تضيير الحايل

السلام عليكم ورحمة الله وبركاتة

صبحكم الله بالخير .. عندي استفسار يالربع عن تضيير الناقه الحايل اللي لها ثلاث سنين وهي قد استالدت .. هل هي بيجي فيها لبن؟؟ ولاّ لا ؟؟

الله عنده خلفيه يرد لنا خير الله يرضى عليه لانها عندي وضيرتها ورايم الحمدلله غير ماجاء فيها لبن.. ولها حول الاسبوع تقريبا من يوم ضيرتها ؟؟

داماها رامت اصبر عليها واطعمها وبيجي فيها لبن \\ انا مجرب في حايل عندي

اذا ركبت الحوار بيجي فيها حتى لو هي حيل خمس سنين مهوب ثلاث

السلام عليكم ما ادر قبل 25 وحول وبعدين رش علا ديده حليب لرضع ولدها ولا ادر مثل دره الخلفه يجي حلبها شوي والله يوفقك

يا على بعضهن يلبن وبعضهن مايلبن لاكن كثر عليها البرسيم

كثر عليها البرسيم وخلّها مع الحوار في شبك ومسح خلافها

بلبن والا ما وسكّر وبإذن الله بتلبن لاني ضيرت حايل سنها رباع

مابعد استالدت وجا فيها لبن ولو ماهو واجد واصبر عليها شهر

انا ضيرت حايل سديس اخر بناتها /جذعه لقحه
ودرت الحليب بعد اسبوعين
لكن الحوار لازم يلهجها من شان تبني ضرتها
حط سكر وماء على ديودها وارضع الحوار برضاعه من بين خلوفها فقط ولا ترضعه بعيد

حط ماء وسكر على ديودها ولا تكثر من ترضيع الحوار عشان يجوع ويرضع ديدها وخل البرسيم ناقع عندها

والله يبارك فيها انشأ الله