عطني سؤال اعطيك جواب..

السلام عليكم ينحسب لقاح الناقه من يوم ضرابها سوال ماهي المغرقات ؟

السلام عليكم
انا عندي سؤال
يقولون العرب اول
ناقة العرب و ناقة الطرب
فما المقصود بكلتا الكلمتان

ناقه العرب تقال للناقه المجهم لكثرة حليبها

وناقه الطرب للوضح لانه يطرب راعيها معها وخفيفه نفس

السلام عليكم
ولاهنتوا جميع
على المواضيع الجميلة
والمغرقات 7 ايام قبل الملاقى و7 بعدها

يا سلطان ماعطيتنا سوال
وش يعني {ملاغي}

ياراشد المخضوبي : هذا الموضوع هو من ابتكارك ، وزين مخترت ، لكن تراك بغيت تنساه من كثر بطاك ، لاعاد تخليه يموت كل مابغى يبرد حش النار عليه0

والله يا اخوي فارس انا في البر صارلي اكثر من اسبوعين ومثلك عارف اولاد البل وانا مشغول لكن انا وياهم وزمن طويل لين اثبتونه وترا ياجماعه الموضوع مهوب لي من دونكم ونقبت انتو ماجودين وردو على{ اسوال}

السلام عليكم ورحمه الله وبركاته ملاقي يعني كمل لقاحها سنه سؤالي هو كم تعيش الناقه؟

تعيش الناقه من ثلاثين سنه الى أربعين ..

سؤااااال ..

وش تسمى الناقه اللي تحلب من شقاقييها (( يعني من الجنبين كلهن ولا تستنكر)) ..؟؟

اذا الناقه تحلب مع الجهتين يقالها (تكنف) اما المسمى ماعرفه

وش معنى طياح الابل؟

[ناصر اليامي]

السلام عليكم ورحمة الله وبركاته
الاخ راشد المخظوبي الهاجري
صبحك الله بالخير
والله لا يهينك على جهودك الواضحه والتميز الملحوظ ومواضيعك النيره

وأرجو من مشرفي قسم الاستشارات
تثبيت موضوع الاخ راشد لانه موضوع متجدد ومتنمي ويتعلم منه الكثير
والموضوع اشوف انه موضوع قوي يستفيد منه اصحاب الخبره القليله .
وغير ذلك تقدير وتشجيع لاصحاب الافكار الطيبه والمفيده مثل الاخ راشد .
وفوقها حبة خشم .

مرحبا بلجميع وخص ابو محمد وشكره على الكلام الطيب ونشاء الله الخوان في الاداره مايقصرون وطياح اضن الحشوان الي عند المغهور
سوال:
وش الفرق بين البكستاني المجهم وبين المجهم العربي من اشكل؟

موضوع يستاهل التثبيت ..

أطلب الإسعاف

السلام عليكم جميع
عنــــــــــــدي لخبطة في بعض المسميات واباكم تسعفوني بتوضيحها والله يبيض وجهيكم

س1) الناقة المصغر ، متى يفسخ عنها هذا المسمى ، لأني سمعت من يقول شهر ، وناس تقول شهرين وثلاث أشهر
وناس تقول إلى( قرم) الحوار ماعاده صغير ويفسخ عن أمه مسمى المصغر

س2) الناقة العجم . هل يطلق على البكرة اللقحة - أم البطن الأول - عجم والا لقحة بكر
وهل الحقة من العجوم أولا
لأن الي في بالي اللقية والجذعة ، والثنية إلى مالقحت ؟؟؟

يالله يارعيان البل
وين المسعفين