بكرة جابتها أمها والأم نافرتها ولا فيها حليب ومتورط نرجو الفزعة

السلام عليكم ورحمة الله وبركاته

يا اخوان البارحة جات لي بكرة مبروكة أنتوا ابرك منها وللأسف أمها بكر والحليب والديد لا تعلم ولا ندري اي حليب يصلح لها ولا ويش السواة مع أمها وسلامتكم

الي عنده ناقة ضيار مميت قريب الفزعة ولا هو بلازم تكون زينة أهم شيء وضحى بها حليب

وعليكم السلام ورحمة الله وبركاته

أرضع البكرة من بكر ثانية أو اي ناقة برضاعه ولاتخليها..

وحاول تعين عشرا ( مبيوع ولدها أو ميت) ولو أن لونها مختلف أهم شي تروم الحوار وديدها زين

والله يسر أمورك ياهادي...........

أرضعها بالرضاعة . احلب من أمها وأرضعها (لازم حليب أمها ماهو حليب عشراء) لين الله يفرجها

ودامك مضير مضير فالأحسن إنك تضير أمها عليها .

مادامها بكر اصبر عليها
يومين اوثلاثه بس ابعدها عن البل
وحطها بشبك هي وحوارها ولايصير الشبك كبير
وبالليل حاول تخوفها والصبح امسح على ديسها وقرب الحوار
خله يرضع وانت عنده وان شاء الله تركبه

حطها هي وامها في شبك منعزل وخلها تمسي معها واخطم امها بخطام وخل الحوارة ترضع واذا رغت ولا لفت رقبتها اضربها بالعصا هذا ضيار البكر قد صارت مع قصيرن لنا واذا ما نفع ضير امها وسلاااامتك

مثل ما قال ذيب بن علي

اصبر عليها وبترومها

نفس الوضع صار عندي

واحده من البل ام ثاني ولدت في المفلى والراعي ما انتبه لها وتركته وبعد يوم لقيته حي يرزق

ثم حطيتها معه في شبك لوحدها وبعدها أعطيتها ابره بنج 12 سم وأبرة مدر حليب ( طبعاً اليوم صبح)

وأبشرك اولى بعد المغرب ترزم عليه وركبته ودرت عليه

تقديري

الاخ هادي

حليب السعودية طيب للحيران وضير امه عليه والله ييسر امرك

انا اشوف ان طريقة اخونا مهنا طريقة سهلة وسريعة واحسن من الضيار اللي كله ضرب وخنق وتعذيب

اخوي مهنا الله يعطيك العافية
ويبارك في ناقتك وحوارها

حليب امها افيد لها لان فيه مادة يجي بعد الولاده تقويه الحوار اكثر

سبق وصارت معنا البكر تنفر ولدها ماتبيه لانها صغيره

بس ارجع وضيرها هي عليه ابرك لك ولا ابلمها وفك الحوار عليه

انا مرت علي هالحاله مرتين وحده ضيرت عليها والثانيه العام في الربيع بلمتها وبعد فتره فكيت الحوار عليها وانا بجنبها لين رجعت ورامته