راي الأخوان ...

الأخوة الأعزاء ...
تحية طيبة ،،، وبعد
نستأنس برايكم بالقعود وبالتفصيل إن أمكن ، زينه (( مميزاته )) وشينه (( عذاريبه )) .
مع الشكر للجميع سلفاً .

الاخ خا لد السلام عليكم ورحمه الله وبركاته

اللمميزات ...... الشعره , الجلده , العكرة ( الزيل) , الرقبه, النحر , الغارب,السنام فيه انفهاقه

العيوب ...... العثنون قصير , الجل... والله مدري كم عمر ه لاكن اقول جذع , قله (الطربوش), السدو قصير

تقبل خالص تحياتي

الأخ فيصل ...
تحية طيبة ،،، وبعد
شكراً للمشاركة ...
العمر حق ( ولد عشرا ) شايف أخوه .

السلام عليكم

اخي الله يبارك لك ويربحك ان شاء الله


اخوك مـــاجـــد

اللله يبارك لك اخوي خالد

يمكن فيصل فادك في بعض اسئلتك

ونتظر اهل المغاتير العتيبي ونقا والمزحمي وباقي الاخوان

مغليك

مشعل اليامي

الأخ ماجد ...
تحية طيبة وبعد ،،،
أشكر لك مشاركتك .
والله يبارك للجميع ...

الأخ مشعل ...
تحية طيبة ،،، وبعد
تسلم يالغالي ، ويبارك لنا ولك ...

السلام عليكم ورحمة الله وبركاته

مرحبا ومسهلا اخوي خالد
خالد انا بعطيك زين القعون وعذاريب القعود وقبل ما اعطيك شئ من هذي لازم تعرف اصل القعود يمكن طيب ابوه واصله طيب
لذلك اذا انتج القعود وطلع انتاجه اطيب منه رجع الأنتاج من اصله واذا انتاجه طلع اردى منه او مثله هذا اصله ردي لذلك اصبر
وفيه بعض الفحول الطيبه جدا مايطلعون بأنتاجهم بالزين الأ اذا السن وصل جذع فما فوق وانت اصبر والقعود صفحته وسط وبيطلع ان شاء الله
ويمكن يشين ويمكن يزين زياده وانت اذا ناوي تفحله اصبر عليه وشف الأنتاج اما انه يبيض الوجه ولا لا واذا ما خاب ظني القعود عمره لقي

وانا الأن بقو لك الميزه في القعود

القعود راسه وسط اذنه حلوه رقببته منتله عمره زين عظمه وسط له سبال زين طوله زين الرقبه دقاق خده زين

وعذاريبه الغارب شين هضعه في ايدينه اللحي تشره عليه شوي


ارجوا منك اخوي عدم الزعل وانا اشوف الشئ هذا حسب نظرتي وكلن له نظره
وانت طلبت مننا زينه مميزاته شينه عذاريبه

تقبل تحياتي

أخوك علي العتيبي

وفيه عذاريب ومميزات ماذكرتها لك ياخوي والمفروض ماتذكر الحين ألا اذا سن القعود جذع فما فوق

الحين الحوار الصغير ما تذكر منه اي مميزات الا سنامه ورقبته وراسه

وماتقدر تذكر اي عذاريب في الحوار او اي مميزات في الحوار غير هذي

والقعود اللي عمره مفرود الى لقي ماتذكر غير عذاريب او مميزات معروفه زي السنام والغارب والرقبه والراس والخشم واللحي والأذن والعظم والفقاره بس

لأن القعود طوله ونموه ماوقف وبعض الفحول الطيبه الانتاج مايطلع ألا من فوق الجذع ومايزين الا فوق الجذع

واتمنى انني افدتك اخوي

تقبل تحياتي

أخوك علي العتيبي

هلابك ياغالي

ويعطيك الف عافيه

ماشاء الله

والله يباركلك في الفحل وانتاجه

والشباب ماقصرو كفو ووفو

أخوي اذا موب متوكد من اصله وانك مجبر تفحله ظربه ناقتين ولا ثلاث بس

وعذاريبه واجد منها ذكرت ومنها ماذكرتها

وحاول انك تنزل عند واحد بعيره طيب وظرب نياق عنده

الله يرزقك ونا خوك

واصبر عليه وشف الأنتاج الله يرزقك اخوي

الأخ علي ...
تحية طيبة ،،، وبعد
مشكور على المشاركة وإبداء الرأي .
وطالب الشور مايزعل أخوي .
والله يبارك لنا ولك ويرزقنا وإياك .

الأخ نقا ...
تحية طيبة ،،، وبعد
وبك أكثر يالغالي .
الله يعافيك ويخليك . ويطرح لنا ولك البركة .