الماء و هياج الفحل

بسم الله الرحمن الرحيم

السلام عليكم ورحمة الله و بركاته

صبحكم - مساكم الله بالخير يا رجال

بعض اهل البل يعطش الفحل يقول أسرع للهياج فهل
هذا الكلام صحيح ؟

السلام عليكم ورحمة الله وبركاته

اخوي الي نعرفه انه يقصر عنه الطعام شوي بس واما الماء الله هو اعلم لاني ماجربت قصر الماء لاكن في الشتاء الماء ماينعطاء للابل كل يوم نصيحه للجميع يوم وراء يوم يعني تعطي يوم وتغب يوم .

اخوك ,,, عبدالله

السلام عليكم ورحمة الله وبركاته
لا اعتقد ان للماء وكثرته والاكل وقلته اي تاثير على هياج الفحول
انما الفحول تهيج لي شمت ايسرت البل وعصر عليها البرد وهي سوف تخف من اكلها وشربها بنفسها
والفحول لها وقت للهياج ونصيحتي لكل شخص لديه فحل ان يتركه يسرح مع البل لكي يهيج ويعصب

وتقبلوا تحياتي

السلام عليكم
هذه اول مشاركه لي
انا سمعت ان الفحل اللي يبونه يفدر يعطونه ماء من التحليه او ماء صحه
والفحل اللي يبونه يهيج يعطونه من الماء الهماج

حياكم الله جميعاً كلٍ بسمه

كفيتوا و وفيتوا

ماله دخل تقطع الماء عشان يهيج
بس بعضهم مايعطه الماء لا جاء بيضرب عشان يكون البعير خفيف بس
ومثل ماقال اخوي موية التحليه تفتر في البعير والهماج تهيجه

يا هلا بخوي عبدالله

بيض الله وجهك على الإفادة .... لاهنت

على حسب معلوماتي ان الماء ليس له اي سبب في ذالك
اما مياه التحليه فقد قصرت بالرجال مهيب البعارين

الماء ماله دخل بهياج البل . والله أعلم