استفسار عن ابل دبوس مبارك الدبوس

ابي معلومات عن راعيها وين مكان الابل ومنهو من القبايل والشكر للاخوان

الاخ العزيز طلال الدبوس حسب علمي من عوائل اهل الكويت الكريمه واهل تجاره

واكيد انت مثلي شدتك بكاره اللي يعرضونه في الصحراء

واعتقد بيكون لها انجازات قويه على مستوى الفردي والجمل في المستقبل

الدبوس يرجع الى عائلة الفضلي تقدر تقول من الحاضره
اما موقعه مااعرفه وهذا اللي عندي عن الدبوس

اخوي حمد اشهد انك اصبت الي في الخاطر بيض الله وجهك..
اخوي محمد الحنتوشي تسلم يا ولد العم

هلا وغلا فيك والدبوس

علمي فيه يوم يصورون ابله قناة الصحراء تقريباً حول الشهر

ومكانه حوول النعيريه 50 كيلو با اتجاهـ الكويتـ ووكيله ابن همدان المري

صدقت ياعبدالله الجابري
ودبوس الدبوس ابلة طيبة بس مشكلتها اغلب المنقية من الدق الجل ماهو كثير وهذي تحسب ضدة في المزاين
والله يوفقة ويرزقة واخواني القراء الكرام اجمعين

دبوس مبارك الدبوس فضلي
وابله حول السفانيه علوا
ووكيله ابن همدان المري
وعز الله انه عنده ابكار طيبه

الدبوس عائله كبيره وهم من قبيلة الفضول واهل خير الله يزيدهم ووكيله الظاهر انه ابن همدان المري والله يستر على بكار وقعدان معه ما دوجت مع البدو

صدقت ياعبدالله الجابري
ودبوس الدبوس ابلة طيبة بس مشكلتها اغلب المنقية من الدق الجل ماهو كثير وهذي تحسب ضدة في المزاين
والله يوفقة ويرزقة واخواني القراء الكرام اجمعين

لا بالعكس انا اخوك يافيصل وانا اخالفك الرأي الا تحسب للابل . ودي بالابل الزينه اللي اغلبها دق معطيتني اعمارها ولا ابي الابل اللي اغلبها جل مقفيه بغض النظر عن المزاين وتقبل تحيات اخوووك يالعاطفي ..

ممكن اعرف وش يعني دق ووش يعني جل حسب مفهومكم

السلام عليكم ورحمة الله وبركاته

يا عيد الدق يعني الصغار من البل من الحواره إلى اللقيه

والجل هي النياق من الجذعه وفوق وهذا مفهوم البدو كلهم

دبوس مبارك الدبوس الفضلي من اهل الفحيحيل

من رجال الأعمال بالكويت أبا َ عن جد

ولا سمعنا عنه اللا كل خير

مرجله واخلاق وتواضع وصاحب دين

اما بخصوص إنها تحسب له او تحسب عليه فهي على حسب الشخص نفسه

إذا بيشارك هالسنه مهوب من صالحه لأن اللجنه تبي الغالب جل وراح تنزل من تقييمه

أما إذا الشخص يبيها للسنين القادمه أو للإنتاج على المدى الطويل فهي تحسب له

وقد اصاب في هالشيء خصوصا إنها بتشارك والناس متشفقه لها بعد سنه او سنتين

وهم يسمعون فيها ولا شافوها وبيض الله وجهه عزالله انه دخل بقوه محد سبقه عليها

واشهد بالله إن الفلوس لقت راعيها يا رياجيل

ولا أنسى ان اشكر إبن همدان المري وكيل البل

اشهد بالله إنه اخلصله وإنه راعي النظر اللي ما فيه كلام

والله يبيض وجهه ويكثر من امثاله

فيصل العتيبي الله يعطيك العافية
فاهمت وش اقصد بمصطلح تحسب لة وضدة
تحياتي

فيصل العتيبي الله يعطيك العافية
فهمت وش اقصد بمصطلح تحسب لة وضدة
تحياتي

فيصل العتيبي الله يعطيك العافية
فهمت وش اقصد بمصطلح تحسب لة وضدة
تحيتي

دبوس الدبوس شرا من انتاج البعير / معدي

30 بكرة وب500 الف للبكرة الوحدة