ابي رايك

[خالدالعايد]

السلام عليكم ورحمة الله وبركاته

هذي اول مشركاتي امل ان تعجبكم

وامل من الكل قول رايه بكل صراحه وكم يستاهل

حيااااك الله ياخالد

وان شاااء الله انك تفيد وتستفيد

بخصوص الروابط المرفقه مافتحت

ولو تحمل الصور عن طريق المنتدى

وهذه صورة توضيحية لطريقة تحميل ورفع صورة من الجهاز للمنتدى

موفق

ما شاء الله

ونتظر الاخوان اهل المغاتير


اخوك

مشعل اليامي

تحيه

الاخ خالد العايد

القعود اقل من عادي وفيه عذارييب كثيره

اما كم يسوى العلم عند الله يمكن الفين ريال

ولك تحياتي

المزحمي

الاخ العزيز خالد العايد
حنا ان شاء الله ماراح
نغشك القعود
ماهولك الدرجه
مستوه عادي او اقل
ولكن له نظره يعني لا تحكم على كلامنا
ولك جزيل الشكر
محمد العلي

اخوي الكريم العايد
القعود عادي وبصراحه لا يصلح فحل ولاكن اذا كان ابوه وامه مزايين ووراهم اصل طيب هناء يختلف الوضع احب ان اقولك شي بهذا الخصوص حيث اني كنت في نزهه مع الاهل في احد المناطق البريه ووجد فحل اقل من عايدي ة ولم تكن عنده اي ناقه وقلت لصاحب البعير كم عليه سوم ( في الحقيقة انا كنت استهبل على صاحب البعير وقالي مليوننين انا ضحكت منه وهو لاحظ اني اسخر منه المهم قال البل بتجي حول قبل المغرب بنص ساعه ابي او ريك ناقه عندي قلت اجيك انشالله بعد بكره لاني كنت مشغول وفي ذلك الوقت حضرت اليه وتقهويت عنه قهوت العصر واذا بالبل تجي من مرتعها واذا المقهور ( مشالله تبارك الله ) وله مفرود يسام باربع ميه الف وعنده بكار تسام بميتن لسى حيران وهنا عرفت ان الاصل له دور كبير

السلام عليكم


القعود صراحه عادى لكن الاصل له دور

مـــاجـــد

سلطان المطيري ،،

كلامك سليم جداً ،،

شاكر لك الايضاح ،،

اخوك

البدرانـي

وناخوك القعود دون العادي وانت وش تبي فيه تفحله ولا تبيعه قصب((ان كنت بتفحله لاتفحله الا اذا كان اصله طيب واذا كان ماتدري عن اصله انصحك بيعه لانك بتتعب بدون نتيجه وعذاريبه واجد

وتقييمه الله العالم ان كان سمين 3000 ريال

وناخوك ودي انه يجيبلك مليون لكن انا اقولك حقيقه ولاتزعل

تقبل تحياتي

علي العتيبي