ياهل البل أبي رأيكم؟

مساكم الله بالخير عندي مشكله وأبي رأيكم
فيه واحد من أخوياي شرى بعير عن طريقي من واحد قبل ثلاثه أشهر المهم كل أسبوع يتصل علي ويقول البعير مايضرب مع إن البعير ويقول البعير هايج
وراعي البعير الأول يقول البعير طرحه عندي ذي السنه حيران
وأنا بلشت وش السوات؟ هل أحد مرت عليه إن بعير عاصب ولايضرب نهائيا ؟

غريبة ؟
الله يعينك ياخالد انت وسيط والي شراه عن طريقك لو اشغلك معذور

يمكن مافي الابل مجاسير ولا كلها عشاير
وهل البعير سالم الذيبة ؟؟

مرحبا اخوي خالد السؤال هل البعير يفشح على الناقه او لا .البعير شفته بعينك قافل وسط البل ولايضرب او كلامه بالتلفون ؟؟ .

غريبة ؟
الله يعينك ياخالد انت وسيط والي شراه عن طريقك لو اشغلك معذور

يمكن مافي الابل مجاسير ولا كلها عشاير
وهل البعير سالم الذيبة ؟؟

أنا ماوقفت عل البعير لكن الرجال يقول ان البعير مجنب عن البل نهائياً ويقول ان كذا مره تجيه ضرايب مياسير ولا هو يمها يجنب عنها وهو سليم من الذيبه

مرحبا اخوي خالد السؤال هل البعير يفشح على الناقه او لا .البعير شفته بعينك قافل وسط البل ولايضرب او كلامه بالتلفون ؟؟ .

مرحبا يامحمد والله ماوقفت على البعير بنفسي لكن على كلام الرجال انه هايج وقافل والبعير مايفشح نهائياً على كلامه مو يم البل لافكه على البل يجنب عنها

يابو عدوه هل مر بك بمثل هالوضع؟ ومالمانع ان البعير مايضرب البل وهو هاااايج وهو صحيح مابه أي عله؟

السلام عليكم ورحمة الله
جيبو بعير وخلوه يضرب وحده من البل قدامه و عقبها بأذن الله بيضرب طبيعي

يحتاج شحن نفسي ببعير ثاني والله اعلم
هدوا في البل بعير يحمسه ولو يكون صغير سن مايلقح احسن

رشه بسدر وشربه عزيمه ولا تخليه يسرح مع البل كم يوم مربوط
وعقبها لا ضوت البل هده وشف وان شاالله بيضرب

أرحب يا خالد

أعطه أبرة هيام (( سيميلار سان ))
20 مل عقب صلاة الفجر
حلها في ماء عادي لا تحلها في ماء صحة ولا بيذر

وعقبها بثلاث ساعات بالكثير هده يسرح مع البل وبإذن الله بيضرب

البعير مستهيم وأنا أخوك

ولو نشدت راعي البعير إن كان البعير يهدر ولا لا
راح يقولك البعير ما يهدر
وهذا أكبر دليل على أن البعير فيه هيام