الخلفة الضعيفة

اخواني الكرام السلام عليكم ورحمة الله
شريت خلفة من عمان وجبتها قطر الخلفة ضعيفة حيل ومشكلتها انها راعية تمر عند اهلها الاولين
تقريبا طعامهم اكثرة تمر وعطيتها حبوب دود وبعد 15 يوم كررت الحبوب ونا ما احلبها عشان ما
تضعف اكثر وعازل منها حوارها مايرضع الا بالليل والنهارة رضعتين فقط .
نبي الشور منكم مع اني مكرمها بالبرسيم والشوار والشعير وللعلم رغبتها قليلة للشوار والشعير
نبي الحــــــــــــل يا اللحوات الغانمة
هل اعطيها ابرة الجرب او الهيام

مرحبا يابو مطير والناقة حزين و مستنكره الدار والطعام واللي اعرفه ابل اهل عمان ماهيب راعية طعام ومع الوقت بتاقلم .

عطها ذره بيضا بتدريج شوي شوي ترا غثتها قويه و بتحصلها في الريس وبتدعيلي

أرحب يا محمد

أصبر عليها وبإذن الله ما يصير إلا الخير
تغيير العلف يسبب مثل هذه الحالات
وحصلت عند واحد من الربع
كان يطعم البل تمر ويوم غيره ضعفت البل وشان حالها

أعط الناقة ابرة هيام الفرنسيه ( سيملارسان )
وبعدها بإسبوع أعطها أبرة الجرب (دكتوماكس ) 15 سم
وكرر جرعة الجرب بعد 12 يوم
وأكرم الناقة وبيزين حالها بإذن الله خلال شهرين.

كلام الأخوان صحيح الناقه حزين ومستنكره . مع الوقت بتزين إن شاء الله .

الاخوان الكراااام لا هنتوا وجزاكم الله خير