله سبحانه ( انتظركم ياخواني )